If you would like a copy of this version please contact info@davaraudiobibles.org

Nyakyusa-Ngonde (Malawi) Bible

<div class="version vid2399 iso6393nyy" data-vid="2399" data-iso6393="nyy">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="s">Jes&#7909; nunk&#7883;&#772;kulu Unsamal&#7883;ja</div><div class="p"> 1Lelo Untwa bo &#257;syag&#275;n&#7883;e ukuti Abafal&#7883;sa&#7883; bapilike isya kuti: Jes&#7909; &#7883;kubapela baf&#7909;&#772;nd&#7883;gwa nukub&#333;sya ab&#257;ndu ba b&#7883;&#772;ng&#7883; ukunk&#7883;nda Johan&#7883;, 2napapo Jes&#7909; ak&#257;b&#333;syaga j&#363;jo, lol&#7883; abaf&#7909;&#772;nd&#7883;gwa b&#257;ke, 3po papo alinkwenda nukus&#333;kamo m&#7909; J&#7909;ta&#7883;, alinkub&#363;ka kangi m&#7909; Gal&#7883;la&#7883;. 4Umwene lol&#7883; injila jake jalyend&#7883;le m&#7909; Samal&#7883;ja. 5Po papo alinkwenda alinkwakuf&#7883;ka nk&#257;ja m&#7909; samal&#7883;ja aka b&#7841;&#772;tigi S&#7883;k&#257;li &#299;ngam&#7909;, aka kapalam&#275;ne nunng&#363;nda ugu Jakob&#7909; &#257;limp&#275;le umwan&#257;ke Josef&#7909;. 6Mo kyal&#7883;mo ik&#7883;&#772;na kya Jakob&#7909; ikya ny&#7883;&#772;buko ja m&#299;si. Lelo Jes&#7909; bo akat&#275;le injila, alinkut&#363;gala &#7883;tolo p&#257;ny&#7883;&#772;buko; p&#257;li po pakabalilo ka ntandatu bo il&#7883;&#772;suba lili pantu.</div><div class="p"> 7Po papo alinkw&#7883;sa unk&#7883;&#772;kulu Unsamal&#7883;ja kukunega am&#299;si. Umwene Jes&#7909; alinkujoba nagwe alinkuti: Mbapo gamo n&#7883;ne nnwepo. 8Namanga abaf&#7909;&#772;nd&#7883;gwa b&#257;ke b&#257;b&#363;k&#7883;le nk&#257;ja nk&#363;la if&#7883;&#772;ndu. 9Po papo unk&#7883;&#772;kulu Unsamal&#7883;ja alinkwam&#7909;la alinkuti: Kali kubag&#7883;&#772;le gwe Nj&#7909;&#772;ta ukus&#363;ma am&#299;si kuli ne nk&#7883;&#772;kulu ne Nsamal&#7883;ja? (Namanga Abaj&#7909;&#772;ta bat&#7883;kwangala na Basamal&#7883;ja). 10Umwene Jes&#7909; alinkummwam&#7909;la alinkuti: Linga gwaf&#7883;m&#275;nye ifyabupe fya Kyala, nukuti jwan&#7883; uju &#7883;kukub&#363;la ukuti: Mbapo gamo n&#7883;ne nnwepo, angali kuns&#363;ma j&#363;jo, po umwene angali &#7883;kukupa am&#299;si am&#363;m&#7883;. 11Po papo unk&#7883;&#772;kulu alinkummwam&#7909;la alinkuti: Malafyale ikinegelo ukaja nakyo kangi ik&#7883;&#772;na kisolof&#7909;, lelo po kug&#257;gaga k&#363;gu am&#299;si am&#363;m&#7883; aga kugajoba? 12K&#299;ngamo ugwe unk&#299;nd&#7883;le ubukul&#363;mba T&#257;ta gwitu Jakob&#7909;, uju &#257;tup&#275;le ik&#7883;&#772;na kik&#299;ki, uju jope anwaga m&#7909;li kik&#299;ki nab&#257;n&#257;ke, nim&#7883;t&#7883;&#772;mo gyake? 