मत्ती 10
10
ईसू का बारा थरप्या तका चेला
(मरकुस 3:13–19; लूका 6:12–16)
1पछे ईसू आपणाँ बाराई चेला ने नके बलान, वाँने हक दिदो के, थाँ हुगली आत्माने बारणे काड़ो अन हारई मांदकी अन हारई तरिया की कमजोरियाँ ने छेटी करे। 2ईं बाराई थरप्या तका चेला का नाम ईं हे, पेलो समोन, ज्यो पतरस केवावे हे, अन वींको भई अन्दरियास, जबदी को छोरो याकूब, अन वींको भई यहुन्नो। 3फिलिपुस, अन बरतुलमे, थोमो, चुंगी लेबावाळो मत्ती, हलफई को छोरो याकूब, अन तद्दे 4देसभगत समोन अन यहूदो इसकरियोती जणी ईसू ने धोकाऊँ पकड़ाया हा।
थरप्या तका चेला के सेवा की सरुआत
(मरकुस 6:7–13; लूका 9:1–6)
5अणा बाराई चेला ने ईसू हक दिदो अन ओ आदेस देन खन्दाया, “ज्यो यहूदी ने हे वाँका नके मती जाज्यो अन कणी सामरिया का कणी नगर में मती जाज्यो। 6पण इजराएल का घराणा का नके जाज्यो जीं गम्या तका गारा का जस्यान हे। 7अन वणा हाराई ने ओ उपदेस दो के, ‘हरग को राज नके हे।’ 8माँदा ने हव करो, मरिया तका ने जीवता करो, कोड़्या को कोड़ खतम करो अन हुगली आत्माने काड़ो। थाँ ईंने फोगट में पायो, तो ईंने फोगट मेंईस बाँटो। 9आपणाँ खुल्या में ने होनो, ने रिप्या-कोड़ी, ने तांबा का सिक्का लो। 10#1 कुरि 9:14; 1 तिमु 5:18गेला की जातरा का वाते ने जोळी राको अन थाँ पेर मेल्या हे ईंके अलावा कुरतो मत लेज्यो, ने पगरख्याँ अन ने लाकड़ी लेज्यो, काँके दानक्याँ ने वींकी दानकी मलणी छावे।”
11“थाँ जद्याँ कणी नगर कन गाम में जावो, तो पतो लगावो के, वटे विस्वास के जोगो कूण हे अन जटा तईं वटूँ ने जावो, वींका वटेईस रेवो। 12अन घर की डेळी में पग मेलताई वाँने आसिरवाद दिज्यो। 13यद्याँ वीं घर का मनक आसिरवाद का ज्योगा वेई तो थाँको आसिरवाद वाँने लागी, पण यद्याँ वीं ज्योगा ने वेई तो थाँको आसिरवाद थाँका नके पाछो आ जई। 14#थर 13:51ज्यो कुई थाँको मान ने केरी कन थाँकी बाताँने ने हुणे तो वीं घरऊँ कन नगरऊँ निकळता तका आपणाँ पगाँ को धूळो वटेई जाटक दिज्यो, अस्यो करन वणा लोगाँ ने चेताज्यो के, परमेसर थाँने दण्ड देई, काँके थाँ वाँका संदेसा ने अनहुण्यो किदा हे। 15#मत्ती 11:24; उत्प 19:24–28#लूका 10:4–12मूँ थाँकाऊँ हाचेई कूँ हूँ के, न्याव का दन में वीं नगर को हाल सदोम अन अमोरा का हालऊँ घणो खराब वेई।
थरप्या तका चेला ने ईसू की चेतावणी
(मरकुस 13:9–13; लूका 21:12–17)
16 #
लूका 10:3
“देको हूँस्यार रेज्यो, मूँ थाँने अदिकार का हाते अस्यान बारणे खन्दारियो हूँ जस्यान गारा ने वरगड़ा का बचमें खन्दाया जावे ईं वाते हाँप का जस्यान हेंचेत रो अन परेवड़ा का जस्यान भोळा बणो। 17#मर 13:9–11; लूका 12:11,12; 21:12–15पण थें लोगाऊँ हेंचेत रेज्यो, काँके वीं थाँने मोटी पंचातयाँ का पंचाँ का हाताँ में हूँप देई अन परातना घर में कोड़ाऊँ कुटी। 18थाँने हाकम अन राजा का हामे ऊबो वेणो पेड़ी, काँके थाँ मारा बारा में लोगाँ ने हिक देवो हो। अणीऊँ वीं दाण थाँने ज्यो यहूदी ने हे वाँका में मने साबत करबा को मोको मली। 19जद्याँ वीं थाँने पकड़ी तो थाँ आ चन्ता मती करज्यो के, थाँने कई केणो हे अन कस्यान केणो हे, काँके वीं टेम में थाँने पुवितर आत्मा बता देई के, थाँने कई केणो हे। 20अन ओ आद राकज्यो बोलबावाळा थाँ कोयने, पण थाँको परम बापू परमेसर की आत्मा थाँकामें आन बोली।
21 #
मर 13:12; लूका 21:16 “भई आपणाँ भई के, बई-बापू आपणाँ बाळकाँ के अन बाळक आपणाँ बई-बापू के विरोद में जाई अन वाँने धोकाऊँ पकड़वान मरबा नाकी। 22#मत्ती 24:9; मर 13:13; लूका 21:17; मत्ती 24:13; मर 13:13मारा नामऊँ हाराई मनक थाँकाऊँ दसमणी केरी, पण ज्यो आपणी आकरी घड़ी तईं सेण करतो रेई वोईस बचायो जाई। 23वीं जद्याँ थाँने एक नगर में हतावे, तो थें दूजाँ नगर में परा जाज्यो, मूँ थाँने हाचेई केवूँ हूँ के, थाँ इजराएल का हाराई नगराँ में ने जावो वतरे मनक को पूत पाछो आ जई।
24 #
लूका 6:40;
यहु 13:16; 15:20 “चेला आपणाँ घरऊँ मोटो कोयने वेवे हे अन नेई हाळी आपणाँ मालिकऊँ मोटो वेवे हे। 25#मत्ती 9:34; 12:24; मर 3:22; लूका 11:15चेला ने गरू का बराबर वेवा में अन हाळी ने मालिक का बराबर वेवा मेंईस संतोक करणो छावे। यद्याँ वीं घर का मालिक ने बालजेबूल केवे, तो वाँका घर का लोगाँ ने ओरी हेलो बुरो काँ ने केई?
