མེ་ཐིའུ་ལེའུ་ 8
8
ཡེ་ཤུ་གིས་མཛེ་ནད་ན་མི་ལུ་དྲགཔ་མཛད་པའི་སྐོར།
1ཡེ་ཤུ་སྒང་གུ་ལས་མར་འབྱོནམ་ད་ མི་དམངས་ཀྱིས་ཁོ་གི་རྟིང་བདའ་ནུག 2འདིའི་སྐབས་ལུ་མཛེ་ནད་ན་མིའི་མི་གཅིག་ ཡེ་ཤུ་གི་སྐུ་མདུན་ལུ་བཅར་སྦེ་ ཕྱག་འཚལ་གསོལཝ་བཏབ་སྟེ་ གཙོ་བོ་ལགས་ ནཱ་གི་ཐུགས་དགོངས་ཡོད་པ་ཅིན་ ང་ལུ་དྲགཔ་མཛད་གནང་ཚུགས་ཟེར་ཞུ་ནུག 3དེ་ལས་ཡེ་ཤུ་གིས་ཁོ་གི་གུ་ཕྱག་བཀལ་སྦེ་ ང་གིས་ཁྱོད་དྲགཔ་བཟོ་ནི་ཨིན་ དྲག་ཞིག་ཟེར་གསུངསམ་ད་ དེ་འཕྲོ་ལས་མཛེ་ནད་འདི་དྲག་སོང་ནུག 4དེ་ལས་ཡེ་ཤུ་གིས་ཁོ་ལུ་ མི་ག་ལུ་ཡང་མ་སླབ་པར་ ཕྲང་སྟེ་བླམ་བཞུགས་སར་སོང་སྦེ་ ཁྱོད་མཛེ་ནད་ལས་དྲག་སོང་ཡི་ཟེར་བཏོན་ དེ་ལས་མཛེ་ནད་ལས་དྲག་ཅི་ཟེར་བའི་འཛོམ་དཔང་འབད་བའི་དོན་ལུ་ བཀའ་ཁྲིམས་དང་འཁྲིལ་ཏེ་ ཁོང་གི་གདོང་ཁར་ དཀོན་མཆོག་ལུ་མཆོདཔ་ཕུལ་ཟེར་གསུངས་ནུག།
ཡེ་ཤུ་གིས་སྤྱི་དཔོན་གྱི་གཡོགཔོ་ལུ་དྲགཔ་མཛད་པའི་སྐོར།
5ཡེ་ཤུ་ཁྲོམ་ ཀ་ཕཱར་ནུམ་ནང་འབྱོནམ་ད་ རོམ་གྱི་སྤྱི་དཔོན་གཅིག་ཁོ་གི་སྐུ་མདུན་ལུ་ རོགས་རམ་ཞུ་བ་འོངས་ནུག 6རོམ་གྱི་སྤྱི་དཔོན་གྱིས་ གཙོ་བོ་ལགས་ ངེ་གི་གཡོགཔོ་དེ་གཟུགས་ཞར་ཏེ་ གནམ་མེད་ས་མེད་ཟུག་བརྐྱབས་ཏེ་ མལ་ཆ་ནང་ཡོད་ཟེར་ཞུཝ་ད། 7ཡེ་ཤུ་གིས་ཁོ་ལུ་ ང་འོངས་ཏེ་དྲགཔ་བཟོ་ནི་ཨིན་ཟེར་གསུངས་ནུག 8དེའི་ལན་ལུ་སྤྱི་དཔོན་གྱིས་ གཙོ་བོ་ལགས་ ནཱ་ངེ་གི་ཁྱིམ་ནང་ཞུ་ནི་གི་འོས་འབབ་ང་ལུ་མེད་ དེ་འབདཝ་ད་ ནཱ་གིས་བཀའ་གཅིག་གནང་པ་ཅིན་ ངེ་གི་གཡོགཔོ་དེ་དྲག་འོང་། 9ག་ཅི་སྨོ་ཟེར་བ་ཅིན་ ང་ཡང་གཞན་གྱི་དབང་ཚད་ཀྱི་འོག་ལུ་སྡོད་མི་གཅིག་ཨིན་ ངེ་གི་འོག་ལུ་ཡང་དམག་མི་ཚུ་ཡོད་ ང་གིས་ཁོང་ལུ་ཕར་སོང་ཟེར་བ་ཅིན་ ཁོང་འགྱོཝ་ཨིན་ དེ་ལས་ཚུར་ཤོག་ཟེར་བ་ཅིན་ ཁོང་ཚུར་འོངམ་ཨིན་ ང་གིས་ང་རང་གི་རྒྱོབོ་ལུ་ཨ་ནི་ལཱ་འབད་ཟེར་སླབ་ད་ ཁོ་གིས་འབདཝ་ཨིན་ཟེར་ཞུ་ནུག 10ཡེ་ཤུ་གིས་དེ་སྙན་གསནམ་ད་ཡ་མཚན་ཆེ་སྟེ་ ཁོ་གི་ཤུལ་ལས་འོང་མི་ཚུ་ལུ་ ང་གིས་ཁྱེད་ལུ་དོན་ལས་རང་སླབ་ཨིན་ ཨ་ནི་བཟུམ་གྱི་དད་པ་སྦོམ་ཡོད་མིའི་མི་ ག་ཡང་ ནཱ་ ཨཱིས་ར་ཨཱེལ་ལུ་མ་མཐོང་ཟེར་གསུངས་ནུག 11ད་རུང་ཡེ་ཤུ་གིས་ ང་གིས་ཁྱེད་ལུ་སླབ་ཨིན་ འཛམ་བུ་གླིང་ཕྱོགས་ག་ར་ནང་ལས་ ཕྱིའི་མི་རིགས་ལེ་ཤ་འོངས་ཏེ་ ཨབ་ར་ཧམ་ ཨི་སག་ ཡ་ཀོབ་དང་གཅིག་ཁར་ ཞིང་ཁམས་ཀྱི་རྒྱལ་སྲིད་ནང་ཟས་ཀྱི་དགའ་སྟོན་ཚོགས་ཏེ་སྡོད་འོང་། 12དེ་འབདཝ་ད་ ཨཱིས་ར་ཨཱེལ་པ་ཚུ་གི་དོན་ལུ་གྲ་སྒྲིག་བརྐྱབས་ཏེ་ ཡོད་མིའི་རྒྱལ་སྲིད་ནང་ལས་རྒྱལཔོ་གིས་ ཁོང་ཕྱི་ཁར་གནག་དུང་ནང་བཏོན་གཏང་འོང་ དེ་ལས་མི་དེ་ཚུ་འདི་ནང་སོ་བརྡར་ སྔུ་སྡོད་འོང་ཟེར་གསུངས་ནུག 13དེ་ལས་ཡེ་ཤུ་གིས་སྤྱི་དཔོན་ལུ་ ད་ཁྱོད་ཁྱིམ་ནང་སོང་ ཁྱོད་ཀྱིས་དད་པ་བསྐྱེད་ནི་འདི་གིས་ ཁྱོད་ཀྱི་གཡོགཔོ་དྲག་བཅུག་ཟེར་གསུངས་ནུག་ དེ་ལས་ཡེ་ཤུ་གིས་དེ་སྦེ་གསུངས་བའི་དུས་ཚོད་ནང་རང་ སྤྱི་དཔོན་གྱི་གཡོགཔོ་དེ་དྲག་སོང་ནུག།
ཡེ་ཤུ་གིས་མི་ལེ་ཤ་དྲགཔ་མཛད་པའི་སྐོར།
14དེ་ལས་ཡེ་ཤུ་ པེ་ཏྲོ་གི་ཁྱིམ་ནང་འབྱོནམ་ད་ ཁོ་གི་སྒྱུགམོ་དེ་ དྲོད་འབར་རྐྱབ་ན་སྟེ་ མལ་ཆ་ནང་ཡོདཔ་གཟིགས་ཏེ། 15ཡེ་ཤུ་གིས་མོ་གི་ལགཔ་གུ་ཕྱག་བཀལཝ་ད་ མོ་དྲོད་འབར་སངས་ཏེ་ཡར་ལོང་སྦེ་ ཡེ་ཤུ་གི་ཕྱག་ཞུ་ནུག 16ནམ་སྲོ་པའི་བསྒང་ལས་ མི་དེ་ཚུ་གིས་ འདྲེ་གདོན་འཛུལ་མི་ལེ་ཤ་ ཡེ་ཤུ་གི་སྐུ་མདུན་ལུ་འཁྱིད་འོངས་ཏེ་ ཁོ་གིས་བཀའ་གནང་སྟེ་ འདྲེ་གདོན་ལུ་བཏོན་བདའཝ་མ་ཚད་ ན་སྟེ་འོང་མི་ག་ར་ལུ་དྲགཔ་མཛད་ནུག 17ཡེ་ཤུ་གིས་དེ་སྦེ་མཛད་མི་དེ་ ལུང་སྟོན་པ་ ཨའི་ཟ་ཡ་ལས་རྒྱུད་དེ།
ཁོ་གིས་ང་བཅས་ཀྱི་ན་ཚ་བཞེས་གནངམ་མ་ཚད་ ང་བཅས་ཀྱི་ནད་གཞི་བསྣམས་བྱོན་ཡི་ཟེར་མི་#༨:༡༧། ཨའི་ཟ་ཡ་ ༥༣:༤།
