Popularni biblijski stihovi od San Lucas 11

Podijeli

Aman tsachilari seiton tenca tanla jotonan, nalalachi senca cuwaminla joe. Junni nulachi Apa Diosi mantimini sen tenca tan joto, yanan yabe panhaminlachi fécari senca cuwachunae. Aman yalachi tencabi yachi Tencaca cuwachunae tinue.

Jesús ya cuenta polarito, itsantinue: —Nula ticatiya munaralaratori, Diosibe panhanilaquina! Panhanilaquinari, Diosi cuwachunae tinue. Junsi titiya canola jotori, neyalaquina! tinue. Neyalaquinari, Diosi fesa carichunae tinue. Junsi nunchitiya winola jotori, tamolante otilatina! Otilatinari, Diosi lasichunae tinue.

Aman jerale panhaminlari calaquichunae. Neyaminlari felaichunae. Tamolante otiminlachi tenchiri lasaichunae tinue.

Junni Jesuri itsanque rocaintsan jochunae tinue: Chiquilachi Apa Diosi, nu jamochi chue. Nuchi mumunca duque respetaino jolajoyoe. Nu mantananun tsachi bolonca duque serawode! Jamochi nuchi tenca munate quinanun tsannan, in totenan jun tsanquenan quino muquilaquee.

Aman chiquilaca jerale seiton quiminlaca perdonaica jonan, nunan chiquilacanan perdonaide! Yucanbe encanaisa caritude! Chiquilaca se laride! yape yucan chiquilaca fe lotusa.

Amanari chiquilachi ano cuwade!

Aman nulachi caca lanparin cuwenta joe. Seque tenca cato quiratori, seque nenano podeilaichunae tinue. Seque tenca catuminnan quiratori, seitonque nenalarachunae tinue. Tseno piyacabe nemente nenamin cuwenta jolajochunae tinue.

Junsi aman Jesús itsantinue: —Aman lanparin tulito, forochi potunoe. O perolichinan dilancaritunoe. Aman tulito, jamobi chutenomanhe yape tamochi jerale wiminla quiralaquisa.