13Umwene Jes&#7909; alinkummwam&#7909;la alinkuti: Gwesa uju linga &#7883;kunwa am&#299;si gagaga, jo &#7883;k&#363;milwaga kangi. 14Lol&#7883; uju linga &#7883;kunwaga am&#299;si aga n&#7883;sakumpaga une, jo at&#7883;sak&#363;milwangamo s&#7883;ku, lol&#7883; am&#299;si aga n&#7883;sakumpaga, go g&#7883;kw&#7883;pelaga mmyake ny&#7883;&#772;buko ja m&#299;si, iji j&#7883;kw&#7883;bukila kub&#363;m&#7883; bwa bw&#7883;la na bw&#7883;la. 15Po papo unk&#7883;&#772;kulu alinkujoba nagwe alinkuti: Malafyale, go ul&#299;mbaga am&#299;si gagaga, ukuti nang&#363;milwaga, kangi ukuti n&#257;ng&#7883;&#772;saga kuno kukunega.</div><div class="p"> 16Umwene Jes&#7909; alinkummb&#363;la alinkuti: B&#363;kaga kammbilikile unndumego uk&#7883;&#772;sege nagwe kuno. 17Po papo unk&#7883;&#772;kulu alinkummwam&#7909;la alinkuti: Ngaja nunny&#257;mbala najumo. Umwene Jes&#7909; alinkummb&#363;la alinkuti: Utalw&#7883;sye apa ut&#7883;le ngaja nunny&#257;mbala najumo. 18Namanga gwali nabalumego bah&#257;no, kangi jope uju ulinagwe lilino akaja ndumego. Is&#7883; ujob&#7883;le sya nalol&#7883;. 19Po papo unk&#7883;&#772;kulu alinkub&#7909;sya alinkuti: Malafyale ngubwene ukuti uli nk&#7909;&#772;ng&#7909;l&#7909;ka. 20Bat&#257;ta uswe b&#7883;p&#7909;&#772;tilaga pakyamba kik&#299;ki, umwe lol&#7883; mwe Baj&#7909;&#772;ta m&#7909;kuti m&#7909; Jel&#7909;salem&#7909; bo bujo ubu ab&#257;ndu f&#7883;kuti b&#7883;p&#7909;&#772;tilengemo. 21Umwene Jes&#7909; alinkummb&#363;la alinkuti: Gwe nk&#7883;&#772;kulu ugwe uny&#7883;tikege une, k&#7883;kw&#7883;saga akabalilo apa m&#7909;t&#7883;sakw&#7883;p&#7909;&#772;taga kwa T&#257;ta pakyamba iki, nalinga mo m&#7909; Jel&#7909;salem&#7909;. 22Mwe Basamal&#7883;ja m&#7909;kammanya nakamo uju m&#7909;kw&#7883;p&#7909;&#772;tako. Lol&#7883; uswe twe Baj&#7909;&#772;ta tumm&#275;nye uju t&#7909;kw&#7883;p&#7909;&#772;tako. 23Lol&#7883; k&#7883;kw&#7883;saga akabalilo, nalilino kal&#7883;po, po aba b&#7883;kw&#7883;p&#7909;&#772;ta nalol&#7883; b&#7883;sakw&#7883;p&#7909;&#772;taga kwa T&#257;ta m&#7909;mbepo na mbwanalol&#7883;; namanga T&#257;ta bo aba &#7883;kubal&#333;nda aba b&#7883;kw&#7883;p&#7909;&#772;ta kumyake, fikuti b&#7883;p&#7909;&#772;tilege m&#7909;mbepo na mbwanalol&#7883;. 24Kyala &#299;mbepo, lol&#7883; f&#7883;kuti aba b&#7883;kw&#7883;p&#7909;&#772;ta kumyake, b&#7883;p&#7909;&#772;tilege m&#7909;&#299;mbepo. Bo b&#7883;kw&#7883;p&#7909;&#772;ta b&#7883;p&#7909;&#772;tege iny&#7883;p&#7909;&#772;to sya nalol&#7883;. 