Popularni biblijski stihovi od മത്തായി 19

Podijeli

ഏസു അവാര്‌ണ ണോഡി: <<മന്‌സാന്‌ക്ക് അദ് മുഡ്യമാട്ട. ആന സാമിക്ക് എല്ലാമെ മുഡ്യു>> എന്ത് സൊന്നാ്.

അദ്‌ണാലെ ഇവാര് ഇനി റണ്ട് ആളല്ല, ഒന്റുത്തെ. അദ്‌ക്ക് സാമി ഒന്റാക്കിനാദ്‌ണ മന്‌സാര് പ്‌റ്‌ക്കാക്കില്ലെ>> എന്ത് സൊന്നാ്.

അദ്‌ക്ക് ഏസു: <<ദ്‌ട്ടിസിനവാ് ആദിലി അവാര്‌ണ <ആണ് പെ്ണ്ണ്‌മായി ദ്‌ട്ടിസിനാ്> എന്ത് എ്ള്‌ദിര്‌ക്കാദ്‌ണ ണിമ്മ പഡിത്ത് ണോഡാലേഗ? <അദ്‌ണാലെ ആമ്പ്‌ളെ അവ്വപ്പലണ തള്ളി പെ്ണ്ടോഡെ എജേവാ്. അച്ചെ അവാര് റണ്ട് ആള്‌മ് ഒന്റാവാര്> എന്ത്‌മ് സൊല്ലിര്‌ക്കാ്.

ആന ഏസു: <<അയ്യി മക്കഗണ എന്ന് പട്ട്‌ക്കെ ബര്യ ബ്‌ഡിരി. അവാര്‌ണ തഡ്‌ക്ക ബേ്ഡ. എന്ത്‌ക്കെന്റ അയ്യി മക്കഗണ പാസെ ഇര്‌ക്കവാര്‌ണാത്തെ സാമി ആള്‌റാദ്>> എന്ത് സൊന്നാ്.

ആന ഇപ്പ് ഉജാന്തവാരായിര്‌ക്കവാരിലി പല ആള്‌ഗാമ് താന്തവാര് ആവാര്. ഇപ്പ് താന്തവാരായിര്‌ക്കവാരിലി പല ആള്‌ഗാമ് ഉജാന്തവാര് ആവാര്.>>

എനാക്ക് ബേ്ണ്ടി സൊന്ത കൂരെകാഡ്‌ണാഗൊ, അണ്ണതമ്പിലണാഗൊ, അക്കതങ്കെലണാഗൊ, അവ്വപ്പാലണാഗൊ, മക്കമറിഗണാഗൊ തള്ള്യെക്ക്‌റ ഏവാന്‌ക്ക്‌മ് അദ്‌ഗെല്ല തള്ളി എക്കിനാദ്‌ക്ക് ബ്‌ഡ അളാവുക്ക് മീ്റി കെ്ഡേക്കു. അദ്‌താനെമല്ല എപ്പേക്ക്‌മ് ഇര്‌ക്ക പെ്ളേപ്പ്‌മ് കെ്ഡേക്കു.

അക്കുളെ ഏസു അവാന്‌ക്കെ: <<എല്ല ണല്ല ഗുണഗാമ് തുമ്പിര്‌ക്കവാ് ആയ ണീ ആസെപഡ്‌റദാനാക്കി ണീ പോയി ണിനാക്കിര്‌ക്ക സൊത്തുഗണെല്ല ബിറ്റ് ഒന്റുമ് ഇല്ലാത്തവാര്‌ക്ക് കൊഡു; അപ്പ് ണിനാക്ക് മോലോഗാത്തിലി സൊത്തു കെ്ഡേക്കു; അദ്‌ക്ക് പ്‌റ എന്ന് പിന്ന്‌ക്ക് ബാ>> എന്ത് സൊന്നാ്.

അക്കുളെ ഏസു അവാന്‌ക്കെ: <<ണീ എന്ത്‌ക്ക് ണല്ല കാര്യണ പറ്റി എനാണ കേ്ക്കാദ്? ണല്ലവാ് ഒരുത്താ് മാട്ട്‌റാത്തെ. എപ്പേക്ക്‌മ് ഇര്‌ക്ക പെ്ളേപ്പ് കെ്ഡേസ്യ ണീ ആസെപഡ്‌റദാനാക്കി സാമി ബെത്ത സട്ടപഡി ണഡാക്കുഡൊ>> എന്ത് സൊന്നാ്.

ഒരു പണക്കാറാ് സാമി ആള്‌റാദ്‌ക്ക് കെ്ട്ട്‌പട്ട് ഇര്‌ക്കാദ്‌ക്ക് ബ്‌ഡ സൂഞ്ചി ഓട്ടെ മേലെ ഒരു ഒട്ടഗ പുക്ക്‌റാദ് എത്തറ എ്ള്‌പ്പ എന്ത് ണാന് ണിമാക്കെ പിന്നേമ് സൊല്ലുറെ>> എന്ത് സൊന്നാ്.

ണാന് ണിമാക്കെ സൊല്ലുറെ, തന്ന് പെ്ണ്ട് ബേ്റെ ഒരുത്താന ബെത്ത് ണഡാക്കവാളായിര്‌ന്ത അവാണ ബ്‌ട്ടെക്കില. അയ്യി ദിന്‌സ് അല്ലാദെ തന്ന് പെ്ണ്ട്‌ണ ബ്‌ട്ടെക്കി ബേ്റെ ഒരുത്തിന എ്ഡ്‌ത്താക്കി അവാ് ബേസ്യാഡ്‌റാ്>> എന്ത് സൊന്നാ്.

അദ്‌ക്ക് പ്‌റ ഏസു തന്ന് സൊല്ലുപഡി ണഡാക്കവാര്‌ക്കെ: <<സാമി ആള്‌റാദ്‌ക്ക് കെ്ട്ട്‌പട്ട് ഇര്‌ക്കുഡൊ എങ്കാദ് ഒരു പണക്കാറാന്‌ക്ക് സെറ്റെ കഡ്‌പ്പത്തെ എന്ത് ണേര്‌മായിമ് ണാന് ണിമാക്കെ സൊല്ലുറെ.