Masmur 13
13
Vatano matawanto awa ana udanajo AMISY Ai
1Masmur Daud po ratoe. Nto irati akari po vatano matayao ukiny maugavo ransyerane rai ai.
2Abo! Sya AMISY, ntoa nugoenta to winanimari rinai tutir bayave kobea e?
Ntoa nugoenta to winakirive rinaija e?
3Ntoa nugoenta to inanuga mamaun,
muno rinanuga ranimaumbe masyote yanteter.
Ntoa nugoenta to sya marova wo inatawanto tutir kobea e?
4AMISY, sya Amisy, syare namumbe de rinai, Nyo sya ana danajo ravera mamaisy.
Nyo vambunine raugakare rinai, muno vemo Nyo rinapayamo kakai nora.
5Vemo sya marova wo raura ware wo rinapinde to inya.
Muno vemo umararin ware wo rinangkuku to inya.
6Weramu risyamo syanave irati Nya muinyo no tawano rinai rai,
rinananibe weye Nyo rinapaya sya marova aneme rai to.
Syare rikinyo ransyerane raijo AMISY Nai,
weye Winyamo mbekobe irati rinai to.
Trenutno odabrano:
Masmur 13: yva
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
© 2011 Yayasan Sumber Sejahtera (New Testament)
@ 2019 Yayasan Kartidaya (Psalms)