मत्ति 10
10
येसुनोर खास बारा चेला लोकुरक
(मर ३:१३-१९; लूका ६:१२-१६)
1पजा येसु आपुनोर बारा खास चेलाहकुन हेरे केयस, अशुत्मातुन पसिहाना सबोय प्रकारतांग बिमारि अनि कमजोरितुन सुदरे कियाना अदिकार हितुर।
2येर बारा खास चेलाह लोकुरा पोरोय इदाम मन्ता,
पहलेटोर पतरोस पोरोयतोर शिमोन,
अनि ओनोर तमो अन्दरियास,
जबदिनोर मरि याकुब,
अनि ओनोर तमो युहन्ना,
3फिलिप्पुस,
अनि बरतुल्मे,
थोमा अनि टाक्स येतवाल मत्ति,
अलफायिनोर मरि याकुब,
अनि तदे,
4शिमोन कनानि,
अनि येसुन पयपिहतुर ओर इस्करियोति यहुदा।
येसुना बारा खास चेलाहना सेवा
(मर ६:७-१३; लूका ९:१-६; १०:४-१२)
5येसु आपुनोर खास बारा चेलालोरकुन सेवा साटि लोहानपा ओरकुन इदाम आग्या हितुर, “यहुदि आयोर लोकुरकनिके हन्माट, अनि सामरि जातितोर लोकुरा प्रदेशते हन्माट। 6मति इस्रायेल परिवारतोरा लेस्कता बेळांगना हेरेय हन्ट। 7अनि निमाट हन्दानपा ‘स्वरग राज्य हेरे वाता’ इदाम वेहचोर हन्ट#लूका १०:४-१२ । 8बिमार लोकुरकुन सुदरे किम्ट, हातोरकुन जितो किम्ट, कोळि बिमारि लोकुरकुन शुद्ध किम्ट, दुष्टात्मातुन पसिहाट। मिकुन फुकोटते इद आशिष हिन्तोना इन्जोर निमाट वने इद आशिष दुसरोन फुकोटते हिम्ट। 9आपुन हन्दान्पा पिसवितिगा सोनो या चान्दि या तांबाता डबुंग इरमाट। 10हन्दान्पा जोरिया पयमाट, रन्ड बन्डिंग पयमाट, हरपुह अनि बळगा#१०:१० मटा पोरो अन्जानपा मदत कियान साटि मन्ता बळगा। पयमाट#१ कुरि ९:१४; १ तिमु ५:१८। बाक्याकि रोजि केवान ओना जेवन पुटिला पहाजे। 11बोदायि सहेर या नाटेनिगा दाकिट ते अगा बोर विस्वास योग्य मन्तोर इन्जोर मालुम किम्ट। अनि अगडाल पसियविट अचोवनाह ओनाय लोतिगा मन्ट। 12निमाट बोदे लोतिगा हन्दान्पा ओद लोतोरकुन सुख-शान्ति इन्जोर वेहाट। 13ओद लोतोरक विस्वासयोग्य मन्दानुर ते मिया नमस्कारता सुख-शान्ति ओरागा अवार, मति ओरक विस्वासयोग्य हिलवेक मिया नमस्कारता सुख-शान्ति मिया हेरे मल्स वायार। 14बोरायि मिकुन स्विकार केवोर अनि मियांग पोल्लोंग केन्जोर आयनुरक ते ओद लोताल या ओद नाटेनिगडाल पसियानपा आपुना काल्कना डुन्डोतुन कसियसिम्ट#बुतोंग १३:५१ #१०:१४ काल्कना डुन्डोतुन कसियसयाना मन्जे परमेस्वर मिकुन येतोर इदाम अर्थ मन्ता। । 15अनि परमेस्वरना न्यायता दिया मिया पोल्लो केन्जोर ओद नाहकतुन सदोम अनि अमोरा देशताल वने पकाय जास्ति दन्ड हियानुर इन्जोर नना मिकुन खरोय वेहान्तोना#मत्ति ११:२४; उत्प १९:२४-२८ ।”
