Popularni biblijski stihovi od ARING KELESING 32

Podijeli

Ken kelunan atih men iha', “Meng nah na aran ka' Yakub la'an. Israel nah aran ka', avin ika' uh petulung melawan Allah dahin kelunan lahuh, ika' pah uh maneng.”

Lun kuma' nah kelunan atih, “En akau nah akui, avin uh malah nah dau anih.” Bi nyu'ei nah Yakub, “Nusi' kui mun mekah ika' iha' ika' em muak asi ka' men akui.”

Yakub dep kah aleng melo' la'an. Beka' ji laké' petulung dahin na' ateng dau nei pebekat.

En Yakub na Pniel nah aran tinan, avin ken na', “Akui uh nyineng neng Allah, beluak pah murip!”

Kitan laké' atih nah iha' em deng pekalah Yakbu, en na' nyaman nah pa'un hapi Yakub, pelalau kahala nah pa'un hapi Yakub, alem dawa' petulung nunan anan.

En kelunan atih teng nah iha', “Hi aran ka' du?” Nyu'ei nah iha', “Yakub,” ken na'.

Meteng pah Yakub, “Im bara nah aran ka' lahuh.” Bi iha' nyu'ei iha', “Na' nun ka' meteng aran kui?” Pelalau na' uk nah asi na' men Yakub tinan.

Bi akui nih, nusi' kui tekep ala nun-nun halam Ka' dahin, tangen kenep Ka' aleng uh Im uak té' panyin Ka' anih. Ji hekun anih dep kah ek geri tegu kui lawat hungei Yordan dih, bi kerei inih uh dua' nah peng amé' anih.

Anan nah tavit daha' Israel em kuman uhat aleng té' té' tuman tulang pa'un hapi ateng dau anih, avin Iha' uh nyaman tuman tulang pa'un hapi Yakub tatah uhat aya' hapi na'.

Uh anan, ken Yakub men Tuhan, “U Allah sepuk Abraham dahin Allah Ishak aleng tamak, u Tuhan, Ika' aleng uh kuma' men akui dih, ‘Uli nah im ha' daléh ka' dahin ha' daléh daha' harim. Akui pah seng ma'uk sayu men ika',’ Kum men akui dih.

Im akau nah akui men alem usu Esau harik atih, avin takut lan kui té' iha', bahi iha' nei lematei akui, nurei pah dalo' hinan dalo' nyam anih dahin dalo' anak kui nih.