Popularni biblijski stihovi od Bar 6

Podijeli

Habwokuba empeera y'ebibi, nukwo kufa; baitu ekisembo Ruhanga eki agabira busa, nubwo bwomeezi obutahwaho omu Kristo Yesu MUKAMA waitu.

Ebibi tibiribalema, habwokuba timurukulemwa Biragiro, baitu nimulemwa embabazi za Ruhanga.

Habweki obu twabatiziibwe tukafa, twaziikwa hamu nawe; nukwo Kristo nkooku yahumbwirwe omu bafu habw'ekitiinisa kya Ise, na itwe tusobole okugendera omu bwomeezi obuhyaka.

Engingo ez'emibiri yanyu mutaziikiriza kukora ebibi, mukaifoora bintu eby'okubakoza ebibi, baitu mwehe Ruhanga nk'abantu abaihirwe omu kufa, baataahibwa omu bwomeezi; kandi engingo zanyu muzihe Ruhanga nk'ebintu eby'okubakoza ebirungi.

Tumanyire engeso zaitu eza ira nkooku zaabambirwe hamu nawe ha musaraba, nukwo omubiri ogukora ebibi guhwerekerre; na itwe tuleke kugaruka kulemwa ebibi obundi.

Nukwo na inywe mwebale nk'abaarugire omu bibi, kandi abarukwomeera omu Ruhanga habwa Kristo Yesu.

Hati tugambe ki? Twikale nitusiisa, nukwo embabazi za Ruhanga ikanye? Nikikafuuhe! Itwe abaarugire mu bibi tusobora tuta kugaruka kubiikaramu?

Kinu nakyo timurukukimanya? Kakuba nimweha omuntu nk'abairu abahurra, muba kwo bairu b'ogu ou muhurra: rundi bairu b'ekibi ekitwara omu kufa, rundi bairu b'obuhulizi obuhikya ha kwezibwa.

Baitu Ruhanga asiimwe, habwokuba inywe, ira abakaba bali bairu b'ekibi, hati mufookere bahulizi n'omutima gwona, mwahika ha rulengo orw'enyegesa ei mwahairwe, kandi obu mwaihirwe omu bibi, mwaffoka bairu b'obuhikiriire.