Popularni biblijski stihovi od Yohanes 1

Podijeli

Jengga afwer Jei mes ne tebana, jei mes ne tebana waakenfer. Jei angtane jeiserem ga balbabili, “Aamei angtane Uwa Sanbagirmanf isa gwena.”

Gwanan-gwanansus jes jepserem, nalef ogiri aaiserem jam eyebayan, Taterisi Uwa Sanbagirmana Jei maa, gwanan. Taterisi Uwa Sanbagirmana Jei Uwa Sanbagirfar ge nwin, ane Taterisi Uwa Sanbagirmana Jeiba Uwa Sanbagirsam.

Nafa jeiserem gwini ga jei nafola, ane gwini jam motolsiyen nafa jeiserem.

Taterisi Uwa Sanbagirmana Jei angtanef etamwenant, ane Jei nebar neya nwini. Nei baabeta Jemna nemsa domolbana, aam temawer Tane Uwa Sanbagirmana Jeiba Jenfentowayam, ane Uwa Sanbagiri Jeiba Jem Jetam. Jei waakena Jelemanaiserem angtanef golmini, ane Jei angtanes towas-towastababili taterisi seyafter Uwa Sanbagirmana bunarsusfer jeiserem.

Uwa Sanbagiri Jei Jes baftal seyafter gam eyebaabif. Apgal jigala afa Jam orolyan. Gwela angtanefe Jeyam golmini, ane gwela jeiserem jeiba nafa gamserem angtanefe.

Jem gwirmer ga Yohanes jei Yesus ga damtana Jama fortyaram. Ane ga balbabili, “Gasa damta, Domba Tane Uwa Sanbagirmana Jei Jam fortya! Jei etam-etama kapka angtane ogirmanaiserem Jei gam wirulmif.

Yesus Jeiba Taterisi Uwa Sanbagirmana, ane Uwa Sanbagiri Jei Yesus baftannul enggalfe ogiri gam eyebaf. Ogiri aaiserem Jam eyebalabe taban, Jei ogiri aaiserem jep ga fortyant. Jei aa galap fortyantam, angtane ogiri aaiserem jam ge towaswebiyen Angtane jeiserem Jei nansa. Jei Jelem tamnabam fortya, jengga anggwabura Jelemana jam ne tebayan.

Nafa bunarsusfer jeiserem Jeiba Yesusam, ane Jei angtane seyafter gemerserem ini jemna ga jei naftabaipmini. Nunu Jena aa jem gwertanaram angtane ogirmanaiserem jemnibe, nunu jeiserem mes gwetmanswel.

Hukumu Uwa Sanbagiri aa jes bilim, Nabi Musa ga tulistababil ane asal-asala amnaiserem jep ga towas-towasulmil. Jengga Yesus Kristus enggalf fortyant nes gam ge saamisif enggame Uwa Sanbagiri Jei waakena Jelemanaiserem angtanefe mesam golmini. Ane Jeiba nes mes towas-towastababili taterisi seyafter Uwa Sanbagirmana jeiba bunaram.