Popularni biblijski stihovi od Jean 15

Podijeli

Gènyâ dö pûû viné, aè gëve pâr̂â kööè. Ö kâmö ré cuè rö pwar̂a-nya, mâ gö cuè rö pwar̂a-è, nè yè bör̂i pwa vè kau aau, aè gëve yè da tâwai waa rha kââ na ki gëve tö vè mwâi rai-nya.

Cuè tâdâ na gëve rö pwar̂a-nya, aè gö yè cuè rö pwar̂a-ve. Na ûr̂û kööè ré da tâwai pwa vè târ̂ââ na ki da tö pûû viné, nè yè ûr̂û-ré na gëve na ki gëve da cuè tâdâ rö pwar̂a-nya.

Gëve yè cuè rö xi-nya, nè yè bör̂i tö xe-ve na pâr̂â nô xi-nya, aè gëve yè pëër̂ii rha kââ ré gëve rhî vè e, é yè bör̂i nââ yè-ve.

Gëve da pâbir̂i-nya mâ na gëve, aè, gö pâbir̂i-ve na gènyâ, mâ pugèwè-ve cè ke-ve vi rö bwêê jë wânii, mâ pwa na pwêê-ve, pwêê ka tö aau, cè ki nââ yè-ve na Pevaa pâr̂â kââ wânii ré gëve yè pëër̂ii yè-è rö néé-nya.

Nè yè nââ mör̂u xi-e vè ki pâ ker̂e-é na dèxâ kâmö, nè da vi kwéjî na vi méar̂i i dèxâ kâmö rai-e.

Na rharher̂e xè-i xi-nya pâr̂â kööè ka da pwa; aè pâr̂â kööè ré pwa, wè na nyââmöi e cè ki wê pwa vè kau vi.

Ökâré mââyöö xi-nya, êr̂ê, gëve vi méar̂i-ve ûr̂û ké méar̂i-ve xi-nya.

Ökâré pè pè kau Pevaa, na ki pwa vè kau na pwêê-ve, mâ pugèwè-ve cè gëve pâi pa pwêr̂êwaa xi-nya.

«Gènyâ dö pûû viné, aè Pevaa xi-nya, kâmö ré waa e né viné.

Nè yè da tö xi-nya na dèxâ kâmö, é yè bör̂i virai-e, na ûr̂û kööè ré wê mür̂ü; nè bör̂i ka vèâi na kâmö mâ yer̂e ö kêmör̂u.

«Gö wê cowa êr̂ê yè-ve pâr̂â nô ré cè ki wê tö pwar̂a-ve na vi or̂o xi-nya, mâ cè ki wê pâr̂i-ve na vi or̂o xe-ve.

Gëve yè pwêr̂êwaa pâr̂â mââyöö xi-nya, gëve yè cuè vè mör̂ö rö-i vi méar̂i xi-nya; na ûr̂û-nya, wè gö pwêr̂êwaa pâr̂â mââyöö i Pevaa xi-nya, gö bör̂i tömâ vè mör̂ö rö-i vi méar̂i xi-e.»

Gö yakoa ûr̂û-ré yè-ve, cè ke-ve vi méar̂i-ve.»

Gëve yè pâ ker̂e bwêê jë, nè yè bör̂i méar̂i pâ ker̂e-é na bwêê jë; aè, xè-i ké da pâ ker̂e bwêê jë xe-ve, mâ gö pâbir̂i-ve na gènyâ xè-i bwêê jë, ökâré pûû ké yè cumiir̂i xe-ve i bwêê jë.