25Umwene unk&#7883;&#772;kulu alinkummwam&#7909;la alinkuti: Mm&#275;nye ukuti Mes&#7883;ja &#7883;kw&#7883;saga (uju jo Kilis&#7883;t&#7883;); linga &#7883;s&#7883;le j&#363;jo, po &#7883;sakutub&#363;laga syosa.</div><div class="p"> 26Po papo Jes&#7909; alinkummb&#363;la alinkuti: Jo une ne n&#7883;kujoba nan&#7909;ngwe.</div><div class="p"> 27Pakabalilo kalakala abaf&#7909;&#772;nd&#7883;gwa b&#257;ke balinkw&#7883;sa, balinkusw&#7883;ga papo &#257;jobaga nunk&#7883;&#772;kulu. Loli najumo ak&#257;linnd&#257;lus&#7883;&#772;sye ukuti: Kul&#333;nda f&#7883;k&#7883;? Pamo kujoba nagwe sya f&#7883;k&#7883;? 28Po papo unk&#7883;&#772;kulu jula alinkujileka &#299;ndeko jake, alinkub&#363;ka nk&#257;ja, alinkwakubab&#363;la ab&#257;ndu alinkuti: 29Tub&#363;ke, m&#7909;kank&#275;te um&#7909;&#772;ndu uju &#257;mb&#363;l&#7883;le syosa is&#7883; n&#257;b&#333;mbaga. Kali ajege jo Kilis&#7883;t&#7883; jujuju? 30Po papo balinkus&#333;ka nk&#257;ja balinkub&#363;ka apa &#257;lipo. 31Lelo pakabalilo kalakala, abaf&#7909;&#772;nd&#7883;gwa balinkunt&#275;ngulila Jes&#7909; balinkuti: Mmany&#7883;s&#7883;, lyamo. 32Loli, umwene alinkubab&#363;la alinkuti: Une ndinafyo if&#7883;&#772;ndu fyakulya if&#7883; m&#7909;kaf&#7883;manya umwe. 33Ab&#275;ne abaf&#7909;&#772;nd&#7883;gwa balinkul&#257;l&#363;san&#7883;a balinkuti: Kali um&#7909;&#772;ndu jumo antwal&#7883;&#772;le f&#7883;mo ifyakulya? 34Umwene Jes&#7909; alinkubab&#363;la alinkuti: Ifyakulya fyangu ko kub&#333;mba ubw&#7883;gane bwa uju &#257;ndum&#7883;le une, nukujimalisya &#299;mb&#333;mbo jake. 35Bule umwe m&#7909;t&#7883;kujoba ukuti: Gisyele imyes&#7883; m&#7883;na ukw&#7883;sa unt&#333;ndolo? K&#275;ta lelo nikubab&#363;la une n&#7883;kuti: Amw&#7883;nule am&#257;so g&#299;n&#7909; m&#7909;k&#275;te im&#7883;g&#363;nda, buno gyeluk&#7883;&#772;le gif&#7883;k&#7883;lepo pant&#333;ndolo. 36Unt&#333;ndoli ali pakwambilila if&#7883;h&#333;mb&#7883;gwa fyake, ali pakub&#363;ng&#257;n&#7883;a &#299;seke sya b&#363;m&#7883; bwa bw&#7883;labw&#7883;la; ukuti unsop&#7883; nuntondol&#7883; basekelege pamop&#275;ne. 37Buno mo m&#7909;no l&#7883;kubonekela ukuja lya nalol&#7883; il&#7883;syu ili l&#7883;kuti: Jumo &#7883;kusopa, uj&#363;ngi &#7883;kut&#333;ndola. 38Une n&#257;batum&#7883;le umwe nkut&#333;ndola if&#7883; m&#7909;k&#257;lij&#363;l&#7883;lepo. Ab&#257;ngi bo aba b&#257;lij&#363;l&#7883;le, umwe mw&#7883;ng&#7883;&#772;lepo &#7883;tolo pakab&#333;mbo k&#257;bo.</div><div class="p"> 39Abasamal&#7883;ja ba b&#7883;&#772;ng&#7883; aba nk&#257;ja kala balinkummw&#7883;tika, pan&#333;ngwa ja &#7883;syu ili unk&#7883;&#772;kulu &#257;lis&#7883;s&#7883;mik&#7883;&#772;sye &#257;t&#7883;le: &#256;mb&#363;l&#7883;le syosa isi n&#257;b&#333;mbaga. 