Luke 24
24
1ပိုသာပတ်တစ်ဟဲ့နမ်ပတ်နင်တစိညင်အီးဗေ့တပိုင်တွေနမ်မန်ဟွမ်းဟဲ့လေ့တိနိင်ထမ်။ 2ကေနယ်ညိုထမ်စမူအန်းညိုဟာဗေအွန်းတိပါးဆာကိုင်အန်း။ 3လေ့တိနိင်ထမ်ဟဲ့ကေကောတိလာညိုလာဖကျောက်တိဆာ။ 4ကေနယ်ခိစိးရောကောပိုကြပ်လာနော်ညိုခွမ်အိုင်းပိုင်နွန်းဖော်ဝိုင်အွေန်းနန်းဟက်အွေန်းခေါ့ကေနန်း။ 5အီးဗေ့ကေကောလားဟခါတက်ဟဲ့တိပါးခါသေးလိုတိခုခေါင်တိဆာ။ဟောဟက်ကာအိုင်းပိုင်ဂျေ့ဟဲ့အွန်းတိနိင်ထမ်းဟဲ့မာကေအေးစော်ကေလားတိုးအားရိုမြောင်။ 6ဖကျောက်နယ်တိလားအွေန့်နန်းဟာ။ဟွင်နယ်ဂျေ့ဟဲ့ပြန်ကိုးမြောင်ဟဲ့ကယ်။နမ်ဟွင်အွေန်မွန်ပေးဟဲ့လားခါဟသပေးအွန်းခိမြောင်ဆာ။ 7ကေနယ်လားအမ်းကာသပေးတိခွမ်ညက်။ကေနယ်တွေေကျောက်ဟဲ့တောတိပါးကောင်ခိုး။ဟောဟဲ့ဟွင်ကျန်လားတိအိုင်စညင်ဖျောင်းဟဲ့အူးလားကိုးမြောင်ကျန်လားအွန်းသပေးတိ။ 8ဟောဟက်အိးဗေ့ကေကောဖကျောက်လားခါမာအွန်းခိကေမြောင်၊ 9အေးလားပီထမ်ဟဲ့ကေကောအေးလားတိခွမ်ကျိုင်ဟွင်ဆစ်စော်ပိုင်ဟဲ့လားတပိုအမ်စိးပိုခေး။ 10ခွမ်ကျိုင်ကေကောလားကေအေးလားလနော်ကေတိနယ်ပဲန်းခွမ်မွန်မာဂလဟဲ့မေရှိယောဟန္နဟဲ့ယာကုပ်ဟဲ့အီးမာဟွင်မာရှိကေနယ်။ 11ခွမ်ကျိုင်ကေကောလားအီးဗေ့အားကေလားတိနယ်ကျိုင်ခါမာဟဟဲ့ကေကောယွန်းတိဆာ။ 12ဟောဟဲ့မု့ပေတရုကောကိုးဟဲ့ဖော်အေးတိနိင်ထမ်ဟဲ့လေ့ခါးနိင်တိလားညိုတိုးဖကျောက်ဟဟဲ့ညိုဖော်ကွယ်ဟဲ့၊ယောဟဲ့ကောညိုအားလေလာနော်ဟဲ့ကွမ်းဟဲ့အေးတိညာ။ 13တစိညင်အန်းခွမ်ကျိုင်းဖကျောက်အိုင်းပိုင်ဟိုင်တိဂျေ့ရုဆလင်ဟဲ့ဆာတိုင်လေးအန်းဟိုင်းဖျောင်းတိမွန်မု့ဧမောက်တိဆာ။ 14ကေနယ်အူးလေဖကျောက်ဟဲ့အူးလားတိပိုတိဆာ။ 15ဟောဟဲ့တပိုင်ဟဲ့တပိုင်အူမြောင်တိပိုလာနော်ဟဲ့ဟိုင်းဖကျောက်အေးဖျောင်တိတကေဟဲ့တေဟိုင်းမွန်းပို။ 16ဖကျောက်နယ်သကေစိးကာကေကျန်းဟွင်ကောပိတမ်းအွန်းဟဲ့ကေကောညိုဖကျောက်ကောကျန်းတိဆာ။ 17ဖကျောက်လားတိကေပေးတေဟိုင်းဟောခါးနယ်လားခါးဟတိပိုဟိုင်းတိုင်တိကေဟဲ့ကေကောပိုကေအန်းမိုင်ကျိုင်းဟဲ့ကျန်အွေန့်နန်း။ 18တိနိင်ကေမု့ကလောဖတပိုင်လားဖကျောက်တိနိင်အားတိအန်းမွမ်ဂျေရုဆလင်ပဲန်းခါမာဟဲ့ညန်းကွေးမိတပိုင်ကွယ်ဟဲ့ 