Лукатар 22
22
Иуда джял рашаендэ
1Сля пашэ сырботори, саво акхарэлпэ Биквасно мандро, а инте — Патради. 2Англунэ рашая и сиклимаря пав Упхэнима родэнас, сар тэ мулярэ Исусо, нэ даранас манушэндар.
3Тунчи сатана заджиля дэ Иуда, савэ акхарэнас Искариото, екхэ дэшудуе сиклярнэндар. 4Иуда джиля тай допхэндапэ англунэ рашаенца и халавдэнца, со вов здэла лэнди Исусо. 5Вонэ лошыле тай пхэндэ Иудасти, со потинэна лэсти. 6Вов дэня лав и родэлас поджили вряма, кала Исусо ачелапэ Еджино, соб тэ здэ Лэ.
Исусо прыпхэнэл тэ лачярэ скаминд
7Авиля диво, саво акхарэлпэ Биквасно мандро, кала трэбуни тэ чинэ патрадякэрэ бакрорэ. 8Тунчи Исусо акхарда Петро тай Иоанно и пхэнда лэнди:
— Джян и лачярэн патрадякоро хамо.
9Вонэ пхэндэ Исусости:
— Тев Ту камэх, соб амэ тэ лачярах?
10Исусо пхэнда лэнди:
— Акэ, кала тумэ заджяна дэ форо, дыкхэна манушэ, саво лиджял вакхор панеґа. Джян пала лэ и заджян дэ кодэва цэр, курик вов заджяла. 11Тай пхэнэн цэрэхкэрэ хулаести: «Сиклимари пхучел тутар: "Тев цэр, соб Манди тэ ха патради Мурэ сиклярнэнца?"» 12Хулай сикавэла тумэнди баро цэр упрэ, саво прытидэне важ сырботори. Котэ терэн скаминд.
13Вонэ джиле тай вса аракхле, сар пхэнда лэнди Исусо, и лачярдэ патрадякоро хамо.
Сиклярнэ тай Исусо хан патрадякоро хамо
14Кала авиля вряма, Исусо тай апостолуря бэшле пала скаминдэ. 15Тунчи Исусо пхэнда:
— Сар Мэ камлём тэ ха кадэва патрадякоро хамо тумэнца англа кода, сар прылава бари грыжа. 16Пхэнав тумэнди, со будэр на хава Мэ лэ ды кодыя вряма, сар терэлапэ кадыя патради дэ Дэвлэхкэрэ Тхагарима.
17Тунчи Вов лиля тахтай, наисарда Дэвлэ тай пхэнда:
— Прылэн кадэва тахтай и всавэрэ пэн лэстар. 18Пхэнав тумэнди, со будэр на авава тэ пэ пимо виноградостар аж ды кодыя вряма, сар авэла Дэвлэхкоро Тхагаримо.
19Тунчи Исусо лиля мандро, наисарда Дэвлэ, пхагля мандро пэ которэн, дэня лэнди и пхэнда:
— Када исин Муро трупо, саво пала тумэн отдава. Кади терэн, соб тэ рапирэн Ман.
20Кала вонэ хале, Исусо кади ж лиля тахтай и пхэнда:
— Кадэва тахтай исин нэво завето дэ Мурэ ратэ, саво пала тумэн прочувэлпэ. 21Тай акэ, васт кодэлэхкоро, ко здэл Ман, Манца пала екхэ скаминдэ. 22Чяво Манушыкано джял кади, сар Лэсти трэбуни тэ проджя. Нэ бида кодэлэ манушэсти, саво здэл Лэ.
23Тунчи сиклярнэ ачиле тэ пхуче екх екхэстар, ко лэндар камля кода тэ терэ.
