Popularni biblijski stihovi od متّی 19

Podijeli

یِسُوع اوہناں چَنگا ویکھ کے آکھیا بندیاں توں ایہہ گلّ اَنہونی اے۔ پر خُدا توں سبھ کُجھ ہوسکدا اے۔

ایس کر کے اوہ دو نا رہے پر اِک ای بدن نیں سو جِہنُوں خُدا نے جوڑیا اے اوہنوں بندہ وَکھ نا کرے۔

اوس اوہناں نُوں جواب دِتّا۔ تُساں نئیں پڑھیا پئی جِس اوہناں نُوں بنایا اوس اوہناں نُوں مُڈھوں نَر تے ناری پَیدا کِیتا۔ تے آکھیا ”ایس لئی بندہ اپنے ماں پئیو نُوں چھڈ دے گا تے اپنی بیوی نال مِلیا رہے گا۔ تے اوہ دوویں اِک بدن ہو جان گے۔“

پر یِسُوع آکھیا بچّیاں نُوں کُجھ نا آکھو تے نا اوہناں نُوں میرے کول آؤن توں روکو کیوں جو اسمان دی بادشاہی ایہو جِہیاں دی اے۔

پر بتھیرے جیہڑے پِچّھلے نیں پہلے ہون گے۔ تے پہلے پِچّھلے ہون گے۔

تے جِنہاں گھراں یا بھراواں یا بھیناں یا ماپیاں یا بال بچّیاں یا زمین نُوں میرے ناں دی خاطر چھڈ دِتّا اے اوہنوں سَو حِصّے وَدّھ مِلے گا۔ تے اوہ ہمیشہ دی زِندگی دا وارث ہوئے گا۔

یِسُوع نے اوہنوں آکھیا جے تُوں کامِل ہونا چاہنا ایں تے جا کے اپنا سبھ کُجھ ویچ تے غرِیباں نُوں دے تے تینُوں اسمان اُتّے خزانہ مِلے گا۔ تَد آ کے میرے مگر ٹُر پَو۔

اوس اوہنوں آکھیا بھلیائی دی بابت مَیتھوں کیوں پُچھنا ایں؟ بھلا تے اِک ای اے۔ پر جے تُوں زِندگی وِچ داخل ہونا چاہنا ایں۔ تے حُکماں نُوں مَن۔

تے فیر مَیں تُہانوں آکھنا آں پئی سُوئی دے نکّے وِچوں اُوٹھ دا لنگھناں ایس نالوں سوکھالا اے پئی دَولتمند بندہ خُدا دی بادشاہی وِچ داخل ہوئے۔

تے مَیں تُہانوں آکھنا آں پئی جیہڑا کوئی اپنی بیوی نُوں زناکاری دے سِوا ہور کِسے گلّ بدلے چھڈ دیوے تے دُوجی نال ویاہ کرے اوہ زنا کر دا اے تے جیہڑا اوس چھڈی ہوئی نُوں ویاہے اوہ زنا کر دا اے۔

تَد یِسُوع اپنے شاگِرداں نُوں آکھیا مَیں تُہانوں سَچ آکھنا آں پئی دَولتمند بندہ اسمان دی بادشاہی وِچ مُشکل نال داخل ہوئے گا۔