ལུང་བསྟན་དེ་གྲུབ་ནིའི་དོན་ལུ་ཨིན།།
སྐྱབས་མགོན་ཡེ་ཤུ་གི་སློབ་མ་འབད་ནི་གི་སྐོར།
18ད་རུང་ཡེ་ཤུ་གིས་མི་དམངས་ཁོ་གི་བསྐོར་ར་རྐྱབ་འོང་ས་གཟིགསཔ་ད་ ཁོ་གིས་སློབ་མ་ཚུ་ལུ་མཚོ་བརྒལ་ཏེ་ཕ་ཁར་འགྱོ་ཟེར་བཀའ་གནང་ནུག 19དེ་ལས་བཀའ་ཁྲིམས་ཀྱི་སློབ་དཔོན་གཅིག་འོངས་ཏེ་ སློབ་དཔོན་ལགས་ ནཱ་ག་ཏེ་རང་འབྱོན་རུང་ ང་ཡང་ནཱ་གི་སློབ་མ་སྦེ་འགྱོ་ནི་ཟེར་ཞུ་ནུག 20དེའི་ལན་ལུ་ཡེ་ཤུ་གིས་ འ་དོམ་ཚུ་ལུ་སྡོད་སའི་ས་དོང་ཡོད་ བྱི་ཅུང་ཚུ་ལུ་སྡོད་སའི་ཚང་ཡོད་ དེ་འབདཝ་ད་ མིའི་བུ་ལུ་མགུ་རྐྱབ་ས་གཅིག་རང་མེད་ཟེར་གསུངས་ནུག 21སློབ་མ་ཚུ་གི་གྲལ་ཁ་ལས་གཅིག་གིས་ཡེ་ཤུ་ལུ་ གཙོ་བོ་ལགས་ ཧེ་མ་ང་ལོག་འགྱོ་སྟེ་ ངེའི་ཨ་པ་གི་རོ་བསྡུ་བ་འགྱོ་བཅུག་ཟེར་ཞུ་ནུག 22དེ་འབདཝ་ད་ ཡེ་ཤུ་གིས་ཁོ་ལུ་ ད་ལྟོ་རང་ངེ་གི་སློབ་མ་སྦེ་ཤོག་ ཁོང་རང་གི་རོ་ ཁོང་རང་བསྡུ་བཅུག་ ཟེར་གསུངས་ནུག།
ཡེ་ཤུ་གིས་གནམ་གཤིས་འཚུབ་དྲགས་ཞི་གཏང་གནང་བའི་སྐོར།
23དེ་ལས་ཡེ་ཤུ་གྲུ་གཅིག་ནང་འཛུལ་སྦེ་འབྱོནམ་ད་ སློབ་མ་ཚུ་ཡང་ཁོ་དང་གཅིག་ཁར་གྲུ་ནང་འཛུལ་སོང་ནུག 24དེ་ཅིག་གི་བར་ན་ ཆརཔ་དང་རླུང་འཚུབ་ཤུགས་སྦེ་འཕུ་སྟེ་ མཚོའི་གུ་རྐྱབ་ད་ མཚོའི་རྦ་རླབས་ཀྱིས་གྲུ་ནང་ཆུ་གང་ནི་འབད་ཆི་ནུག་ དེ་འབདཝ་ད་ འདིའི་སྐབས་ཡེ་ཤུ་གཟིམས་ཏེ་བཞུགས་ནུག 25ཡེ་ཤུ་གི་སློབ་མ་ཚུ་ཁོ་བཞུགས་སར་སོང་སྦེ་མནལ་དཀྲོགས་ཏེ་ གཙོ་བོ་ལགས་ ང་བཅས་ཆུ་ནང་ཐིམ་སྟེ་ཤི་ནི་འབད་དོ་ ང་བཅས་ལུ་སྐྱབས་མཛད་གནང་ཟེར་ཞུཝ་ད། 26ཡེ་ཤུ་གིས་ཁོང་གི་ལན་ལུ་ ཁྱེད་དད་པ་ཆུང་ཀུ་ཚུ་ ག་ཅི་འབད་འདྲོགཔ་སྨོ་ཟེར་གསུངས་སྦེ་ ཁོ་རང་ཡར་བཞེངས་ཏེ་ ཆར་རླུང་དང་རྦ་རླབས་ལུ་ བཀའ་བཀྱོན་གནངམ་ད་ དེ་འཕྲོ་ལས་ཆར་རླུང་མར་ཞི་སྟེ་ སྐྱིད་ཏོང་ཏོ་སོང་ནུག 27དེ་ལས་གྲུ་ནང་ཡོད་མི་ཆ་ཁྱབ་ག་ར་ཧ་ལས་ཏེ་ ཁོང་རང་གཅིག་གིས་གཅིག་ལུ་ ཨ་ནི་མི་དེ་ག་དེམ་ཅིག་སྨོ་ ཆར་རླུང་དང་རྦ་རླབས་ཀྱིས་ཡང་ ཁོ་གི་བཀའ་ལུ་ཉན་བཏུབ་པས་ཟེར་སླབ་ནུག།
