Popularni biblijski stihovi od Aba Vatowo 27

Podijeli

‘Yaubada ina nuwonúwana goi númla sigugumina im poyapoya bei ivakaanapoive be nakae im tánuwo goi oine be awoinu siiloboina. Aiyuwoina Yaubada ina nuwonúwana goi boda liliudi kom im bei sivaatugúyala yaim be nakae osemowo liliudi sobuyekoim bei kuloviinaedi. Avatauwa neta sikatubolatem, Yaubada nakae bei ikatubolatedi. Go sem avatauwa neta sikaipakuyem, Yaubada nakae bei ikaipakuyedi.’

Tuwo Isoyana idigo kana, ‘Tauyana sivayoudoko Yakobo ae? Bogina sivayuwo ikatubaukoigu. Boi guna tapavívila goi tauyana ivaobugu, e tauna tauyana imalabotomoya mana lovina go, ame tuta guna kaipaku isonane.’ Tuwaina kana, ‘Go tamagu, manakae? Itoboinem yau nakae kwaipakuyegu gea geya?’

E tamana Aisake idigo kana, ‘Im kaiyaka poyapoya goi númla sigugumina im poyapoya Yaubada bei geya ivakanapoiveyeta. Im tánuwo goi oine be awoinu bei geya siloboineta. Im kaiyaka manuna bei kuvalauláuwo be kuvaináwana. Kom bei am gómana ina pákwana. Niga go ina lovina bei kwapipilave, e geya tuwaina ilovinaem.’

Go kina Isoyana idigo kana, ‘Go manakae? Sivatayamo tauna itoboinem kwaipaku ae? Tamagu! Yau nakae kwaipakuyēgu!’ Tuwo Iso itáiya gagaina.