Popularni biblijski stihovi od San Lucas 17

Podijeli

Jesús jeralelabe tsantitobi, tobi mutsaraminbe itsantinue: —Manwiruito jiniide! Nuri Diosica tennato manseie tinue.

Aman man malon siete ne nulaca seiton quito, siete neca ya jutsaca telaqueponan perdonaide! tinari, yaca perdonaintsan jochunae tinue.

Junto yalabe jominla mancari manseiyoeque tenhito, Jesúchica manjanue. Yari sonba pato, Diosica duque se tide manjanue. Junni yari Jesuchi cale tobi mutsaito, yabe acradeseinue. Aman jun acradeseimin tsachiri israelita itominue; Samaria to tsachi jominue.

Junni tencabe nenalarana! Junsi Jesús itsantinue: —Tsachi manca nulaca jutsa quinari, yaca payilaquina! tinue. Junni jutsa quinunca telaquepoto casan tala tenca mancanari, yaca perdonaintsan joe.

Junni Jesuri yaca quirato, itsantinue: —Chunca tsachila manseica jotonan, in mancasiri acradeseibi manjaca joe tinue. ¿Weyanlari niyaito manjalaitun? tinue.

Junni Miya Jesús yalabe itsantinue: —Nulari Diosica case natiya quereitumin jolajoe. Nula nasi sele quereiminla jotori, ticatiya quino podeilaichunae tinue. Aman in chide peleca telenlebe muraito, wa pipilubi wacaideque mantanari, tsanhichunae tinue.

Tenca munate pansi chuchique tenfeminlari jera piyarito puyanilaichunae tinue. Aman tsanque chunoca telaquepominlari numatotiya seque chuto polenilaichunae tinue.

Aman Jesuri man fiquiman micarinato yachi tsachilabe itsantinue: —Jutsa quisa cariminlari numasitiya junnan jolajochunae. Tsan jotonan, yalari duque padeseilaichunae tinue. Tsachi mancaca wa ila suca teleto wa pipilubi queponari, jadito puyachunae tinue. Duque padeseichunae. Aman cumana tenca tanlaca jutsa quisa cariminlari junca fécari padeseilaichunae tinue.

Junni Jesús camicarinato itsantinue: —Matu to Noeca tenca calaquede! tinue. Lari tsachi ica jun joto manpatano inasa, Noé sonnanun mate cuwenta jochunae tinue. Noé sonnanun materi tsachilari pansi chuniraminlanue. Ano fin, ticatiya cuchin, sona can, unila quin, quinaminlanue. Ya Noeri barcobi wino ma fecári tsanque pansi chuniraminlanue. Junnasa quiranari mapiya janan, jerale tsachila puyalainue. Junni la manpatano inasa, tsachilari jun tsanquenan pansi chunilarachunae tinue.