40Lelo bo Abasamal&#7883;ja b&#7883;&#772;s&#7883;le apa &#257;lipo, balinkumpyelesya ukuti agonepo pamyabo. Po papo umwene alinkugona papo amas&#7883;ku mabili. 41Po papo balinkummw&#7883;tika ba b&#7883;&#772;ng&#7883; ukuk&#299;ndapo, pan&#333;ngwa ja &#7883;syu lyake. 42Balinkummb&#363;la unk&#7883;&#772;kulu balinkuti: Lilino tut&#7883;kw&#7883;tikila kumasyu g&#257;ko g&#275;ne aga gwatub&#363;l&#7883;le, himma, buno na jujuswe tw&#7883;b&#275;ne tupil&#7883;&#772;ke, kangi tum&#275;nye ukuti uju nalol&#7883; jo Mpok&#7883; gwa k&#7883;&#772;su.</div><div class="p"> 43Lelo bo Jes&#7909; &#7883;kummb&#363;mbulusya umwana gwa &#7883;f&#7909;m&#7909;, umwene alinkus&#333;kamo, alinkub&#363;ka m&#7909; Gal&#7883;la&#7883;. 44Namanga Jes&#7909; j&#363;jo &#257;s&#7883;s&#7883;mik&#7883;&#772;sye ukuti: Unk&#7909;&#772;ng&#7909;l&#7909;ka at&#7883;kwimik&#7883;gwa nk&#7883;&#772;su kyake j&#363;jo. 45Lelo bo af&#7883;k&#7883;le m&#7909; Gal&#7883;la&#7883;, Abagal&#7883;laj&#7883; balinkummwambilila, namanga ab&#275;ne b&#257;s&#7883;bwene is&#7883; &#257;b&#333;mb&#7883;le m&#7909; Jel&#7909;salem&#7909; pakyaka, namanga bope b&#257;b&#363;k&#7883;le kukyaka.</div><div class="p"> 46Po papo Jes&#7909; alinkwandisya kangi alinkub&#363;ka m&#7909; Kana nk&#7883;&#772;su kya Gal&#7883;la&#7883;, m&#7909;mo agapel&#7883;le am&#299;si ukuja bwalwa bwa m&#257;f&#7883;&#772;lu. Lelo al&#7883;mo m&#7909; Kapel&#7883;naum&#7909; ul&#7883;f&#7909;m&#7909; jumo uju umwanake unndumyana &#257;b&#7883;n&#7883;le. 47Jo alinkupilika ukuti Jes&#7909; af&#7909;m&#7883;le m&#7909; J&#7909;ta&#7883;, &#7883;s&#7883;le m&#7909; Gal&#7883;la&#7883;, po papo alinkub&#363;ka kumyake alinkumpyelesya ukuti as&#7909;l&#7909;kege akammbummbulukisyege umwanake, namanga &#257;li p&#7883;&#772;p&#7883; nukufwa. 48Umwene Jes&#7909; alinkummb&#363;la alinkuti: Linga umwe m&#7909;t&#7883;kuf&#7883;bona ifya kumany&#7883;lamo nif&#7883;&#772;swigu, po m&#7909;t&#7883;sakw&#7883;tikamo s&#7883;ku. 49Umwene ul&#7883;f&#7909;m&#7909; alinkummb&#363;la alinkuti: Malafyale, &#7883;saga tw&#7883;kililege bo umwan&#257;ngu ak&#257;li ukufwa. 50Umwene Jes&#7909; alinkummb&#363;la alinkuti: B&#363;kaga, umwan&#257;ko m&#363;m&#7883;. Po papo um&#7909;&#772;ndu jula alinkul&#7883;tika il&#7883;syu ili Jes&#7909; &#257;limmb&#363;l&#7883;le, alinkwenda nukub&#363;ka. 51Lelo bo ak&#257;li &#7883;kw&#7883;kilila, alinkwagan&#7883;la na bab&#333;mb&#7883; b&#257;ke, balinkummb&#363;la isya kuti umwan&#257;ke m&#363;m&#7883;. 