Popularni biblijski stihovi od Markus 11

Podijeli

So itu Kita bilang pa ngoni, apa jo tu ngoni minta pa Tuhan, ngoni percaya jo kalu tu ngoni da minta itu ngoni so trima, kong itu pasti ngoni mo dapa.

Kita bilang pa ngoni, sapa jo yang prenta pa ni gunung, ‘Taangka jo kong talempar ka dalam laut!’ kalu de pe hati nyanda ragu-ragu kong percaya apa tu dia da minta mo jadi, itu pasti mo jadi.

Kalu ngoni badiri for basombayang kong ngoni pe hati nyanda snang pa orang yang da beking sala pa ngoni, ngoni kase ampung jo dulu tu orang itu. Deng bagitu lei ngoni pe Bapa lei di sorga mo kase ampung pa ngoni.” [

Kong Yesus manyao pa dorang, “Ngoni musti percaya pa Tuhan Allah.

Kong Dia kase ajar pa dorang, “Di Kitab Suci ada tatulis bagini, ‘Kita pe ruma orang mo bilang tampa basombayang for samua suku bangsa.’ Mar ngoni so beking jadi tampa batipu orang!”

Ada orang-orang yang bajalang di muka pa Yesus kong tu laeng baiko dari blakang, kong dorang puji pa Dia deng suara kuat, “Hosana! Puji jo pa Dia yang da datang dalam nama Tuhan.

Puji jo pa Dia yang mo jadi Raja, kong berkuasa sama deng raja Daud tu torang pe nene moyang. Hosana! Puji jo pa Dia yang ada di tampa mahatinggi!”