Popularni biblijski stihovi od Bar 14

Podijeli

Habwokuba obukama bwa Ruhanga tibiri byokulya rundi byokunywa, baitu nukwo okuhikirra, okuteekaana, n'okusemererwa oku tuheebwa Mwoyo Ahikiriire. Ogu anyakuheereza ati Kristo, nuwe asemeza Ruhanga kandi asiimwa abantu.

Obu twomeera, twomeezibwa MUKAMA; kandi obu tufa, nabwo tufeera MUKAMA. Nukwo nu, obu twomeera rundi tufa, tuli ba MUKAMA.

Hati nu, ka twekambire ebireeta obusinge n'ebirukwombeka ekitebe ky'abaikiriza.

Habweki, tutongera kucwerangana emisango, baitu tucwemu kutagaruka kuleetera mugenzi waitu ekyesiitazo rundi ekindi kyona ekirukwekiika omu muhanda gwe.

nkooku kyahandiikirwe kiti: “Mukama agamba ati: Ninyowe Atahwaho, kandi buli muntu alinteereza amaju, orulimi rwa buli omu rulihaisaniza Ruhanga.” Habweki, buli omu omuli itwe alyetonganirra hali Ruhanga.

Omuntu ow'okwikiriza okuke mumutangirre, baitu mutarukuteezangana empaka ha biteekerezo bye.

Niiwe oha arukucwera omuheereza w'ondi omusango? Obu araaba naayemerra rundi naagwa, nikimanywa mukama we wenka. Kandi alikwatirirwa, habwokuba mukama we aina obusobozi obw'okumwemereza.