Popularni biblijski stihovi od Ala Kalɔ Buse 32

Podijeli

Amu na ɔnana ɔmmɔ ɔ́su Yakob ɔnini, “Asɔ aladi lɛnyi anii Yakob. Mmomu bekyuli badubɔlɔ-ɔ banii Israel, ɔsika énye asiaku Unwoti Katɔti ku bekyuli na ádi lɛlɔ.”

Mmɔ na ɔnana ɔmmɔ ɔ́su Yakob ɔnini, “Ya na nteesie, ɔsika kadi kéegye.” Ka ɔ́su-nwu lɛni ni, Yakob lɛnɔ udie kenye ɔnini, “Lɛɛɛdubo-ɔ kuƒi bute amu ntu éte-mi kusɛ kusɛ.”

Ɔƒɛni Yakob lɛti kani nébu na ketu ɔvi ɔmɛni. Mmɔ na ɔnana ɔdi úbo úbekpoku-nwu laa útédu ka kadi kégye.

Ɔmmɔ ɔsu ni, Yakob ɔ́sia mmɔ lɛnyi ɔnii Peniel, na ɔ́su ɔnini, “Lɛ́sia mɛni lɛnyi lɛni, ɔsika lɛ́nu Unwoti Katɔti anumi ku anumi na útayila-mi ngba.”

Ka ɔnana ɔmmɔ ɔɔɔdaku tɔ Yakob lɛlɔ bɔkana bɔdi ni, ɔ́wɔ Yakob kasɔma likubi na líkpeli.

Amu na ɔnana ɔmmɔ úye-nwu ɔnini, “Dɛ na baalɔ-ɔ?” Mmɔ na Yakob údie kenye ɔnini, “Ami baalɔ Yakob.”

Mmɔ ni, Yakob ɔ́su ɔnini, “Buvele, lɔ ƒula lɛnyi te-mi.” Nsu ɔnana ɔmmɔ úye-nwu ɔnini, “Bɔsu na ada anii aaagyi ukyuli ɔni mɔɔtɛmiku-ɔ?” Na mmɔ ni, úte-nwu kusɛ kusɛ na kesii kani na benye mmɔ.

Ńtamanku ƒula lɛƒɔndia lɛni na aabla-mi ku kalɛ na aadi ƒula etemila lɛlɔ teete ami ƒula kabla ɔblane. Mina ugyii ɔdadi kani nkya-mi kɔnu uwi ɔni na lɛ́via Yordan Ketu kamɛni. Na ɔƒaani ni, mina kaduli bekyuli lɛti pɛ bubo esu akpa anyɔ.

Ɔmmɔ ɔsu ni, Israel kadi bekyuli balákun bebuo kasɔma likubi lɛna kpɛtɛ kpɛtɛ lɛni mma-nwu lɛlɔ mmɔ. Ɔsika mmɔ geen nékpeli Yakob mmɔ.

Ɔmmɔ kama ni, Yakob ɔ́kpali katɔ na úvele ɔnini, “O mina Unwoti, Abraham Katɔti ku Isak Katɔti, awɔ ɔni násu-mi anini, ‘Nwini na eteesie ƒula kalɔ lɛlɔ ku ƒula lɛlɔ bekyuli kudɔ na ndubɔya na enu ku akɔkɔ eyi-ɔ.’

Muuvele-ɔ nnii die-mi na lɛlɛ sɛɛn na mina ɔnwani Esau enu kemmo. Ɔsika mɔɔyia ka ɔdubo bɔta na ubekpoku-mi ku mina beleku ku bana bebi.