Piiligu 12
12
Seema Naawunni n booli Abram n ŋa
1Dindaso, Duuma daa yeli Abram, “Yi e paaligaa, e niriba puwa, a ni e ba laanta, a gaa tiŋgbanso ni ya n wusi i ŋa. 2Ni ti e yaŋsi zoo, ba ni niŋi baliso n mari zaaziya. M ni nafa i, ka ti e yuuri du, e ni niŋi nafa ti niriba.
3“M ni nafa niseesi ni nafara i, ama ni si niseesi ni siira i noori, e niŋi n na ma ni dolli n nafa balisi zaa.”
4Lala jemani, ka Abram daa niŋini yuma pisiyapoin ni anu, o nyisigi n yi Haran, seema Duuma n yeli u o niŋi la, ka Loti pa o zu gaari, 5Abram mari o poga Sarai ni o sunzo bii Loti ni ba bindaalim bini zaa, a ni ba gurunsi zaa ba n mari n yi Haran gbaa Keenan soori.
Ba n wa ti paa Keenan paaligu maa, 6Abram ni o niriba chaŋŋi tiŋgbaŋŋu maa niŋi ti paa More titintaa see, a yi Sekem tiŋŋa. A jemani maa Keenan dima daa na ba nisaaniŋi.
7Niŋi n na, Duuma ta Abram saani ti yeli u, “Paaliguso ni naa tira e yaŋsi maa n na la.” Nisaaniŋi Abram me sariga nyisigu daaŋu ti Duuma, so n ta o saani maa. 8A nyaaŋa, o nyisigi n naa o zu to kiŋkagili sazu, a wara tiŋso n zi gunguntiri zu, ka niŋi tiŋkarigu Betel n ba wulunliya, ka Aii mi ba wuluŋpusigu. Ba sabi ba gbana suga, ka me sariga daaŋu, a kpeesi Duuma. 9Niŋi n na, o cherigi ziiziisi poli n jina, a naa o zu kpa Keenan kiŋkagili sazu.
Abram gaari Yijipiti paaligu
10A jemani, kom n daa n lini Keenan, bindira yela daa ba toom, Abram nyisigi n gaa Yijipiti paaligu, o wa ti ba niŋi daba ayi. 11Jemanso ba n ya n loo n du Yijipiti paaligu, o yeli o poga Sarai, “E veela ga. 12Ka Yijipiti dima nye i, ba ni baŋŋi maa m poga n niŋi i. A kpali lala zu, ba ni ku ma, ka cheli i. 13Yeli ba maa m sunzopoga n niŋi i, lala wune, ba ki ku ma, ka mari ma nene, a kpali e zu.”
14Jemanso ba n loo n kpe Yijipiti paaligu, Yijipiti dima maa nye maa o poga maa veela ga. 15Yijipiti paaligu naaba maa tumtuminiba seesi n nye poga maa wa ti yeli u seema o n veela. A kpali lala zu, ba mari u gaa naaba maa yiri. 16Poga maa zu, naaba maa mari Abram nene, ka ti u buŋkobiri, peeri, buusi, naagi, buŋsi, gurunsi a ni nyogimasi.
17Ama, a kpali naaba maa n naa Abram poga Sarai gaari o laanta la zu, Duuma ti toorabeeri gbaa o ni o laanta dima zaa. 18Niŋi n na, naaba maa booli Abram, a ti boosi u, “Bo n na e niŋi lala, wula n na e bi yeli ma maa e poga n na? 19Wula zu n na e yeli maa e sunzopoga n na, ka ti ma naag u loobi m poga? E poga n na la, mari u kunna.” 20Naaba maa ti o nivusi mari Abram yi paaligu maa niŋi, a ni o poga ni binseesi zaa ba n mari.
Trenutno odabrano:
Piiligu 12: hag
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
© 2015, Ghana Institute of Linguistics, Literacy and Bible Translation (GILBTT)