52Po papo alinkubal&#257;l&#363;sya akabalilo k&#257;ko umwan&#257;ke &#257;s&#7883;s&#7883;puk&#7883;&#772;le; ab&#275;ne balinkummwam&#7909;la balinkuti: Mmajolo pakabalilo ka buh&#257;no na bubili (nndyimo) po apa &#299;sekema jalinndek&#7883;le. 53Po papo ugw&#7883;se alinkwenda nukumanya ukuti pali po pakabalilo k&#257;ko Jes&#7909; &#257;limmb&#363;l&#7883;le ukuti: Umwan&#257;ko m&#363;m&#7883;. Po papo alinkwenda nukw&#7883;tika j&#363;jo niny&#7909;&#772;mba jake j&#333;sa. 54Iki lelo kyo k&#7883;&#772;ka kya bubili, iki Jes&#7909;, &#257;b&#333;mb&#7883;le bo &#7883;s&#7883;le m&#7909; Gal&#7883;la&#7883;, ukuf&#7909;ma m&#7909; J&#7909;ta&#7883;.</div>
 </div>
 </div>
</div>

Nyakyusa Bible © Bible Society of Tanzania, 1996.

Lelo Untwa bo āsyagēnịe ukuti Abafalịsaị bapilike isya kuti: Jesụ ịkubapela bafụ̄ndịgwa nukubōsya abāndu ba bị̄ngị ukunkịnda Johanị, napapo Jesụ akābōsyaga jūjo, lolị abafụ̄ndịgwa bāke, po papo alinkwenda nukusōkamo mụ Jụtaị, alinkubūka kangi mụ Galịlaị. Umwene lolị injila jake jalyendịle mụ Samalịja. Po papo alinkwenda alinkwakufịka nkāja mụ samalịja aka bạ̄tigi Sịkāli īngamụ, aka kapalamēne nunngūnda ugu Jakobụ ālimpēle umwanāke Josefụ. Mo kyalịmo ikị̄na kya Jakobụ ikya nyị̄buko ja mīsi. Lelo Jesụ bo akatēle injila, alinkutūgala ịtolo pānyị̄buko; pāli po pakabalilo ka ntandatu bo ilị̄suba lili pantu.
Po papo alinkwịsa unkị̄kulu Unsamalịja kukunega amīsi. Umwene Jesụ alinkujoba nagwe alinkuti: Mbapo gamo nịne nnwepo. Namanga abafụ̄ndịgwa bāke bābūkịle nkāja nkūla ifị̄ndu. Po papo unkị̄kulu Unsamalịja alinkwamụla alinkuti: Kali kubagị̄le gwe Njụ̄ta ukusūma amīsi kuli ne nkị̄kulu ne Nsamalịja? (Namanga Abajụ̄ta batịkwangala na Basamalịja). Umwene Jesụ alinkummwamụla alinkuti: Linga gwafịmēnye ifyabupe fya Kyala, nukuti jwanị uju ịkukubūla ukuti: Mbapo gamo nịne nnwepo, angali kunsūma jūjo, po umwene angali ịkukupa amīsi amūmị. Po papo unkị̄kulu alinkummwamụla alinkuti: Malafyale ikinegelo ukaja nakyo kangi ikị̄na kisolofụ, lelo po kugāgaga kūgu amīsi amūmị aga kugajoba? Kīngamo ugwe unkīndịle ubukulūmba Tāta gwitu Jakobụ, uju ātupēle ikị̄na kikīki, uju jope anwaga mụli kikīki nabānāke, nimịtị̄mo gyake? Umwene Jesụ alinkummwamụla alinkuti: Gwesa uju linga ịkunwa amīsi gagaga, jo ịkūmilwaga kangi. Lolị uju linga ịkunwaga amīsi aga nịsakumpaga une, jo atịsakūmilwangamo sịku, lolị amīsi aga nịsakumpaga, go gịkwịpelaga mmyake nyị̄buko ja mīsi, iji jịkwịbukila kubūmị bwa bwịla na bwịla. Po papo unkị̄kulu alinkujoba nagwe alinkuti: Malafyale, go ulīmbaga amīsi gagaga, ukuti nangūmilwaga, kangi ukuti nāngị̄saga kuno kukunega.
