Popularni biblijski stihovi od Yoa. 1

Podijeli

Nai ŋulu daadaŋ apotu kijaut iŋes, tonupa ekiro keŋ, abu iŋes inak ikes apedor ŋina ruworet ŋidwe ŋulu ka Akuj.

Anakisyakinet, ayai Akirot; arukito Akirot ka Akuj, arae Akirot Akuj.

Ecai akica ŋin anakiryonut, nai nyilouna akiryonut akica.

Bu Akirot toruwor ituŋanan, oruko ka isua. Aanyun isua apolou keŋ, apolou ŋina aryamuni iŋes aneni ka Akuj Papa ikwapei Lokoku keŋ ŋolo donupei ka eleleba neni keŋ ajokis ka ŋuna a kire.

Abu Akuj tosub ŋiboro daadaŋ aneni keŋ; kerae tomam iŋes, pa kesubunitae idiobore. Ayai akiyar daadaŋ neni keŋ, arae akiyar ŋin akica aŋuna a ŋituŋa.

Akoloŋit ŋina atupakini ŋin, kiŋolik Yoana ebunit Yesu neni keŋ, ido tolimu tema, “Kiŋolikisi Imesek ŋini ka Akuj, ŋini elemari asecit ŋina ka akwap.

Ayai Akirot nakwap, tosub Akuj akwap aneni keŋ, nai nyeyenuna akwap iŋes. Abu iŋes bu lore keŋ, nai apotu ŋituŋa keŋ nyijaut iŋes.

Akirot iŋes arae akica ŋina a kire, ŋina abuni nakwap acaikin ŋituŋa daadaŋ.

Abu Akuj ikiinak iwon Ŋikisila kisitoru neni a Moses, nai ajokis keŋ ka ŋuna a kire, isitorunit neni a Yesu Kristo.