Popularni biblijski stihovi od Joni 12

Podijeli

Kevaka sa qaravi au e dua, me muri au ga, ia na vanua ka'u sa tiko kina, ena tiko talega kina ko koya sa qaravi au. Ia kevaka sa qaravi au e dua, ena vakarokorokotaki koya ko Tamaqu.

O koya sa lomana na nona bula, ena vakayalia, ia ko koya sa cata na nona bula e vuravura oqo, ena maroroya ki na bula tawa mudu.

E dina, e dina, au sa kaya vei kemudou, kevaka ena sega ni mate na vua ni sila ni sa lutu ki na qele, sa tiko duaduaga; ia kevaka sa mate, sa vua vakalevu.

Au sa lako mai ki vuravura me'u kena rarama, me kakua ni tiko e na butobuto ko koya yadua sa vakabauti au.

Ia kevaka e dua sa rogoca na noqu vosa, ka sega ni vakabauta, au sa sega ni lewai koya; ni'u sa sega ni lako mai me'u lewai ira na kai vuravura, me'u vakabulai ira ga na kai vuravura.

Sa qai kauta mai ko Meri e dua na paudi waiwai talei sara, a narita dina, ka lumuta na yava i Jisu, ka solota na yavana e na drau ni uluna. Sa vakasinaiti na vale e nai boi ni waiwai.

Era sa kauta na drau ni niu-sawa, a ra sa lako yani me veitavaki kaya, ka kacivaka, “Osana! Sa kalougata ko koya sa lako mai e na yaca ni Turaga— na nodra Tui na Isireli!”

A sa vosa vei rau ko Jisu, ka kaya, “Sa qai yaco mai na gauna me vakarokorokotaki kina na Luve ni Tamata.