Umwene Jesụ alinkummbūla alinkuti: Būkaga kammbilikile unndumego ukị̄sege nagwe kuno. Po papo unkị̄kulu alinkummwamụla alinkuti: Ngaja nunnyāmbala najumo. Umwene Jesụ alinkummbūla alinkuti: Utalwịsye apa utịle ngaja nunnyāmbala najumo. Namanga gwali nabalumego bahāno, kangi jope uju ulinagwe lilino akaja ndumego. Isị ujobịle sya nalolị. Po papo unkị̄kulu alinkubụsya alinkuti: Malafyale ngubwene ukuti uli nkụ̄ngụlụka. Batāta uswe bịpụ̄tilaga pakyamba kikīki, umwe lolị mwe Bajụ̄ta mụkuti mụ Jelụsalemụ bo bujo ubu abāndu fịkuti bịpụ̄tilengemo. Umwene Jesụ alinkummbūla alinkuti: Gwe nkị̄kulu ugwe unyịtikege une, kịkwịsaga akabalilo apa mụtịsakwịpụ̄taga kwa Tāta pakyamba iki, nalinga mo mụ Jelụsalemụ. Mwe Basamalịja mụkammanya nakamo uju mụkwịpụ̄tako. Lolị uswe twe Bajụ̄ta tummēnye uju tụkwịpụ̄tako. Lolị kịkwịsaga akabalilo, nalilino kalịpo, po aba bịkwịpụ̄ta nalolị bịsakwịpụ̄taga kwa Tāta mụmbepo na mbwanalolị; namanga Tāta bo aba ịkubalōnda aba bịkwịpụ̄ta kumyake, fikuti bịpụ̄tilege mụmbepo na mbwanalolị. Kyala īmbepo, lolị fịkuti aba bịkwịpụ̄ta kumyake, bịpụ̄tilege mụīmbepo. Bo bịkwịpụ̄ta bịpụ̄tege inyịpụ̄to sya nalolị. Umwene unkị̄kulu alinkummwamụla alinkuti: Mmēnye ukuti Mesịja ịkwịsaga (uju jo Kilisịtị); linga ịsịle jūjo, po ịsakutubūlaga syosa.
Po papo Jesụ alinkummbūla alinkuti: Jo une ne nịkujoba nanụngwe.
Pakabalilo kalakala abafụ̄ndịgwa bāke balinkwịsa, balinkuswịga papo ājobaga nunkị̄kulu. Loli najumo akālinndālusị̄sye ukuti: Kulōnda fịkị? Pamo kujoba nagwe sya fịkị? Po papo unkị̄kulu jula alinkujileka īndeko jake, alinkubūka nkāja, alinkwakubabūla abāndu alinkuti: Tubūke, mụkankēte umụ̄ndu uju āmbūlịle syosa isị nābōmbaga. Kali ajege jo Kilisịtị jujuju? Po papo balinkusōka nkāja balinkubūka apa ālipo. Lelo pakabalilo kalakala, abafụ̄ndịgwa balinkuntēngulila Jesụ balinkuti: Mmanyịsị, lyamo. Loli, umwene alinkubabūla alinkuti: Une ndinafyo ifị̄ndu fyakulya ifị mụkafịmanya umwe. Abēne abafụ̄ndịgwa balinkulālūsanịa balinkuti: Kali umụ̄ndu jumo antwalị̄le fịmo ifyakulya? Umwene Jesụ alinkubabūla alinkuti: Ifyakulya fyangu ko kubōmba ubwịgane bwa uju āndumịle une, nukujimalisya īmbōmbo jake. Bule umwe mụtịkujoba ukuti: Gisyele imyesị mịna ukwịsa untōndolo? Kēta lelo nikubabūla une nịkuti: Amwịnule amāso gīnụ mụkēte imịgūnda, buno gyelukị̄le gifịkịlepo pantōndolo. Untōndoli ali pakwambilila ifịhōmbịgwa fyake, ali pakubūngānịa īseke sya būmị bwa bwịlabwịla; ukuti unsopị nuntondolị basekelege pamopēne. Buno mo mụno lịkubonekela ukuja lya nalolị ilịsyu ili lịkuti: Jumo ịkusopa, ujūngi ịkutōndola. Une nābatumịle umwe nkutōndola ifị mụkālijūlịlepo. Abāngi bo aba bālijūlịle, umwe mwịngị̄lepo ịtolo pakabōmbo kābo.
