Popularni biblijski stihovi od Jwon 6

Podijeli

Unai Yeso lakus ni, “Ayin a folok i mupwet. Maɗufal ima yes kyel amen ma wa muhumkyel ti hwem kwa, maɗufal ima fa mwawei yes kyel amen ma wa muhum halti myaf kwa.

A Rin fai mupwet, lo' mati mbaitat i ɗama kwa. Findel ima i laku a Rin hu mupwet.

Ka hu kin hai si far ti cwa ima rwaat kwa, far hun cwa ima ma fati mupwet i myan hu myan, ima Al i Maɗufal ma wa fasu. Ɓurti a tasi Al i Maɗufal hai DeeƁwe nggwak asum asus i hai, kof nyai, ɓwet aɗeng ima ma masi.”

Ɓurti aɗeng ima Deen ma ɓweti ayis nai, shak maɗufal ima ɗing Ali, fa mwawei si yis hai, mati mupwet i myan hu myan, yin i wa ha'sus fit mwen ti dala.”

Yeso humuskyel ti findel ni, “Aɗeng ima DeeƁwe ma ɓweti ɓa hu masi a yis nai hu fa mwawei wa kyel i maɗufal ima rous.”

Shak ɗamam ima Deen fan si wa yes kyel amen, maɗufal ima yes kyel amen, i wa nggasus ya kwa.

Siman Pita humuskyel ti findel ta ni, “A Deembai, ni wa wa a kyel i we ya? A ha hati findel ma fati mupwet i myan hu myan.

Ayin a folok i mupwet ima ɗor ta fit. Shak maɗufal ima cu folok mai, ma wa mupwet na i myan hu myan. Mai foloki a lo' amen ima i wa fai ɓurti mupwet i naya.”

Ɗeng ndok u yes kyel amen kwa, na yis ima rohun dulus tawe. Yin hwak i wa ha' ti maɗufal fit mwen ti dala.

Ɓurti folok i DeeƁwe a yis ima ɗwar ta fit u fa mupwet na naya.”

Ayin a folok ma fati mupwet.

Unai Yeso ha' foloki, kof palang, kaar ɗufal ima si te amuni ngga' ima ndokus ta shak. Masi andi hwak ti gushei. Takfai tima si cu si kaf, unai lak fe i ro ames ni, “Suɓut hun ngguturai ima si kati, kan hu hon ɓa u rafat kwa.”

Takfai ima si tuk kwang i hami i mel ataat ahun a ataat ta ɓwayi ɗak, unai si ɗing Yeso yis muru ta nggas ti kwang i hami, yis ati tasi hami hai, unai fe i ro amesi si mwen fweng. Unai Yeso nyus, “Ayin, kan hu mwen kwa.”