Popularni biblijski stihovi od Génesis 27

Podijeli

Mʉ toaare Cohamacʉ coro waroca borojaro. Ã yoa mʉ toaa sehe noano du, bʉcʉa, payʉ dicha tichʉ yoajaro. Payʉ trigo ã yoa payʉ se co cʉ̃hʉre mʉhʉre cjʉachʉ yoajaro. Ã yoa jipihtia paye yahpari macainare duti yʉhdʉrʉcariro jiihca mʉhʉ. Mʉ ã duti yʉhdʉrʉcariro jichʉ, masa curuaripe macaina ño payoahca mʉhʉre. Mʉ coyea cʉ̃hʉre dutiriro jiihca. Mʉhʉre ñano yoaina Cohamacʉ to buhiri dahrehtina jiahca. Ã yoa mʉhʉre noano yoainare Cohamacʉ tinare noano yoa cahmanohca —ni sini payoha.

To ã nichʉ, Esaú õ sehe ni yʉhtiha: —¡Quihõno yʉ bahʉre “Jacobo” ni, pisuna niri jira mʉsa! ¡Mahñoa mehne mariro jira tiro! ¡Pʉa taha mehne yʉhʉre ã yoaro nina! Wahmanore masa wahmino jicʉ, yʉ ñahaborire yʉ bahʉ yʉhʉre mahre. Mipʉ sehere Cohamacʉ yʉhʉre to noano wahachʉ yoaborire mana. Mai, ¿yʉhʉ cʉ̃hʉre ne cʉ̃no mʉ sini payoboro mariaputiajari? —niha.

To ã tjuerachʉ ñʉno, Isaa sehe õ sehe niha tirore: —Noaa yahparire mʉ cõ yoaropʉ jiihca mʉhʉ. Mʉ ya yahparire ne coro tasi. Tuhsʉ, mʉ toaa cʉ̃hʉ noano bʉcʉasi. Paina mehne cahma wajãa, mʉ maa mehne catiihca mʉhʉ. Tuhsʉ, yoari pja mʉ bahʉ cahamacʉno jiihca mʉhʉ. Jima, pume, to cahamacʉno mʉ jiare wijaaihca mʉhʉ jʉna —niha tirore.

To ã nipachʉta, Esaú sehe ne tjuaeraha. Sinituha tjoa: —¿Paye mʉ yʉhʉre sini payoboa mariaputiajari? ¡Yʉhʉ cʉ̃hʉre sini payo curega! —nimaha. Ã ninota, tuaro sañurucu, tiiha tiro.