Popularni biblijski stihovi od Vakatekivu 17

Podijeli

Sa ciwasagavulu ka ciwa na yabaki i Eparama, sa qai rairai vei Eparama ko Jiova, a sa kaya vua, “Koi au na Kalou Kaukauwa; me dodonu na nomu i valavala vei au, ka mo kakua ni cala.

Ena sega tale ni vakatokai me yacamu ko Eparama, ia sa na yacamu ga ko Eparaama; ni'u sa lewa vei iko mo tamadra na matanitu e vuqa.

Ka'u na vakataudeitaka na noqu veiyalayalati kei iko, kei ira talega na nomu kawa, e na nodra i tabatamata kecega, ka me veiyalayalati e tawa mudu, ka me'u sa nomu Kalou, ka me'u nodra Kalou talega na nomu kawa.

“Raica, sa tiko kei iko na noqu veiyalayalati, ia ko na tamadra na matanitu e vuqa.

A sa kaya na Kalou, “E segai, ia ena sucu vakaidina e dua na luvemu-tagane vei Sera na watimu; ia ko na vakatoka na yacana ko Aisake. Ia ka'u na vakataudeitaka vua na noqu veiyalayalati me veiyalayalati ka tawa mudu, vei ira na nona kawa era na muri koya.

Ia ka'u na solia vei iko kei ira na nomu kawa, na vanua ko sa tiko vulagi kina, a vanua taucoko ko Kenani, ka me ra taukena ka tawa mudu; ia ka'u na nodra Kalou.”

A sa cuva vakatoboicu ko Eparaama, a sa dredre, ni sa kaya e lomana, “Ena sucu beka na gone vua sa qai dua na drau na nona yabaki? Ia ena vakasucu beka ko Sera, ni sa qai ciwasagavulu na nona yabaki?”

Sa kaya talega vei Eparaama na Kalou, “Ko Serai na watimu, mo kakua tale ni vakatoka na yacana ko Serai, ia sa na yacana ga ko Sera.

Dou ciliva na kuli ni vusomudou; ia sa na kenai vakatakilakila oqo ni noqu veiyalayalati kei kemudou.

Ia ka'u na vakataudeitaka ga na noqu veiyalayalati kei Aisake, ko koya na luvemu vei Sera, o koya ena sucu mai e na gauna vata oqo e na yabaki mai oqo.”

Ia ko koya vei kemudou sa bogi walu ena cilivi, na gonetagane kecega e na nomudou i tabatamata kecega, ko koya sa sucu e vale, kei koya sa voli e nai lavo mai vua na kai tani sa sega ni nomu kawa. Me cili ga ko koya sa sucu e nomu vale, kei koya sa voli e na nomu i lavo. Ia e na tu e na lewemudou nai vakatakilakila ni noqu veiyalayalati, me veiyalayalati ka tawa mudu.