MATIUS 1
1
Yesus Kerisut eid ombo nderak lolo mbenasa mbaridnak wene
1:1-17
(Lk 3:23-38)
1Engga yu-ge Yesus Kerisut eid ombo nderak lolo mbenasa mbaridnak wene-nen yusu-o. Yesus iri-ge Ndaud-nen wigarak lolo-nen nderag-o. Nde, Ndaud iri-ge Abaram-nen wigarak-nen nderag-o.
2Abaram-nen-e Isak ndet ibid: Isak-nen-e Yakup ndet ibid: Yakup-nen-e Yewura min owerak owottak erep inmin ndet inpid: 3Yewura ogwe Tamara imin-nen-e Peres min Sera min nder inpiga-o, Peres-nen-e Eseron ndagaid; Eseron-nen-e Eram ndet ibid; 4Eram-nen-e Aminarap ndet ibid; Aminarap-nen-e Nagason ndet ibid; Nagason-nen-e Salmon ndet ibid; 5Salmon ogwe Arakap imin-nen-e Mboas ndet ibiga-o; Mboas ogwe Urut imin-nen-e Obet ndet ibiga-o; Obet-nen-e Isai ndagaid; 6Isai-nen-e Nagawan Ndaud ndet ibij-o.
Ndaud-nen Uria ogwe wanarik-nen-e Salomo ndet ibiga-o. 7Salomo-nen-e Ereyabeam ndagaid; Ereyabeam-nen-e Abia ndagaid; Abia-nen-e Asa ndagaid; 8Asa-nen-e Yosapat ndagaid; Yosapat-nen-e Yoram ndagaid; Yoram-nen-e Usia ndagaid; 9Usia-nen-e Yotam ndagaid; Yotam-nen-e Akas ndagaid; Akas-nen-e Isikia ndagaid; 10Isikia-nen-e Manase ndagaid; Manase-nen-e Amon ndagaid; Amon-nen-e Yosia ndagaid: 11It tebel unpuruk-nen wok unpuruk o Mbabel mbiriga tarem-nen-e Yosia-nen-e Yekonia min owottak erep min-et ndet inpij-o.
12O Mbabel wok unpuruk mbirikma woragolat-nen-e Yekonia-nen-e Sealtiel ndagaid; Sealtiel-nen-e Serubabel ndagaid; 13Serubabel-nen-e Abiyut ndagaid; Abiyut-nen-e Eliakim ndagaid; Eliakim-nen-e Asut ndagaid; 14Asut-nen-e Sandok ndagaid; Sandok-nen-e Akim ndagaid; Akim-nen-e Eliyut ndagaid; 15Eliyut-nen-e Eleasat ndagaid; Eleasat-nen-e Matan ndagaid; Matan-nen-e Yakup ndagaid; 16Yakup-nen-e Yusup ndagaij-o. Nde, Yusup na-ge Yesus ija Maria un-o. Yesus na-ge ”Kerisut-nen yusu-o” luk yugwi-o.
17Iri ala-ge, Abaram kuri-nen Ndaud kuri onmbo nderag-e empat belas-o. Nde, Ndaud kuri-nen o Mbabel tebel unpuruk wok unpuruk mbiriga kuri-ge onmbo nderag-e empat belas-o. Nde, o Mbabel wok unpuruk mbiriga kuri-nen Kerisut ndet yid kuri-ge onmbo nderag-e empat belas-o.
Yesus Kerisut ndet yidnak wene
1:18-25
(Lk 2:1-7)
18Yesus Kerisut ndet yidnak wene-ge yu nggal-o. Ija Maria na-ge Yusup-nen abi posolat woragaij-et nde, ir-e lambuk yigit lak ma-net Konak Indi amawi bem-nen abila yij-o. 19Abila alama-ge, at un Yusup iri-ge mot mot nak kwaroso me, ap kwarat inmbiri bem Maria iri inggiri rak pimin naru, ndan-et ”Keya kibigi-o” luk jak timin irir-o luk peragaij-o. 20Wene iri na ngge kwarimin? luk indi konosoma-ge, Nagawan Indo-nen idnak aid nap misig-e nabi nggwe at eram nam luk-nen yosolar-e: ”Ndaud ambara Yusup wa-e. Maria iri-ge kat-nen wanurak kwiye kasu-ge meyog-o. Abila iri-ge Konak Indi-nen arem tak pamu-o. 21La kwe iri-nen-e li ap mbi ndaguwa-o. At elem nap-nen meya yogolat woraidnak iri na inmiri yaga wok unduwa me, unu-ge Yesus-o luk yarugun-o” luk yij-o.
22Iri kwat yid iri-ge Nagawan Indo-nen at ene lomboksa yoso nap emndam tak pidnak wene yu ndak tak posolat-nen kwat yij-o: 23”Ap-nen aboro mbarugwi buk kwe ndugum-nen abila luk, la li ap mbi ndaguwa-o. Nde, la iri unu yarogolar-e, Imanuwel-o luk yaruwa-o.” (Nde, Iberani wene bem Imanuwel yiga iri-ge ”Mbal Pem Nagawan nit ninmin worasu-o” yarogolar-o.) 24Nde, Yusup na men luk yarig-e, Nagawan Indo-nen idnak aid nap-nen yak tid wene irit kwarosolar-e, Maria na wanij-et nde, 25imin nene yigit lag-et worasoma, li ap iri na ndagosola-ge, Yusup-nen-e at unu-ge Yesus-o luk yarij-o.
Trenutno odabrano:
MATIUS 1: inondx
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
@LAI 1992, 1994
