Popularni biblijski stihovi od Ala Kalɔ Buse 27

Podijeli

Muuvele Unwoti Katɔti nnii nwuna katɔ kusɛ kusɛ uwi-ɔ lɛlɔ aani amii, na ute-ɔ kalɔ kani nélie lɛmwi. Na akɛ edula pii ku ntɛ bɔwɔdi. Na kadi bekyuli ƒui benwini ƒula kabla bablane. Na bekyuli ƒui bakya-a lili kalɔ na adi ƒula banwani ƒui lɛlɔ. Na ƒ'ini bebi bananabi ƒui bakya-a lili kalɔ. Na bekyuli bani mewida-a ƒui ni, ewida asiaku-ma. Na bani mete-ɔ kusɛ kusɛ ni, kusɛ kusɛ ɔsiaku-ma.”

Amu na Esau ɔ́su ɔnini, “Ɔɔɔdi keeke na baalɔ-nwu banii Yakob ɔni kalɔ ndi ala bukpeli taaƒɔ. Ɔ́tɔlɔ-mi kunyɔ kɔmɛni ƒui. Ɔ́ƒɔ-mi lɛwɔnengu. Na ɔ́sɔ ɔ́ƒɔ-mi kusɛ kusɛ.” Na ɔmmɔ kama ni, úye ɔti ɔnini, “Anwuɔsu étebu kusɛ kusɛ ɔmmɔ ɔdi étese ami anwu?”

Ka uuwulo lɛni ni, ɔti Isak ɔ́su-nwu ɔnini, “Awɔ aaadubo lɛkɛ lɛdi bɔbla. Na adubo bɔgyunku kalɔ kabuni kani lɛlɔ na Katɔti kusɛ kusɛ ɔɔyu teewi aani amii kalɛ lɛlɔ. Na awɔ ɔlati ƒula ɔkɛɛ na adubo bɔda asa na akɛ adi. Na ƒula ɔnwani kabla na adubo bɔbla. Nsu si uwi ɔni na nwuna ala asɔ eleduku-ɔ ni, adubɔlɛ nwuna kabla kalɔ aani kalɛ baada lɛla lɛni nényimi-ɔ teedie limɔ.”

Amu na Esau úye ɔti ɔnini, “Amu kunwi pɛ kani na adubɔkana ƒula kusɛ kusɛ bute? Ati, te ami lɛnɔ kusɛ kusɛ.” Ka ɔ́su ɔmɛni ɔ́wɔlɔ anwu kani na úse kalɔ uuwulo momoomo.