Popular Bible Verses from Mateo 6

Podijeli

»Ri lik chirajawaxik chiwe nab'e e lik chixok il che rutaqanik ri Dios y che ri jusuk' b'inik silab'ik karaj Rire chiwe. Yey ronoje taq k'u ri kajawaxik, xa uwi' chik kaya'taj chiwe.

Mub'isoj pan ik'u'x ri kiwil chwe'q, ma chujujunal q'ij uk'amom chi lo ruk'ayewal.

»E uwari'che kamb'i'ij chiwe ri'ix: Mub'isoj ik'u'x rik'aslem; mub'isoj ne ik'u'x sa' riwa y rimiq'ina' kitijo o sa' riq'u' kikojo. ¿Na e ta neb'a más k'o uwach rik'aslem ri'ix chwach ri kitijo? ¿Yey na e ta neb'a más k'o uwach ri cuerpo chwach riq'u' kikojo?

No'j ri'ix echiri' kixch'a't ruk' ri Dios, chixok pa ja, chitz'apij lo ri puerta y chixch'a't ruk' Riqaw Dios xa itukel; jek'ula' Riqaw Dios karil ri ki'an xa itukel y kuya na k'u ri rajil uk'axel chiwe chiwachil.

»Ek'u ri'ix echiri' kixch'a't ruk' ri Dios utz jewa' taq ri kib'i'ij: Qaqaw Dios, Lal k'o la chila' chikaj, ¡lik cheta'maxoq nim uq'ij ri b'i' la! Peta la, taqana la paqawi'; chu'ana k'u ri rajawal k'u'x la wara che ruwachulew, jela' pacha' ri ka'an chila' chikaj.

Ya'a ko la waq'ij ri qawa, ri kajawax chiqe ronoje q'ij.

Kuyu ko la qamak, jela' pacha' ri'oj kaqakuy kimak ri emakuninaq chiqij.

Y maya ko la luwar chiqe kojtzaq pa mak; e lik chojkolob'ej la chwach ritzel winaq. Ma paq'ab' Rilal k'o wi ronoje taqanik y chuq'ab'; y xew che Rilal taqal wi ri yakb'al q'ij na jinta utaqexik. Amén.

»Ma we ri'ix kikuy kimak taq ri tikawex, jek'ula' ri' ku'an ri Qaqaw Dios k'o chila' chikaj, kukuy imak ri'ix.

»Cheb'iwilape ri tz'ikin kexik'ik' che ruwa kaj. Rike na ketiko'naj taj, na kaki'an tane kimolonik y na jinta ne pa kakik'ol wi ri kimolonik. Na ruk' ta k'u ri', Riqaw Dios k'o chila' chikaj keb'utzuqu. ¡Mak'uwari' ri'ix, ri Dios kixuchajij, ma e más k'o iwach ri'ix chikiwa ri tz'ikin!

»Mixchakun xa re kimol uk'u'xib'al b'eyomalil re ruwachulew, ma ri wara e taq ri ik'olom xa kapok'irik y ku'an mojos, yey keb'ok ne eleq'omab' che releq'axik b'i. We kiwaj kiriq ri saqil b'eyomalil, e chi'ana wara che ruwachulew janipa ri lik k'o uchak chwach ri Dios cha' jela' k'o kutiqoj chiwe ri'ix chila' chikaj. Ma ri ik'olom chila' na kapok'ir taj y na ku'an ta mojos, yey na jinta ne eleq'omab' keb'ok che releq'axik b'i. Ma pa k'o wi rib'eyomalil ri'ix, puwi wa' ke'ek wi ik'u'x.

»Lik k'ayew we juna aj chak e ka'ib' ri rajaw. Ma laj tzel karil ri jun yey k'ax kuna' ri jun chik; o laj kuyak uq'ij ri jun yey kuk'aq b'i uq'ij ri jun chik. Ruma k'u la', na utz taj we junoq kuya rib' che unimaxik ri Dios yey kuya rib' che utzukuxik ri b'eyomalil re ruwachulew.

Jek'ula' we ri Dios u'anom chom che ri aq'es k'o waq'ij pa juyub' yey chwe'q xa kaporox pa aq', ¿na kuya ta kami ri' ri Dios riq'u' kajawax chiwe? ¡Ri'ix lik xa jub'iq' ri kub'ulib'al ik'u'x ruk' ri Dios!

E uwari'che, echiri' kiya limoxna chike ri nib'a'ib', mi'an chiwachil. Jek'ula' na jinta k'o kana'b'en re, xew Riqaw Dios keta'man wa'. Ek'u Rire kuya na ri rajil uk'axel chiwe.

»Mi'an ri kik'ut ri jusuk' ib'inik isilab'ik chiwachil xa re kixilitaj kuma ri tikawex; ma we jela' ki'ano, na jinta rajil uk'axel kik'ul che Riqaw Dios k'o chila' chikaj.

»Echiri' ri'ix ki'an ayuno, mik'ut b'is che ripalaj pacha' ri kaki'an ri xa keb' kipalaj. Ma rike kaki'an wa' xa pacha' keb'ilitaj kuma ri winaq. Paqatzij wi kamb'i'ij chiwe: Ruk' k'u wa yakb'al kiq'ij, ya e la' xkik'ul ri rajil uk'axel ri xki'ano. No'j ri'ix echiri' ki'an ayuno, chich'aja ripalaj y chixiya riwi' chi utz. Jek'ula' ri tikawex na kakil taj we ri'ix ix k'o pa ayuno. Xew k'u Riqaw Dios, ri na kilitaj ta uwach, karil ri na kakil ta ri tikawex. Ek'u ri' Rire kaya'w na ri rajil uk'axel chiwe.