Popular Bible Verses from मत्ती 7

Podijeli

“फरी ब तोबो है ङादाचिज़्‍या, परमेस्‍वरस जेऩिकिन जेलाई यान्‍या ज़ ले, जेखिम्‍किन दैन्‍या ज़ जेले, य़ाम कोतो कोतो जेजैकिन जेजूँनी फैसिन्‍या ले।

जोए ऩिज़्‍याव होलाई यान्‍या ले, जोए खिम्‍ज़्‍याव होए दैन्‍या ले, जोए कोतो कोतो जैज़्‍याव होए उजूँनी फैसिन्‍या ले।

“है जैद जोए आव ङापाँ थैद दोज़्‍याव, नो तोबो ओगहक ल्‍यो मिँए झ़िम ओजैक पतालल लुँ तर्त गज ओथाँज़्‍याव स्‍यासो लिज़्‍या।

है जैद जे छुतए ल्‍योनी किताव जेपैंज़्‍या, जे ब छुतए ल्‍योदा हितावनी ज़ दोचिके। मोसाए ओकानुन स़ोनो अगमबक्ताराए यासरो ब नत ज़ तुपिज़्‍या।”

खाली अजम्‍बरी जुनीदा बान्‍या येम स़ोनो य़ाम चूव, धो पसिउ ओतावए नो येमल बान्‍यार छ्या ज़ ताज़्‍यार।”

“चूव य़ामनी ज़ पसिच्‍यो। नासदा बान्‍या येम ते राँव, पसिन्‍या य़ाम ब बनै वैःव लिज़्‍या। नो येमनी बाज़्‍यावर बनै कुधु ज़ लिज़्‍यार।

है जैद जे निताव पापल लिज़्‍याव मिँराए जेज़ारालाई निताव चाव चाव यान्‍या जेसैंकिन, स्‍वर्गताव जेबाबुए झन ओलस जेऩिकिन चाव चाव कै जैद मायाचिउके?

“जे अर्काए ओखत पले·द ताएच्‍यो, म़ानी परमेस्‍वरए जे जेखत ब पले·द्यान्‍या ले। जे छुतलाई कितावनी जेथ·रैज़्‍या, जे मनी हितावनी ज़ जेथ॰रिरिज़्‍या। स़ोनो किताव गोइँनी जेगोइँज़्या, जे मनी हिताव गोइँनी ज़ दैन्‍या जेले।

हो मिताव ज़ जोए आव ङापाँर थैद ओमादोकिन तोबो ओगहक माल्‍यो मिँए झ़िम ओजैक बालुवा तर्त ओजैव स्‍यासो ज़ लिज़्‍या।

फरी कै जैद ननैंए उमीलाव तकेज़ा सींका नरँःज़्‍याव, नँ नमीलाव नाःल्‍दिउ मुँदा ताकितर नमारँःज़्‍याव? नमीलाव नाःल्‍दिउ मुँदा लिज़्‍यावत कै जैद ननैंलाई, ‘नमीलाव सींका हाइद ङाईं’ है नदोधुरिज़्‍याव?

“परमेस्‍वरए ओपाँ बले·द तँनी पैज़्‍यावराए ल्‍योनी जोगोइसिद लिच्‍यो। नोर पाखात बगाललाव बेधा स्‍यासोर जैसिज़्‍यार, यायुँल ते छे छे ङम्‍सिउ प़र स्‍यासोर लिज़्‍यार। किताव सींरालाई यासैनी जेरासरेस्‍ज़्‍या, हिताव ज़ नोरालाई मनी याय़ेननी ज़ सरेस्‍न्‍या जेले। कारज़ुत जोम्‍परसै मासैए, ज़ुसैत कोराली ब मासैए।

हिताव ज़ चाव सींए चाव सै ज़ झाःज़्याव, माचाव सींए माचाव सै ज़ झाःज़्याव।

फरी चाव सींए माचाव सै माझाःव, माचाव सींए चाव सै ब माझाःव।

जो सींए चाव सै माझाःव नो सीं पल्‍द मेंःल ख्‍यान्‍या वाज़ ताज़्‍या।