Popularni biblijski stihovi od San Mateo 28

Podijeli

Ñeñthoꞌmarña theꞌpaꞌ orras oꞌch seyxhatyes ora allowen paꞌnamen acheñ atthoch neyochreshaꞌ neperranet. Oꞌch sapatanet Yompor Parets paꞌsoꞌchño ñamha Yompor Poechemer paꞌsoꞌchño ñamha eꞌñe Yompor Poekamkëñ paꞌsoꞌchño allochñapaꞌ atthochña eꞌñe poeyochreshaꞌ perranet Yompor Parets. Ñamha xhokmach oꞌch eꞌñe seyxhatyesanet allochñapaꞌ atthoch eꞌñe kowen ameꞌñerrnanet eꞌñe ora ñeñth allpon oꞌ notwas. Ñamha señochepaꞌch napaꞌ eꞌñe patheꞌtets yeth xhokmach alloꞌtseney parro atthoch xhokma nebensareꞌtampenes amaꞌt tharrempowach esempowañen allempoch mellapoterra. Ñeñthpaꞌ atthetepaꞌch Nompore. Allowa.

Allempoña Jesúspaꞌ ponmanet ateth otapanet: —Napaꞌ aparethen allowen llesens añe patsrekop ñamha Yompor poeꞌntañekop.

Allempoña mellañotheñpaꞌ ateth otapan koyaneshaxhno: —Amach xha seyorenatsto. Napaꞌ neñotenes añkaꞌye semnen oꞌch sentaꞌmoeñ Jesús ñeñth korsoꞌtamphset. Amakaꞌ arroꞌtsenaro arr, ñapaꞌ ateth otaseꞌthpaꞌ theꞌñapaꞌ oꞌkaꞌye tanterra. Sonkaꞌye sekweñaꞌ all phanet amakaꞌ eñalle.

Allempoña Jesúspaꞌ ateth otanet: —Amach semhchaꞌtatsetno. Orrerres sotennanaꞌ nemoꞌnasheñneshaxhno awanmoetepaꞌ Galileo, allchaꞌña eꞌñe enterrnet.

Ñetña allempo apxhenet epoet ñeñth pomporneshaꞌ pen judioneshaꞌ ñetñapaꞌ kothapeꞌchatannaꞌtet. Oꞌña kothapeꞌchatannaꞌtwetpaꞌ allempoñapaꞌ apet solltarneshaꞌ shonteꞌ kelle. Ñeñthpaꞌ ateth ochet solltarneshaꞌ: —Theꞌpaꞌ atethchaꞌ sot: “Yaña tsapopaꞌ moetsyeꞌtpaꞌ poeyochreshaꞌñapaꞌ awoꞌt wapoet aꞌnawaꞌt eretaꞌña arromñath.” Ellopaꞌ alla oterranerr solltarneshaꞌ: —Ñerraꞌm amhchaꞌtareth xha eꞌmareꞌteꞌ yapaꞌ yaꞌpoktatonaschaꞌ eꞌñe kowen ñesho atthochña sapaꞌ amach erroth phaseto. Ñetña allempo agapwet kellepaꞌ ateth otarethtetpaꞌ atethxhoꞌ pet. Ñeñthoꞌmarña ñet poeserrparñetpaꞌ eꞌñe allempotheñ epaꞌwa judionesheshoꞌmar.