Popularni biblijski stihovi od Bar 1

Podijeli

Kandi nyowe, Amakuru Amarungi tindukugakwatirwa nsoni: nugo maani ga Ruhanga aganyakujuna weena arukwikiriza, okubandiza ha Bayudaaya okuhika na ha Bagiriiki.

Habwokuba omu Makuru Amarungi omu, nuho harukusuukulirwa obuhikiriire oburuga hali Ruhanga, oburaba omu kwikiriza kandi nibuheebwa abarukwikiriza; nkooku kyahandiikirwe kiti: “Ogu anyakuhikiriire alyomeera habw'okwikiriza.”

Okuruga ha kuhangwa kw'ensi, omulingo gwe ogutarorwa, nubwo busobozi bwe obutahwaho hamu n'obwaruhanga bwe, byetegererezibwa omu bintu ebi yahangire. Nahabweki tibaina ky'okwekwasa kyona.

Noobu baraaba baamanyire Ruhanga, baitu batamutemu kitiinisa kandi batamusiime nkooku asemeriire. Ebiteekerezo byabo bikabahabisa kandi amagezi gaabo agaturumu gaswekererwa omwirima.

Ningira bakaleka amazima agarukumanyisa Ruhanga baatamu ebisuba, baaramya kandi baaheereza ebihangwa okukira Omuhangi, anyakuheebwa ekitiinisa ebiro byona! Amiina.

Obukaya bwa Ruhanga butandikire kuzooka niburuga omwiguru, nibuhikaho abantu abatatiina Ruhanga kandi ababi ababuutikira amazima habw'obubi bwabo.

Nikyo Ruhanga yabalekiire balemwe okwegomba okurukuswaza. Bakazi baabo bakaleka emibiri yabo eki yahangiirwe, baagikoza eki etarahangiirwe. Abasaija nabo bakaleka kuteerana n'abakazi baatandika kwanjukiranganaho, nibakora ebikorwa eby'obuhemu n'abasaija bataahi baabo, baayereetera bonka ekifubiro ekisemeriire obugwagwa bwabo. Habw'okwanga kwikiriza Ruhanga, nikyo nawe yabalekiire baikale n'omutima oguramaire n'engeso ez'obugwagwa.

Abaayeyesire abanyamagezi, nubo bafookere badoma. Bakaleka kuramya Ruhanga atafa, baatandika okuramya ebisisani ebirukusisana abantu abafa, rundi ebinyonyi, rundi ebisoro, rundi ebyekurra.