Abasamalịja ba bị̄ngị aba nkāja kala balinkummwịtika, panōngwa ja ịsyu ili unkị̄kulu ālisịsịmikị̄sye ātịle: Āmbūlịle syosa isi nābōmbaga. Lelo bo Abasamalịja bị̄sịle apa ālipo, balinkumpyelesya ukuti agonepo pamyabo. Po papo umwene alinkugona papo amasịku mabili. Po papo balinkummwịtika ba bị̄ngị ukukīndapo, panōngwa ja ịsyu lyake. Balinkummbūla unkị̄kulu balinkuti: Lilino tutịkwịtikila kumasyu gāko gēne aga gwatubūlịle, himma, buno na jujuswe twịbēne tupilị̄ke, kangi tumēnye ukuti uju nalolị jo Mpokị gwa kị̄su.
Lelo bo Jesụ ịkummbūmbulusya umwana gwa ịfụmụ, umwene alinkusōkamo, alinkubūka mụ Galịlaị. Namanga Jesụ jūjo āsịsịmikị̄sye ukuti: Unkụ̄ngụlụka atịkwimikịgwa nkị̄su kyake jūjo. Lelo bo afịkịle mụ Galịlaị, Abagalịlajị balinkummwambilila, namanga abēne bāsịbwene isị ābōmbịle mụ Jelụsalemụ pakyaka, namanga bope bābūkịle kukyaka.
Po papo Jesụ alinkwandisya kangi alinkubūka mụ Kana nkị̄su kya Galịlaị, mụmo agapelịle amīsi ukuja bwalwa bwa māfị̄lu. Lelo alịmo mụ Kapelịnaumụ ulịfụmụ jumo uju umwanake unndumyana ābịnịle. Jo alinkupilika ukuti Jesụ afụmịle mụ Jụtaị, ịsịle mụ Galịlaị, po papo alinkubūka kumyake alinkumpyelesya ukuti asụlụkege akammbummbulukisyege umwanake, namanga āli pị̄pị nukufwa. Umwene Jesụ alinkummbūla alinkuti: Linga umwe mụtịkufịbona ifya kumanyịlamo nifị̄swigu, po mụtịsakwịtikamo sịku. Umwene ulịfụmụ alinkummbūla alinkuti: Malafyale, ịsaga twịkililege bo umwanāngu akāli ukufwa. Umwene Jesụ alinkummbūla alinkuti: Būkaga, umwanāko mūmị. Po papo umụ̄ndu jula alinkulịtika ilịsyu ili Jesụ ālimmbūlịle, alinkwenda nukubūka. Lelo bo akāli ịkwịkilila, alinkwaganịla na babōmbị bāke, balinkummbūla isya kuti umwanāke mūmị. Po papo alinkubalālūsya akabalilo kāko umwanāke āsịsịpukị̄le; abēne balinkummwamụla balinkuti: Mmajolo pakabalilo ka buhāno na bubili (nndyimo) po apa īsekema jalinndekịle. Po papo ugwịse alinkwenda nukumanya ukuti pali po pakabalilo kāko Jesụ ālimmbūlịle ukuti: Umwanāko mūmị. Po papo alinkwenda nukwịtika jūjo ninyụ̄mba jake jōsa. Iki lelo kyo kị̄ka kya bubili, iki Jesụ, ābōmbịle bo ịsịle mụ Galịlaị, ukufụma mụ Jụtaị.

Koute Johanị 4