वायवाल पकाय तकलिप
(मर १३:९-१३; लूका २१:१२-१७)
16येसु ओरकुन असा इतुर, “नना मिकुन बेळांग लेहका हुंडराहना नडुम लोहान्तोना इन्जोर तरास लेहका बुद्धिवाले अनि परेवा लेहका निषकपट बनेमाम्ट#लूका १०:३। 17मति लोकुरकताल हुशार मन्ट, बाक्याकि ओरक मिकुन हजोर सभातिगा सोपे कियानुरक, अनि आपुना समाज मन्डलितिगा मिकुन सोटाते हियानुरक#मर १३:९-११; लूका १२:११,१२; २१:१२-१५। 18निमाट नावोर चेलाह आन्दिट इन्जोर मिकुन अदिकारि अनि राजाहना मुने ओयनुर, अनि निमाट ओरकुन अनि यहुदि आयोर लोकुरकुन नावा गवाहि हियाना सन्दि आयार। 19ओरक मिकुन पयस कोरटतिगा ओयनुर असके मिकुन बाताल इन्दाना या बदाम इन्दाना मन्ता इन्जोर चिन्ता केमाट बाक्याकि बारायि अगा मिकुन इन्दा लागार, ओद ओदे बेरा पवित्र आत्मा मिकुन वेहचियानुर। 20बाक्याकि वळकवाल निमाट आयविट, मति मिवोर स्वरगतोर बाबोना आत्मा मियागा वळकान्तोर।”
21येसु असा ओरकुन इतुर, “तमो, तमोन अनि बाबो मरिन हव्काना साटि सोपे कियानुर, अनि बालक अवाल-बाबोना विरोदते तेदचुन ओरकुन हव्काहनुरक#मर १३:१२; लूका २१:१६। 22नावा पोरोयता कारणते सबोय लोकुरक मिकुन होंग कियानुरक, मति बोर आकरि वनाह हिमत पयस मन्दानुर ओरे पिसानुर#मत्ति २४:९; मर १३:१३; लूका २१:१७; मत्ति २४:१३; मर १३:१३ । 23ओरक मिकुन उन्दि प्रदेशते सतेह कियानुर ते दुसरो प्रदेशतिगा विचोर हन्ट। नना मानेयतोर मरि मलस वायनुर अचोवनाह निमाट इस्रायेल लोकुरा सबोय प्रदेश वलियस मारिहवि आयकिट इन्जोर नना मिकुन खरोय इन्तोना।”
24येसु असा ओरकुन इतुर, “चेलाल आपुनोर गुरुताल हजोर आयोर, अनि दास आपुना मालकालताल हजोर आयोर#लूका ६:४०; युह १३:१६; १५:२०। 25गुरुना लेहका चेला आयनुर ते ओन सन्तुष्ट आयिला पहाजे अनि दास मालकाना लेहका आयनुर ते ओन सन्तुष्ट आयिला पहाजे। ओरक लोतोर मालकान दुष्टात्माता मुक्याल मन्तोर बेलजबुल इदाम इन्किट ते ओना लोतोर लोकुरकुन बचोन खराब पोरोय इन्दानुर#मत्ति ९:३४; १२:२४; मर ३:२२; लूका ११:१५ ?”
