Popularni biblijski stihovi od Genesis 13

Podijeli

Kineerewuuvaha weyaano ni edduullu ddawo ellapo ettheene onooneeweeyo. Nave enaakhalle yaawoyaawo enthawi ddoohimalla.

Loti atthaamille, Apwiya yaamulleella Abramu wi, “Tukhulla miitthwaawo nave owehesese ompoto, omwera, wookhuma nndduwa ni woovollowa nndduwa.

Kineerewuuvaha edduullu ddinchichi nave khaavo naari mmodda anaawore oddeerenga. Yooyove anawora weerenga nthupi na va ellapo yavatthi sika anaawore.”

Sika Abramu aamulleella Loti wi, “Hiyaano niri voobaleni, sika vihikhalle okangana variyari va weyaano ni miyaano, emoddamoddave yeeyo variyari va abusaawo ni abusaaka.

Sika vano Abramu aatthaamiha musasaaye, aya akhalla o miteekho dda muthundu dda o Mamure nnddo ddiri o Hebroni. Nave wenko ahaamakella Apwiya nikuwa.

Vano Loti awehillewehille, ahoona wi ntapo nittheene na muhinje wa Yordani ophiyera o Zowari naakhalla ni maaddi manchichi. Ntaponno naari wonanko Edeni, emata ya Apwiya apaallettho wonanko ellapo ya Iguputo. Enthawi yeeyo Apwiya yaari ehinoononge mizinda dda Sodomu ni Gomora.