दरप परमेसर की राको मनकाँ की ने
(लूका 12:2–7)
26 #
मर 4:22; लूका 8:17 “ईं वाते वणा लोगाऊँ मती दरपो, ज्यो थाँकी रोळ अन थाँका हाते बुरो करे हे, काँके ज्यो कई ढाक्यो तको हे अन छाने हे वींने परमेसर हाराई का हामे चोड़े करी। 27मूँ अंदारा में ज्यो कई थाँकाऊँ केवूँ हूँ, वींने थाँ दन का उजिता में केज्यो। ज्यो कई में थाँका कान्दड़ा में क्यो, थाँ मेड़ी माते चड़न, वींको परच्यार करो। 28वाँकाऊँ मती दरपो, ज्यो बेस थाँने मार कर सके हे पण थाकी आत्माने नास ने सके हे, बेस वीं परमेसरऊँ दरपज्यो ज्यो सरीर अन आत्मा दुयाँ ने नरक में नाकन नास कर सके हे। 29कई आटना में दो सरकल्या ने वके हे? पण जद्याँ वाँका मूँ एक भी जमीं पे पड़न मरे हे तो थाँका परम बापू परमेसर ने ईंको पतो रेवे हे। 30अन अटा तईं के, वणा थाँका माता का एक-एक बाल भी गण्या तका हे। 31ईं वाते दरपज्यो मती, काँके परमेसर की नजराँ में थाँको मोल वीं सरकल्याऊँ हेलो हे।
मनकाँ को ईसू ने मानणा
(लूका 12:8–9)
32“ज्यो कुई मनकाँ का हामे मने मान लेई, तो मूँ भी मारा बापू का हामे ज्यो हरग में वींने मानूँ लू। 33#2 तिमु 2:12ज्यो कुई मने हाराई मनकाँ का हामे ने मानी, मूँ भी वाँने हरग में बिराज्या तका मारा परम बापू परमेसर का हामे ने मानूँ।
34“थाँ यो मत होचो के, मूँ धरती पे लोगाँ में मेल-मिलाप को मस बणाबा ने आयो हूँ, पण मूँ तो वाँने लड़ाबा का वाते#10:34 लड़ाबा का वाते काँके कुई मनक मारापे विस्वास करी अन कुई मारापे विस्वास ने करी आयो हूँ। 35मूँ बेटा ने आपणाँ बाप का विरोद में, बेटी ने बई का विरोद में, लाड़ी ने हवजी का विरोद में करबा ने आयो हूँ। 36मनकाँ का दसमण, वाँके खुद का घरकाइस वेई।
37“ज्यो माराऊँ आपणाँ बई-बापूऊँ हेलो लाड़ करे हे, वो मारो चेलो बणाबा जोगो ने हे। ज्यो खुद का छोरा-छोरियाऊँ हेलो लाड़ राके हे वो भी मारो चेलो बणबा के जोगो ने हे। 38#मत्ती 16:24; मर 8:34; लूका 9:23अन ज्यो भी मारा वाते दुक उटाबा अन मरबा का वाते त्यार ने हे वो मारो चेलो बणाबा के जोगो ने हे। 39#मत्ती 16:25; मर 8:35; लूका 9:24; 17:33; यहु 12:25ज्यो आपणो जीव बंचाबा की मरजी राके हे, आपणो जीव खो देई, पण ज्यो मारा वाते खुद को जीव देई, वीं वींने पाछो पाई।
ईनाम
(मरकुस 9:41)
40 #
लूका 10:16; यहु 13:20;
मर 9:37; लूका 9:48 “ज्यो थाँने माने हे वीं मने भी मानी अन ज्यो मने मानी हे वो अदिकार का हाते मने खन्दाबावाळा परमेसर ने भी मानी। 41ज्यो भी परमेसर का आड़ीऊँ बोलबावाळा ने परमेसर का आड़ीऊँ बोलबावाळा मानन मानी, वो भविसवक्ता का जस्यान फळ पाई। अन ज्यो धरमी मनक ने धरमी मानी, वो धरमी का जस्यान फळ पाई। 42ज्यो कुई अणा भोळा चेलो मूँ मारो चेला जाणन किंने एक ने भी एक लोट्यो पाणी पाई, मूँ थाँकाऊँ सई कूँ हूँ, वो कणी भी तरियाऊँ आपणो फळ ने खोई।”
Trenutno odabrano:
मत्ती 10: एम टी आर
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
(c) 2010-2017, New Life Computer Institute. All rights reserved
