Popularni biblijski stihovi od ปือบูวัจ 3

Podijeli

กะฆีเตอ_ บราเลฮ ฮาตี เลอ. อาเลฮ ปี ซารี ตูฮัด_ บรี ญา บาโซฮ ดูซา นะ กาเญา.

ตาปี เปโตร มือเลา ฌางัน ญา จะ_ “กู ฮอย ปีระ_ ฮอย มัซ ลาลู. ตาปี ลาฆู นู กู อาดา_ กู นะ บรี กะ เกา. เดะ ปือนามา นะ เยซู คริด_ ซือมียา ตูโปะ นาซาเรด_ บีกัซ บือฌาลัด เลอ.” ญา จะ.

เปโตร ปือฆัก ตางัน โซะ กานัน นะ ญา_ ตูโลก ปือบีกัซ_ บือดีรี. ดัดดัด กากี นะ ญา_ ฌางัน บูกู กากี นะ ญา_ ตือฆัยํ อูรัจ ดัฮ. ญา มือลูปัจ_ บือดีรี_ ฌาลัด โปด_ บือเลฮ ดัฮ. ญา มาโซะ กะ ดาลับ รูมัฮ มือญือมัฮ ตูฮัด_ บือซามา เปโตร ฌางัน โยฮัน_ ซัจ บือฌาลัด_ ซัจ มือลูปัจ_ ซาแมน ปูฌี กะ ตูฮัด.

ปือนามา นะ เยซู เตอ เลอ_ นู บูวัจ บรี อูรัก จาเปะ อีนี ตือฆัยํ อูรัจ ดัฮ_ ซาเบะ ญา ปือจายา กะ ปือนามา อีตู. ญา ฌาดี ซือมียา ซืออูรัก_ นู กาเญา ลีฮัจ บือฆารี ดัฮ_ นู กาเญา กราลา โปด. นู ญา ปือจายา กะ เยซู เตอ_ บือเลฮ บูวัจ บรี ญา ซือนัง ญาวา ดัฮ_ บือกะ กาเญา บือเลฮ ลีฮัจ บือฆารี เลอ.”