Popularni biblijski stihovi od Lir. 9

Podijeli

Mala Wele aloma ali, “Sino sili simanyisio sie endakaano niyo ndikho khola akari wase ne nanywe nende buli sibuumbe sie bulamu sili ne nanywe. Endakaano yino eli eye chiselukho chichiicha choosi: ndikho ndao lufutu mu maleesi ne lulaba simanyisio sie endakaano akari wase ne sibala.

Nga lufutu ne luliba mu mafuumbi, khalulole mala khebulile endakaano eya mindali na mindali akari wase nende buli siindu sie bulamu sili khu sibala.”

Buli omundu ochukha sifuki sio mundu aliirwa no omundu, sikila Wele abuumba omundu mu fwaani yewe.

Nio Wele abiita Noa ne babaana bewe chikhabi, mala aloma ali, “Saala babaana mukuche, mwichule khu sibala.

Buli sisiindu silamu sikeenda silaba siakhulia sienywe. Nga namuelesia bimelwa, namuele bibiindu bioosi.

Buli esaang'i ne solo eli khu sibala, buli enyuni, buli siindu sioosi simoola khu sibala, ne ching'eeni choosi, biareerwe asi we bunyali bwenywe. Bilamuria mala mulaba ne bunyali khu nibio.

Ne enywe saalana mukuche. Mube ne babaana bakali mala mukuche khu sibala.”