Popularni biblijski stihovi od Yohana 6

Podijeli

Yesu a̱ hywa da̱ mba, “Nzuk a̱mi n yet kyangya sucet a. A̱yin nu a̱ ba da̱ nzuk ni a̱ bo byyi hok cihywat ba; a̱yin nu a̱ ma̱n n dyi rya nu na ni a̱ bo ni hok na̱shyi ba.

Tswa Ka̱za nji wwat sucet, cet a̱neywu shyi an kyang ba. Ba̱ryat ba n ka̱n dyat i a̱ yet Tswa bu sucet.

Yi ryok yya pfong cat kyangya na ni byyan ni ba, ma yi yya pfong cat kyangya nying na ni yet sucet wityak ni, nying na Ka̱won A̱neywu ka ni ya ryi ni, rot Ka̱za A̱tyyi nka nu a̱ ka̱n ku shaida.”

Kyang a A̱tyyi nzuk u na̱ cat i nkpa yet: sa̱rei ba̱nyet ba a̱ ryi Ka̱won ka a̱ ka̱ san ni a̱ shya sucet, a̱wwon n bu ba̱ yrek n ba̱ ryi sucet wityak ka̱tuk a̱ngbom nom ta̱za ka.”

Yesu a̱ hywa da̱ mba, “Kyang a Ka̱za ka cat yi yya ni nkpa yet: yi tyyi ndya nyin a a̱yin nu ka tom ni.”

Sa̱rei ba̱nyet ba A̱tyyi na̱ n dyi ni a̱ ni ba da̱ nzuk, da a ni brek a̱yin nu a̱ ba da̱ nzuk ni ba

Siman Bitut a̱ hywa, “A̱gwam, nwan wu byyi ba̱ryat ba a̱ wwat sucet wityak a ni. Zi na̱ wwon i nat da̱ a̱nyan?

Nzuk n yet kyangya sucet a i kyrek nyyai Tazwa ka ni. A̱yin nu a̱ ya kyangya nani ni a̱ byyi sucet hat a̱ba̱da. Kyangya na n ni ku ryi ni nkpa yet rwam nzuk a, nkpa a̱mi n wwat ka̱sa ka a̱ ga kaat.”

A̱yin a̱n shyi a̱ maai ba ka̱rek nzuk ba se A̱tyyi nu a̱ n tom ni a̱ ku kwwat a̱ n dyi, nzuk n ma̱n bu ku ryi sso ka̱tuk a̱ngbom nom ta̱za ka.

Kyangya na Ka̱za ka wwat i nkpa yet a̱yin nu a̱ kyrek nyyai Tazwa ka ni a̱ wwat ba̱nyet ka̱sa ba sucet.”

Nzuk a̱mi n yet kyangya sucet a.

Yesu a̱ sook a̱kukwang burodi nu a̱ gwai Ka̱za mi a̱ sam a̱ ka ba̱nyet ba a̱ yin shyi swat ka̱rek ka ni. A̱ bo sook hwon ji a̱ kprem a̱ ba̱ ka. Sa̱rei mba koyan a̱ ya a̱ swa. Ba bu tyak ya na, Yesu a̱ hywa di na̱won pfong nu na, “To, yi tang nkpikpit a tung ka̱rek ka̱yring, ho na bu byyan.”

Na̱won pfong nu na ba ka̱n cong ka̱cyet ka a̱ tat kilometer pfon ko a̱kitat ni, ba si ryi Yesu na̱ cong tazwa ba̱shekwot ka a̱ bai mbeyang kpongo ka, ba hok ka̱wun ba̱gingang. Yesu a̱ hywa da̱ mba, “Yi ryok hok ka̱wun ba. Nzuk a̱mi.”