परमेस्वरना वरे इरिला पहाजे मति मानेयतुन वरियमाट
(लूका १२:२-७)
26येसु असा इतुर, “इन्जोर निमाट मानेयकुन वरियमाट, बारायि मकता मन्ता ओद सबोय उन्दि दिया जरुर दिसार। अनि गुपित मन्ता ओद सबोय चिज उन्दि दिया जरुर तोहानुर#मर ४:२२; लूका ८:१७। 27नना बोद मिकुन आन्दारते इन्तोना अदेन निमाट वेळिचितिगा इन्ट, नना बाताले मिया कविदिगा पुसपुस इतोना अदेन निमाट ओरा लोन पोरो अन्जुन वेहाट। 28केवल मेन्दुलतुन हव्क परान्तोर मति आत्मातुन हव्क परोर इदाम लोकुरकुन वरियमाट। मति मेन्दुल अनि आत्मा इव रन्डासकुन नरकतिगा नाश किया परान्तोर ओर परमेस्वरिन वरियाट। 29गारासुळियाना बारेता हुळा अदेन बाताले किमत हिले, बाताल उन्दि डबुते रन्ड गारासुळियाल पिटेंग मोमविट बहे? ते वने मिवोर बाबो परमेस्वर पुनवाय अवेहनिगाडाल उन्दि वने दरतितिगा अरिलापरो। 30मिया तलातिगा बचोक कल्क मन्तांग अदेन वने परमेस्वर पुन्तोर। 31इन्जोर निमाट वरियमाट, पकाय गारासुळिया पिटेंगताल मिया किमत पकाय मन्ता।”
येसुना गवाहि हियानाता जरुरि
(लूका १२:८-९)
32येसु असा इतुर, “बोरायि मानेयना मुने नाकुन मानेमायनुर ओन नना वने आपुनोर स्वरगतोर बाबोना मुने मानेमायका#२ तिमु २:१२। 33मति मानेयना मुने बोरायि नाकुन पुनोन इन्दानुर ते ओन नना वने स्वरगतोर नावोर बाबोना मुने नना पुनोन इनका।”
सबोयताल जास्ति येसुन मया किम्ट
(लूका १२:५१-५३; १४:२६-२७)
34येसु असा ओरकुन इतुर, “नना दरतितिगा मिलेह कियान साटि वातोना इदाम समजेमायमाट, नना मिलेह कियाला आयो मति अलग कियालाय वातोना। 35नना मानेयतुन ओनोर बाबोना विरोदते, अनि पेडिन अदेना अवहारिना विरोदते, अनि कोळयान आपुना पोयाळना विरोदते कियान साटि वातोना। 36मानेयनोर दुश्मन ओनोर लोतोरेय लोकुरक आयनुरक#मीखा ७:६ ।”
37येसु ओरकुन इतुर, “नावाताल पकाय अवाल या बाबोन मया किन्तोर नावा योग्य हिलेर, अनि पेकाल या पेडिन नावाताल पकाय मया किन्तोर ओर नावा योग्य हिलेर। 38अनि आपुना कुरुस ताहचुन आपुना तकलिपतुन सहेन किस नावा परके ताकोर, ओर नावा योग्य हिलेर#मत्ति १६:२४; मर ८:३४; लूका ९:२३। 39इद दुनियाता जिवातुन पकायि महत्व हिस आपुना जिवातुन पिसहाना कोसिस किन्तोर ओर मानेय अनन्त जिवन पुटिहला परोर। अनि नावा साटि इद दुनियाता जिवन हिन्तोर ओर मानेय अनन्त जिवन पुटहानुर#मत्ति १६:२५; मर ८:३५; लूका ९:२४; १७:३३; युह १२:२५।”
परमेस्वर आपुनोर लोकुरकुन प्रतिफळ हिन्तोर
(मर ९:४१)
40येसु असा ओरकुन इतुर, “मिकुन स्विकार किन्तोर, ओर नाकुन स्विकार किन्तोर, अनि नाकुन स्विकार किन्तोर, ओर नाकुन लोहवालिन स्विकार किन्तोर#लूका १०:१६; युह १३:२०; मर ९:३७; लूका ९:४८। 41परमेस्वरना पोल्लो वेहवालिन ओर परमेस्वरना पोल्लो वेहवाल मन्तोर इदाम समजेमास येतान्तोर ओर मानेयतुन परमेस्वरना पोल्लो वेहवालना प्रतिफळ पुटार; अनि परमेस्वरना मुने येताना योग्य मानेयतुन, परमेस्वरना मुने येताना योग्य मानेय इदाम समजेमास येतान्तोर ते ओन परमेस्वरना मुने येताना योग्य मानेयना प्रतिफळ पुटार। 42बोरायि येर हुडलोरनिगाडाल वरोन नावोर चेलाल समजेमास केवल उन्दि गिलास दळिंगता एर उहिर ते ओर आपुना प्रतिफळ पुटहानुर इन्जोर नना मिकुन खरोय इन्तोना।”
Trenutno odabrano:
मत्ति 10: fmu
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
© (Active) Wycliffe Bible Translators, Inc. All rights reserved.