མི་གཉིས་ནང་ལས་འདྲེ་བཏོན་བདའ་བའི་སྐོར།
28ཡེ་ཤུ་མཚོའི་ཕ་ཁར་ ག་ད་རེ་པ་ཟེར་མི་ཚུ་གི་ཁྲོམ་ནང་ཕེབསཔ་ད་ འདྲེ་གདོན་འཛུལ་མིའི་མི་གཉིས་ ཁོ་དང་མཇལ་ནུག་ ཨ་ནི་མི་གཉིས་ཀུ་དུར་ཁུང་#༨:༢༨། lit. tombནང་སྡོདཔ་མ་ཚད་ ཁོང་གནམ་མེད་ས་མེད་འདྲོག་སི་སི་འབད་ནི་འདི་གིས་ མི་ག་ཡང་ ལམ་འདི་ལས་ཕར་དང་ཚུར་འགྱོ་མ་ཚུགས་པར་སྡོད་དོ་ཡོདཔ་ཨིན་མས། 29ཁོང་གཉིས་ཀྱིས་ཡེ་ཤུ་ལུ་ སྐད་བརྐྱབས་ཏེ་དཀོན་མཆོག་གི་སྲས་ ང་བཅས་ལས་ག་ཅི་དགོ་ནི་སྨོ་ དཀོན་མཆོག་གིས་ང་བཅས་ལུ་ཁྲིམས་གནང་ནིའི་དུས་ཚོད་མ་རནམ་ལས་ ནཱ་ང་བཅས་ལུ་གནོད་བཀལ་བ་བྱོནམ་ཨིན་ན་ཟེར་ཞུ་ནུག 30དེའི་སྐབས་ལུ་ཨ་ཙི་ཐག་རིང་ས་གཅིག་ཁར་ ཕགཔ་ཚན་སྦོམ་གཅིག་གསོ་སྐྱོང་འཐབ་སྟེ་ཡོདཔ་ཨིན་མས། 31དེ་ལས་འདྲེ་གདོན་ཚུ་གིས་ཡེ་ཤུ་ལུ་ ནཱ་གིས་ང་བཅས་ལུ་ནཱ་ལས་བཏོན་བདའ་གནང་བ་ཅིན་ ཨ་ཕ་གི་ཕགཔ་ཚུ་ནང་ན་འཛུལ་བ་གཏང་གནང་ཟེར་གསོལཝ་བཏབ་ནུག 32ཡེ་ཤུ་གིས་འདྲེ་ཚུ་ལུ་སོང་ཟེར་བཀའ་གནངམ་ད་ འདྲེ་གདོན་ཚུ་ཁོང་མི་གཉིས་ནང་ལས་ཐོན་ ཕགཔ་ཚུ་ནང་འཛུལ་ཏེ་ ཁོང་ག་ར་རི་གཟར་དྲགས་གུ་ལས་མར་མཚོ་ནང་མཆོངས་སྦེ་ ཐིམ་སྟེ་ཤི་སོང་ནུག 33དེ་ལས་ཕག་རྫིཔ་ཚུ་འབྱོག་འགྱོ་སྟེ་ སྦོ་ལོགས་ཁར་གྱི་ཁྲོམ་ཁར་སོང་སྦེ་ འདྲེ་གདོན་འཛུལ་མིའི་མི་གཉིས་ཀྱི་སྐོར་ལས་ ལོ་རྒྱུས་ཚུ་ག་ར་བཤད་སླབ་ནུག 34དེ་ལས་ཁྲོམ་གྱི་མི་ཚུ་ག་ར་འོངས་ཏེ་ ཡེ་ཤུ་དང་མཇལཝ་ད་ ཡེ་ཤུ་ལུ་ ཨ་ནི་ས་གནས་ནང་ལས་བྱོན་ཟེར་གསོལཝ་བཏབ་ནུག།
Trenutno odabrano:
མེ་ཐིའུ་ལེའུ་ 8: dzoD
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
© 2012, Wycliffe Bible Translators, Inc. All rights reserved
