Popularni biblijski stihovi od Nai Vakatekivu 21

Podijeli

A SA talevi Sera ko Jiova me vaka ka kaya eliu, a sa cakacaka vei Sera ko Jiova me vaka na nona vosa eliu.

A sa rogoca na domo ni gone na Kalou; a sa kaci vei Ekari na agilose ni Kalou mai lomalagi, a sa kaya vua, Ko sa vakaevei, Ekari? kakua ni rere; ni sa rogoca na Kalou na domona na gone e na tikina sa tu kina: mo tu cake, mo laveta cake na gone, ka taura e ligamu; niʼu na cakavi koya me matanitu levu.

A sa kunekune ko Sera, ka vakasucuma vei Eparaama e dua na luvena tagane ni sa qase mai ko koya, e na gauna ka loku, a ya ka vosa kina vua na Kalou.

A sa kaya ko Sera, Sa vakadredretaki au na Kalou; era na dredre kece kei au ko ira era rogoca.

A sa kaya vei Eparaama na Kalou, Me kakua ni ca vei iko e na vuku ni gone, kei na vukuna na nomui alewa bobula: na ka kecega sa kainaka vei iko ko Sera, mo vakarorogo ki domona; ni na vakayacani me nomu na kawa i Aisake ga

ia kaʼu na cakavi koya na luvena na alewa bobula talega me matanitu, e na vuku ni sa nomu kawa.