Popularni biblijski stihovi od Luke 7

Podijeli

ထို့ကြောင့် သင့်အား ငါဆိုသည်ကား ဘုရားရှင်သည် သူမ၏များပြားလှသောအပြစ်များကို ခွင့်လွှတ်ပေးတော်မူခဲ့ပြီဖြစ်သောကြောင့် သူမသည် များစွာသောမေတ္တာကရုဏာကို ပြသနေခြင်းဖြစ်၏။ ထိုသို့ပင် အနည်းငယ်သာခွင့်လွှတ်ခြင်းခံရသူသည် အနည်းငယ်သောမေတ္တာကိုသာ ပြ၏” ဟုမိန့်တော်မူ၏။ ထို့နောက် ကိုယ်တော်က ထိုအမျိုးသမီးအား “သင်၏အပြစ်ဒုစရိုက်များအားလုံးကို ခွင့်လွှတ်လိုက်ပြီ” ဟုမိန့်တော်မူ၏။

သို့သော်လည်း ကိုယ်တော်ယေရှုက ထိုအမျိုးသမီးအား “သင်၏ယုံကြည်ခြင်းသည် သင့်ကိုကယ်တင်ပြီ။ ငြိမ်းချမ်းစွာ သွားလော့” ဟုမိန့်တော်မူလေ၏။

ထို့နောက် သူမသည် ကိုယ်တော်၏နောက်တော်ပါးသို့ လာ၍ ခြေတော်ရင်း၌ ငိုကြွေးလျှက် သူမ၏မျက်ရည်တို့ဖြင့် ကိုယ်တော်၏ခြေထောက်အား စိုစေကာ ဦးခေါင်းမှ ဆံပင်တို့ဖြင့် သုတ်၍ ခြောက်သွေ့စေ၏။ ထို့နောက် ကိုယ်တော်၏ခြေတော်အစုံကို နမ်းရှိုက်လိုက်ပြီး ဆီမွှေးဖြင့် လိမ်းကျံလေ၏။

ထို့အပြင် အကျွန်ုပ်သည်လည်း ကိုယ်တော့်ထံ လာရောက်တွေ့ဆုံဖို့လည်း အကျွန်ုပ်မထိုက်တန်ပါ။ သို့ရာတွင် ကိုယ်တော်အမိန့်တော်ရှိရုံမျှနှင့် အကျွန်ုပ်၏အစေခံသည် ကျန်းမာလာပါလိမ့်မည်။ အကြောင်းမူကား အကျွန်ုပ်သည် အထက်အရာရှိ၏လက်အောက်တွင် ရှိသကဲ့သို့ အကျွန်ုပ်၏လက်အောက်တွင်လည်း တပ်သားများစွာရှိပါ၏။ အကျွန်ုပ်က တပ်သားတစ်ဦးကို ‘သွားပါ’ ဟုဆိုလျှင် သူသည် သွားရပြီး၊ ‘လာပါ’ ဟုဆိုလျှင်လည်း သူသည် လာရပါ၏။ အကျွန်ုပ်၏အစေခံများကိုလည်း ‘ဤသည်ကို ပြုပါ’ ဆိုလျှင် သူတို့ပြုရပါ၏” ဟုလျှောက်တင်စေလေ၏။ ထိုစကားကို ကိုယ်တော်ကြားရသောအခါ အံ့ဩလျှက် နောက်တော်သို့လိုက်ပါလာသူတို့ကို လှည့်ကြည့်၍ “သင်တို့အား ငါဆိုသည်ကား အစ္စရေးပြည်တစ်ခွင်၌ ဤမျှလောက်ယုံကြည်မှုကြီးမားသောသူ ငါမတွေ့သေး” ဟုမိန့်တော်မူလေ၏။

ထိုအချိန်၌ ကိုယ်တော်သည် ဖျားနာသူများကို ကျန်းမာစေ၍ မကောင်းဆိုးဝါးပူးကပ်ခံနေရသူများထံမှ မကောင်းဆိုးဝါးများကိုလည်း နှင်ထုတ်ပေးနေသည်သာမက မျက်မမြင်များစွာတို့ကိုလည်း မျက်စိအလင်းပြန်ရစေရန် အခွင့်ပေးနေတော်မူ၏။ ကိုယ်တော်ကလည်း ယောဟန်၏တပည့်များအား “သင်တို့မြင်တွေ့ရသည့်အရာတို့ကို ယောဟန်ထံ သွား၍ပြောပြကြလော့။ မျက်မမြင်တို့သည် မျက်စိမြင်ရကြပြီ။ ခြေမသန်စွမ်းသူတို့သည် လမ်းလျှောက်နိုင်ကြပြီ။ အနာကြီးရောဂါသည်တို့သည် ရောဂါပျောက်ကင်းကြပြီ။ နားမကြားသောသူတို့သည် ပြန်လည်ကြားနိုင်ကြပြီ။ သေသောသူတို့သည် အသက်ပြန်ရှင်ကြပြီ။ ဆင်းရဲသားတို့သည်လည်း မင်္ဂလာသတင်းကောင်းကို ကြားကြရပြီ။