19ဖကျောက်တိုင်းတိကေပဲန်းခါမယ်ခါမာအေးတိုင်းတိကေဟဲ့ကေကောလားပဲန်းခွမ်နာဇရက်ဖကျောက်ကေဂျေ့မာနာ။ဟွင်နယ်ထောင်လေ့ပိုင်ဟဲ့တာပိုင်ကွမ်ဟဲ့အားဟာလားမန်းမွန်ဟဲ့အားခေါင်ညက်ဟွင်ကောလားဟဲ့ဟွင်နယ်ပဲန်းခွမ်အရိယတပိုင်နယ်။အားဟွင်လားအန်းမွန်းခါးကွေးစိမ်းဟဲ့ခွမ်အေးကေကောခိလာနော်တိဆာ။ 20ဟောဟက်အားကေပဲန်းခွမ်အေးဂျူးပုရောဟိတ်ခေါင်ဆောင်ဟဲ့ကေဟဲ့ဗေ့ဟွင်ဟဲ့အပ်တိကာတိရောမအာတတိဆာ။အားလေအန်းတိနယ်ကာဟွင်ဂျေ့ဟဲ့ဟွင်နယ်ပိုင်လားတော့ဟွင်တွေလက်ကျိုင်းဟဲ့ဟမ်းဟွင်ဂျေ့။ 21ဟွင်နယ်ပဲန်းခွမ်အစ္စရေးဟဲ့လေကေအွန်းဟဲ့အေးကေလာနော်အွန်းကောမာနိင်ပဲန်းခါမယ်ခါမန်ဟိုင်းပိုအွိုင်စာညင်းဟဲ့ကယ်။ 22ဟောဟက်တအေးအီးဗေ့အားအော်လားခါမယ်ခါမာကာအေးကွမ်းကေနယ်တငိုအဲန်းဟိုင်းတိနိင်တမ်။ 23တိလားညိုတိုးဖကျောက်ဟဲ့နတ်ဒေဝါအားအော်လီလားတိကေဖကျောက်ဟွင်ကွေးအားရို့ဖဖြောင်ဟဲ့လားတိကေလာနော်ဟဲ့တော့အေးလားတိအေးတိုး။ 24ဟောဟဲ့တိနိင်အေးခွမ်အားအော်ပိုင်ဟိုင်းနတိနိင်ထမ်ဟဲ့မွန်းခါးလားအီးဗေ့အန်းဟဲ့ကေဟိုင်းနကောညိုတိုးဖကျောက်တိဆာ။ 25ခမ်းခိးအန်းဖကျောက်တိကေပေးနယ်မဟာခေါင်ကျိုင်း။ခွမ်အရိယာကောလားအွန်ယူးဟဲ့မန်ပေးနိင်လာနော်၊ 26ခွမ်မေရိယစိးပိုစိမ်းဟွင်ဟဲ့ညောင်းပိုကျန်ဟွင်ပိုဆေ့ပိုမိုင်တိဟဲ့ပေးညန်ပေတိ။ 27ခမ်းခီးအန်းဖကျောက်လားမောရှေ့ဟဲ့အရိယာကေတိနိင်ပသဲန်းလေဟွင်အွန်းဟဲ့ခါမယ်မာအန်းကောလားတိကေမြောင်တိုးပေါ။ 28ကာအိုင်းပိုင်ဟိုင်းလားဖျောင်းတိမွန်ခါတိဖကျောက်လားဟိုင်းပါးဆာကိုင်ဟဲ့ညိုလူ့လာဟွင် 29ကေနယ်လားကေလားအေးဟဲ့လားတိဖကျောက်စိးအန်းအီမွန်အေးဆာလားထင်လနော်။ဟောဟက်ဖကျောက်ကောအွေန့်မွန်းကေအိုင်းပိုင်ဟဲ့လေ့တိနိင်ညာ။ 30လားဆွမ်းကေလားငေါ်ဖကျောက်နယ်ပိးခါးမွန်ဟဲ့တင်းပါးတိဆာ။ဝက်ခါးမွန်ဟဲ့မယ်ကာကေလားခေး။ 31ဟောဟက်ဗေ့ဟိုးခိခါတိကေဟဲ့ကေကောကျန်ဖကျောက်မြောင်။ဟောဟက်ကျပ်ကွယ်ဖေကျောက်ကောလိုင်းဟိုင်း။ 32ကာအိုင်းပိုင်ကောလားတိပိုနာမ်အေးတွေတိခါးဟိုင်းဖကျောက်ကျန်လားထမ်တအေးတိဟဲ့တိနိင်ဖိုးအေးကောမွန်းခါးညန်ဟွင်လာနော်တိဟဲ့လားတိပိုလာနော်။ 33ခမ်းခီအန်းကေကောကိုးဟဲ့ဟိုင်းတိမွန်ဂျေ့ရုဆလင်ဟဲ့ညိုခွမ်ဆစ်ဆွမ်းပိုင်အွေန့်တကျူးပိုမွမ်းခွမ်းအေး။ 34အားကာကျုးပိုအန်ကေလားကေအေးဖျောင်ခွမ်အိုင်းပိုင်အေးလားဖကျောက်ဟွင်နယ်ဂျေ့ဟဲ့ကိုးဖြောင်ဟဲ့ကယ်တိရှိန်ကာဟွင်ညိုခါမယ်ခါမန်အန်းလားတိကေ။ 