Подрицарэн екх екхэ
24Тунчи вонэ ачиле тэ хапэ екх екхэґа пала кода, ко лэндар барэдэр. 25Исусо пхэнда лэнди:
— Тхагаря народонэнгэрэ прыпхэнэн лэнди. Кодэла, кастэ исин зор, пхэнэн, со вонэ терэн лачимо. 26Нэ тумэ на терэн кади. Барэдэр тумэндар мэк тэ авэл сар цыкнэдэр всавэрэндар, и кодэва, ко прыбэшло тумэндэ, мэк авэл сар бутярно. 27Екх бэшэл пала скаминдэ, ай авэр стховэл пэ скаминдэ хамо. Ко лэндар барэдэр? Чи на кодэва, ко бэшэл пала скаминдэ? А Мэ машкар тумэн сар бутярно. 28Тумэ пэрэлиджялдэ Манца бут зумавимо. 29Сар Дад Муро дэня Манди Тхагаримо, кади и Мэ дав тумэнди, 30соб тумэ тэ хан и тэ пэн пала Мурэ скаминдэ дэ Мурэ Тхагарима. Тумэ бэшэна пэ тронуря тэ сундисарэ дэшудуй родуря Израилёхкэрэ.
Исусо дэдумэл, со Пётро отпхэнэлапэ Лэстар
31— Симоно, Симоно! Акэ, сатана мангля тэ зумавэ тумэн, соб тумэ тэ авэн жужардэ, сар див жужарэлпэ сулумэндар. 32Нэ Мэ манглёмпэ пала тут, соб тэ на хацарэх патявимо. И кала ту рисявэґа павпалэ Мандэ, тунчи подрицарэґа тирэ пхралэн.
33Пётро пхэнда Лэсти:
— Рае! Пала Тут мэ и дэ барунэ, и пэ мэрима джява!
34Исусо дэдуманя:
— Пхэнав тути, Пётро, англа колэ, сар задилабэла башно авдивэ, ту тривал Мандар отпхэнэґапэ.
35Тунчи Исусо пхэнда лэнди:
— Кала Мэ бичалавас тумэн и тумэндэ на сля ни тышыла, ни траста, ни пундрангэ, чи на хутилэлас со тумэнди?
Вонэ пхэндэ:
— Нат.
36Тунчи Исусо пхэнда лэнди:
— Нэ екхатар, кала кастэсь исин тышыла чи траста, лэнтэ лэн. Ай кастэ нэнай, мэк кодэва битинэла пэхкири їда тай тинэла чюри. 37Пхэнав тумэнди, со Манца авэла кода, сар чиндо: «И пала прахаре динэнас Лэ». Трэбуни, соб тэ стерэлпэ вса, со пхэндо пала Ман.
38Вонэ пхэндэ:
— Рае! Акэ, амэндэ исин дуй чюря!
Исусо пхэнда лэнди:
— Када хутилэла.
Исусо мангэлпэ пэ Оливково плай
39Тунчи Исусо выджиля цэрэстар тай джиля, сар Лэстэ сля прылито, пэ Оливково плай. Джиле Лэґа и Лэхкэрэ сиклярнэ. 40Кала вонэ авиле пэ кодэва тхан, Исусо пхэнда:
— Мангэнпэ, соб тэ на авэн тумэ зумавдэ!
41Еджино джиля лэндар пэ скици чувэн бар, пэля пэ чянгэн, ачиля тэ мангэпэ 42тай пхэнда:
— Дадэ! Кала исин Тири воля, залэ кадэва тахтай Мандар! Нэ мэк авэла, на сар Мэ камав, а сар камэх Ту.
43Тай авиля ангело упралимастар и подрицарэлас Исусо. 44Сля Лэсти фартэ пхаро, и Вов инте зоралэдэр мангэласпэ, кади со Лэхкоро пото сля сар рат и тэлэдэлас пэ пхув. 45Кала помангляпэ, Исусо вщиля, поджиля сиклярнэндэ и дыкхля, со вонэ засутэ баря грыжатар. 46Исусо пхэнда лэнди:
— Сости тумэ совэн? Вщен и мангэнпэ, соб тэ на авэн тумэ зумавдэ!
Иуда здэл Исусо
47Кала Исусо инте пхэнэлас кадэла лава, авиля гроза манушэн. Англал лэндар джялас екх дэшудуендар, савэ акхарэнас Иуда. Вов поджиля Исусостэ тэ чюминдэ Лэ. 48Исусо пхэнда лэсти:
— Иуда! Ту чюминдэх и дэ кодыя ж вряма здэх Чявэ Манушыканэ?
49Кодэла, ко аченас пашэ, полиле, со екхатар авэла, тай пхэндэ:
— Рае! Чи тэ на малавэ амэнди чюряґа?
