Popularni biblijski stihovi od ᤗᤢᤁᤠ 19

Podijeli

ᤔᤧᤴᤇᤠᤶᤛᤠᤴ ᤗᤠᤕᤥᤀᤥ ᤁᤧᤔᤠᤒᤠᤜᤠ᤹ ᤁᤥ᤺ᤵᤔᤠ ᤏᤢ ᤜᤡᤱᤔᤠᤛᤡ ᤑᤠ᤹ᤀᤠᤱ ᤋᤩᤧᤒᤠᤖᤥ॥”

“ᤕᤜᤘᤣ ᤍᤠᤱᤒᤠᤸᤗᤧ ᤁᤢᤔᤡᤱᤅᤥ ᤁᤧᤍᤠᤒᤠ ᤜᤠᤱᤅᤡᤴ ᤔᤢ᤹ᤀᤡᤛᤠᤒᤠ ᤐᤥᤱᤗᤖᤥ॥ ᤛᤠᤱᤃᤪᤠᤶᤐᤣᤍᤠᤱᤅᤥ ᤛᤏᤠᤖᤢᤱ ᤐᤥᤱᤗᤖᤥ. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤡᤔᤡᤍᤡᤱ ᤐᤥᤱᤗᤖᤥ॥”

ᤜᤧᤰᤁᤣ᤺ᤸᤗᤧ ᤕᤧᤛᤢᤖᤧ ᤐᤠ᤺ᤳᤋᤢ. “ᤀᤠᤀᤡᤴ ᤁᤴ ᤜᤡᤶᤛᤕᤱᤅᤡᤸᤗᤧ ᤛᤧᤴᤗᤵ ᤂᤥᤛᤢᤀᤠᤱ ᤘᤠ᤹ᤖᤥ. ᤌᤣᤀᤠᤱᤓᤧᤸᤗᤧ ᤈᤰᤁᤤ᤺ᤴᤏᤠᤱ ᤀᤒᤪᤠᤜᤠᤔᤖᤧᤴᤏᤣ ᤁᤢᤔᤢ᤹ᤀᤡᤍᤠᤱᤛᤠᤖᤥ॥

ᤕᤧᤛᤢᤴ ᤂᤧᤵᤔᤥ ᤁᤧᤖᤧᤸᤗᤧ ᤌᤥ ᤀᤥᤔᤕᤧᤀᤠᤱ ᤔᤧᤳᤋᤢ. “ᤈᤰᤁᤤᤀᤣ. ᤂᤧᤏᤧ᤹ ᤜᤠᤖᤠ ᤌᤩᤧ᤹ᤀᤥ॥ ᤀᤠᤀᤡᤴ ᤀᤡᤱᤃᤠ᤹ ᤁᤧᤜᤡᤶᤔᤥ ᤏᤧᤀᤠᤒᤠᤖᤥ॥” ᤜᤧᤰᤁᤣ᤺ᤸᤗᤧ ᤈᤰᤁᤤᤴ ᤕᤥ ᤌᤩᤧᤀᤠᤱ ᤁᤢᤛᤡᤖᤠ᤹ ᤐᤎᤠᤱᤌᤠᤅᤧᤖ ᤕᤧᤛᤢᤴ ᤁᤢᤜᤡᤶᤔᤥ ᤗᤠᤶᤍᤠ᤺ᤰᤔᤠ ᤐᤡᤖᤢ॥

ᤕᤠᤱᤛᤡ ᤈᤰᤁᤤᤴ ᤕᤧᤶᤛᤡᤱᤅᤠᤱ ᤍᤠᤱᤒᤠᤴ ᤀᤰᤂᤣ ᤔᤧᤳᤋᤢ. “ᤀᤡᤱᤃᤠ᤹ ᤁᤳᤋᤢᤱᤒᤠ ᤕᤠᤱᤛᤠᤁᤢᤴᤎᤣᤴ ᤁᤢᤓᤪᤧ᤺ᤱ ᤕᤠᤱᤃᤧᤛᤠ᤹ᤒᤠᤜᤠ᤹ ᤜᤠ᤺ᤳᤋᤢᤱᤛᤡᤱᤗᤥ॥ ᤜᤧᤰᤁᤩᤠᤱ ᤀᤠᤳᤋᤡᤴᤜᤠ᤹ ᤀᤡᤱᤗᤧᤰ ᤔᤧᤳᤋᤢᤱᤛᤡᤱᤅᤠᤱ ᤕᤖᤡᤰ ᤕᤠᤱ ᤑᤥ᤺ᤰᤂᤢᤱᤛᤡᤱᤅᤠᤱ ᤘᤠ᤹ᤀᤠ. ᤂᤧᤱᤜᤠ᤹ ᤀᤡᤱᤃᤠ᤹ ᤗᤡᤛᤡᤗᤧᤱ ᤌᤠᤖᤡᤰ ᤏᤢ᤺ᤰᤋᤢᤱ ᤐᤡᤖᤢᤱᤛᤡᤱᤗᤥ॥”

ᤁᤖ ᤂᤧᤵᤔᤥ ᤔᤏᤠᤗᤢᤶᤔᤥ ᤁᤧᤘᤠ᤹ᤒᤠ ᤁᤢᤓᤠ ᤑᤖᤡᤛᤡᤜᤠ᤹ᤖᤧ ᤕᤧᤛᤢᤴ ᤔᤧᤔᤧᤳᤋᤢ. “ᤛᤡᤰᤛᤠᤶᤒᤣ. ᤂᤧᤏᤧ᤹ ᤁᤧᤜᤢ᤹ᤛᤠᤶᤒᤠᤜᤠ᤹ ᤜᤧᤰᤁᤣ ᤔᤧᤒᤠ᤺ᤳᤋᤧᤶᤔᤡᤴᤏᤧ᤹ ᤑᤠ᤹ᤀᤠᤱ ᤑᤧ᤺ᤰᤋᤧᤛᤧ᤹ᤀᤥ॥” ᤜᤧᤰᤁᤣ᤺ᤸᤗᤧ ᤕᤧᤛᤢᤖᤧ ᤂᤧᤱᤜᤠ᤹ ᤏᤥᤃᤵ ᤐᤡᤖᤢᤛᤡ. “ᤂᤧᤵᤛᤧᤶᤔᤧ᤹ᤀᤥ. ᤂᤧᤱᤜᤠ᤹ ᤛᤫᤠ᤺ᤳ ᤔᤧᤕᤢᤱᤅᤡᤸᤗᤧᤃ ᤁᤴ ᤗᤢᤱᤜᤠ᤹ᤀᤠᤱ ᤔᤧᤛ᤺ᤳᤋᤠᤱ ᤔᤧᤒᤠ᤺ᤳ ᤔᤧᤗ᤺ᤴᤗᤥ॥”