35ဟောဟဲ့တိမွန်မု့ဧမောက်ကေခွမ်အိုင်းပိုင်တိခါအားကေပို့ခေ့ခါမာဟဲ့တွေခါမွန်ဟဲ့ဝက်ကေကောညန်ဖေကျောက်ဟဲ့ကေတောလားတိပို။ 36ဟောဟက်ခွမ်ကျိုင်ကေအူတိပိုအားလေခါမယ်ခါမာအန်းဖကျောက်ကောတိတမ်းခေကေတိကေလားဟဲ့သကေဖကျောက်နယ်သပေးကာပေးဖိုးညက်ဟဲ့ကာတိကေ။ 37ဟောဟက်ခွမ်ကျိုင်ကေကောညိူခါးမန်းနယ်ခိကေလာနော်ဟဲ့လားတိပိုတိဆာ၊ 38ဟောဟက်ဖကျောက်လားတိကေမာပေးလား။မန့်ပေးခိလာနော်။ 39နတီးအူးဟဲ့နကျွန်အူးဆာ။တေနသအူးဆာ။တိခါမာကွေးစာအမ်းဟာ။သအူးမွန်းအားပေးညိုသအူးကွေးခါနယ်ဟဲ့ကွေးဆာအားနယ်။ 40လားလနော်ဟဲ့ပြတိကေတီးဟဲ့ကျွန်အူးကွေးသအူး။ 41ခွမ်ကျိုင်ကေကောမန်းမီးမန်းမွန်ဟဲ့မွန်းခါးကျန်ယွန်းဟဲ့ကွမ်းကေတိဆာ။ဖကျောက်တိုင်းတိကေကွေးခါမာခါးဆွမ်းခါးပန်းနော်။ 42ဟောဟက်ကေကောတွေကားခေအန်းဟဲ့ကာထင်။ 43ဟဲ့ဖကျောက်ကောငေါ်တိတမ်နားဟဲ့ဆွမ်းပဲန်း။ 44ခမ်းခီးအန်းဖကျောက်လားမောရှေသဲန်းအွန်းဟဲ့အရိယာကေသဲန်းအွန်းဟဲ့တိနိင်ပတ်ဟဲ့တိနိင်ဆာလကောသဲန်းလားအူးအွန်းဟဲ့လားပဲန်းအေးခါညိုဟဲ့အူးလားသပေးအွန်းအားလေအန်းဂျေမာနာ။ 45ခမ်းခီးအန်းတိနိင်ပတ်စိးကာကေညန်ဟဲ့ဖကျောက်ကောဆစော်ကာတိကေတိဆာ။ 46ခမ်းခီးအန်းတိကေတိနိင်ပတ်ကယ်တင်ရှင်မေရှိယမားနိင်ပိုဆေ့ပိုမိုင်ဟဲ့အိုင်းစညင်ကေကောဂျေ့ဟဲ့ပိုကိုးမြောင်။ 47စိးကကေခီမြောင်ဟဲ့အားကေရောအန်းညက်အွန်းစိးကာသကေအားဖိုင်ဟဲ့မွန်ဂျေ့ရုဆလင်ဟဲ့ခွမ်ခပ်အေ့လားလာအေ့ဖကျောက်တိဆာ။ 48ဟောဟဲ့ပေးကောခါမယ်ခါမန်ပဲန်းအေးဟဲ့ပေးကောပိုလားခေး။ 49အူးနယ်အီးပေါအူးကာခါတိအွန်းသပေးဟိုးခိအူးပွဲလီ။ဟောဟက်ပေးနယ်တိမွန်ခမ်ဟဲ့ကာစိမ်းဟဲ့လားအပ်ကာတိပေးပေးကောနမွန်ဂျေ့ရုဆလင်တိုင်း။ 50ခမ်းခိးအန်းဖကျောက်ကောခွမ်ကျိုင်ဟွင်ဟိုင်းတိမွန်ဗေသနိဟဲ့ဖျောက်နန်း။ခွမ်ကျိုုင်းဟွင်ခပ်အေ့ယိုတီးပေးဟဲ့ကာနာမွန်းကေ။ 51ခမ်းခီးအန်းဖကျောက်ယေရူဟိုင်းတိမွန်ခမ်တိဆာ။ 52ခွမ်ကျိုင်ကေကောတင်ပါးဖကျောက်ဟဲ့မန်းမီမန်းမွန်းဟဲ့အေးတိမွန်ဂျေ့ရုဆလင်မြောင်။ 53ကေနယ်ဖျောင်းတိမွန်ဂျေ့ရုဆလင်ဟဲ့ဟိုင်းတိနိင်ဝပ်ဟဲ့တင်းပါးကျွန်စညင်းတိဆာ။
Trenutno odabrano:
Luke 24: stpv-rv
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
This translation of the Samtao Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