50Екх лэндар вылиля чюри, малавда англунэ рашаехкэрэ бутярнэ тай отчинда лэсти чячё кан. 51Тунчи Исусо пхэнда:
— Авэла тумэнди!
Вов лиляпэ канэстэ и састярда бутярнэ. 52Англунэ рашаендэ, халавдэндэ храмостар тай пхурэдэрэндэ, савэ авиле тэ схутилэ Исусо, Вов пхучля:
— Сар пэ прахарэ, выджиле тумэ пэ Ман чюренца тай дэстэнца? 53Диво дивэстар Мэ слём тумэнца дэ храмо, и тумэ на ваздэне пэ Ман пэхкоро васт. Нэ екхатар тумари вряма, кала калимо лиля зор.
Пётро отпхэнэлпэ Исусостар
54Тунчи вонэ схутилдэ Исусо тай отлиджялдэ англунэ рашаестэ дэ цэр. А Пётро рицардапэ лэндар ригаґа, нэ джялас пала лэн. 55Машкар грэда розлиджялдэ яг, и бэшле всавэрэ пашэ ягатэ. Бэшля и Пётро лэнца. 56Екх бутярни дыкхля Петро, кала вов бэшэлас паша яга, прыдыкхляпэ лэстэ тай пхэнда:
— И кадэва сля Лэґа.
57Нэ Пётро на прыджянгляпэ тай пхэнда джювляти:
— Нат, джювлие, мэ на джянав Лэ.
58Проджиля набут вряма, авэр мануш дыкхля Петро и пхэнда:
— И Ту екх лэндар!
Нэ Пётро пхэнда кадэлэ манушэсти:
— Нат, мануша, када на мэ!
59Проджиля екх мардо вряма, тай инте екх мануш пхэнда дэ якхэн:
— Чячимаґа, кадэва кади ж сля Лэґа, вов исин галилеянино.
60Нэ Пётро пхэнда кадэлэ манушэсти:
— Мануша, на джянав, пала со ту пхэнэх.
И екхатар, кала вов инте пхэнэлас кадэва лав, затиписиля башно. 61Тунчи Рай обрисиляпэ тай вздыкхля пэ Петро. И Пётро взгинисарда Раехкоро лав, сар Вов пхэнда лэсти: «Ды колэ, сар задилабэла башно авдивэ, ту тривал Мандар отпхэнэґапэ». 62Вов выджиля котарь и заровиня кэркэ ясвэнца.
63Мануша, савэ рицарэнас Исусо, марэнас Лэ тай асанас Лэстар. 64Вонэ запхангле Лэсти якха, мардэ Лэ пав муй и пхученас:
— Ту, англунари, пхэн, ко малавда Тут?
65И бут налаче лава пхэнэнас пала Исусо.
Синедрионо сундисарэл Исусо
66Кала проджиля рят, стидэнепэ манушэнгэрэ пхурэдэра, англунэ рашая и сиклимаря пав Упхэнима, андэ Исусо дэ лэнгоро Синедрионо 67тай пхучле Лэ:
— Ту исин Христосо? Пхэн амэнди.
Исусо дэдуманя:
— Кала пхэнава тумэнди, тумэ на патяна. 68А кала Мэ пхучява тумэндар, тумэ нисо на пхэнэна Манди. 69Нэ екхатар Чяво Манушыкано авэла тэ бэшэ пав чячи риг Дэвлэхкиря зоратар.
70Тай пхэндэ всавэрэ:
— И кади, Ту исин Дэвлэхкоро Чяво?
Исусо пхэнда лэнди:
— Тумэ еджинэ пхэнэн, со Мэ исин Дэвлэхкоро Чяво.
71Кодэла мануша пхэндэ:
— Саво допхэнимо амэнди инте трэбуни? Амэ еджинэ шундэ, со Вов пхэнда.
Trenutno odabrano:
Лукатар 22: СРБ
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
© 2021 Bible Translators of Ukraine
© 2021 Pioneer Bible Translators
This work is licensed under the Creative Commons Attribution Non-commercial No-Derivatives 4.0 license. http://creativecommons.org/licenses/by-nc-nd/4.0/
