Popularni biblijski stihovi od SAN MATEO 27

Podijeli

Ma tam ti tamits nixe’ xi hora, in lej tsapic ulu a Jesús: ―Elí, Elí, ¿lama sabactani? Ti tenec cau in le’ quin ulu: U Diosil u Diosil, ¿jale’ tin jilcacayamalits?

Tameq’ui ti cathlun ma ebal ani ma alal am pelcath toltom ba’ an tiyopan. Jilc’on tsab i pejach. Ani lej t’elelel an tsabal, ma poq’ueq’uel an t’ujubchic. Ani japq’uinal i paxal jolchic jun ti jolith i tsemelomchic. Ani ejthab yan axi belom c’al a Dios axi jolith taja’.

Tam lej tsapic cahuin junil a Jesús, ani taley t’ajat tsemetsits.

An capitán soldado ani an soldadochic ax im beletnal a Jesús in tsu’u t’elelel an tsabal ani axi q’ue’at más i jic’path t’ajbilab. Ani cum lej jiq’uelchic, in ulu: ―Axe’ xi inic ojni’ ja’its pel in Tsacamil a Dios.

Taley tala’ yic’utsin tim puhuel an tsabal ma ti ts’ejel q’uicha ani ma ti ox hora an huacal.

Ani a Pilato in conoyalchic: ―¿Ani jant’o cu t’ajchi a Jesús ax u bijiyab ta Cristo? An mulcunel tim patal toc’tsin: ―Ca t’ajat bina’ ca q’uet’ath tsemtha ti al an cruz. Tam a Pilato c’al más i cau in conoyal: ―¿Jant’o yab alhua’ in t’ajamalac abal antsana’ cu bina’? Ani lej thajat toc’tsin an mulcunel: ―Ca t’ajat bina’ ca q’uet’ath tsemtha ti al an cruz.