Popularni biblijski stihovi od Genesis 37

Podijeli

ꞋEt Joseph nusuti ꞌinkꞌez dulhutsinke bubulh nahoolnuk. ꞋEt ꞌonus hitsꞌu dutni suliꞌ.

ꞋEt Israel, Joseph ꞌonghunne duzkeh buba nus yukꞌensiꞌ. ꞋUdekꞌoh ooyeꞌ ꞌinkꞌez duneti whe ooyeꞌ yuzdliꞌ ꞌet huwa, ꞌinkꞌez dzoot yuba ꞌinla, lhelhtsꞌun otꞌen-i ꞌi dzoot yubaꞌ yinla.

ꞋEt bulhutsinke dalcho-i be la bubá Joseph yukꞌensiꞌ huwhunilhꞌen, ꞌinka hitsꞌu dutni ꞌinkꞌez ꞌaw soo cho hiyulh yalhulhduk.

ꞋEt doo cha ꞌudun huwu nusuti ꞌinkꞌez dulhutsinke hubudaniꞌ ꞌinkꞌez ꞌutni, “Whunulhꞌen doo cha ꞌudun huwu nususti. ꞋAndit ndi dzenis oozaꞌ ꞌinkꞌez ꞌulhdzis oozaꞌ cha ꞌinkꞌez whunizyai ꞌon ꞌat ꞌilho sum, ꞌi cha sbut yo ꞌuhuntutsulh.”

ꞋInkꞌez bulhutsinke higheꞌ oolnih ꞌinkꞌez oobá ꞌen ꞌantsꞌi huwu nuninuzut za ꞌuntꞌoh.

ꞋEt ꞌubulhni, “Ndi oowanususti-i oozulhtsꞌai. ꞋEt ꞌatsꞌo nus lhes ha nanyai-i, ꞌaw lhduniltꞌo whe be neꞌtsꞌudulhchꞌuz ꞌinkꞌez ndi lhadusla-i ꞌi ꞌatsꞌo do ꞌuja ꞌinkꞌez ꞌantsꞌi usyin leꞌ ꞌuntꞌoh, ꞌinkꞌez be neꞌdilhchus-i nohchꞌeꞌ ꞌi ndi lhadusla-i ꞌi hinadilhya ꞌinkꞌez hibut yo ꞌuntutsulh.”

ꞋEt huwa ꞌandit tsꞌuzoolhghelh ꞌinkꞌez tsa kꞌet ꞌatsꞌooneh! ꞋInkꞌez la ꞌuzdooniꞌ, ‘Khuna-i yellhoh,’ ꞌuzdooniꞌ la, huwunute-un dahoneh subah!”

ꞋEt ndunne Medianne ooketne ꞌowhuya hidulh, ꞌet bulhutsinke Joseph nyo tsa kꞌet ha nahuyalhti ꞌinkꞌez nyoonne Ismail whutꞌenne, ꞌenne nat whunizyai (20) silver, ꞌi kꞌelha huye ꞌonket ꞌinkꞌez nyoonne Joseph huyilhchoot ꞌinkꞌez Egypt tsꞌe whehuyalhti.

ꞋEt ꞌulhodutni, “Nyoon nute-un ꞌaz de uyalh.

ꞋEt ꞌaz de uyalh hitilhꞌen whe lhahodinla hituzilhghelh-un.

ꞋInkꞌez Reuben ꞌubulhni, “ꞋAw buzkaih hoolhtselh junih! ꞋAntsꞌi njan tsa kꞌet ꞌet ꞌatsoolhtelh, chuntoh ꞌuhoontꞌoh, ꞌaw ootalhizohnal.” ꞋEt de la yoolhyih ꞌinkꞌez dubá tsꞌun naitoolhtelh, ꞌinka ꞌutni.