Popularni biblijski stihovi od KENESE, 9

Podijeli

Ua fetalai atu foi le Atua, O le faailoga lenei o le feagaiga ou te faia ma outou, atoa ma mea ola uma o ia te outou, e autupulaga lava; ua ou tuuina la‘u nuanua i le ao, e fai ma faailoga o le feagaiga a le lalolagi ma a‘u.

E i ai foi le nuanua i le ao, ou te vaai foi i ai, e manatua ai le feagaiga e faavavau ua osia e a‘u o le Atua ma mea ola eseese uma lava o i le lalolagi.

O se na te faamaligiina le toto o le tagata, e faamaligiina lona lava toto e le tagata; auā o le faatusa o le Atua na fai ai e ia le tagata.

Ua faamanuia atu e le Atua ia Noa ma ona atalii, ma ua faapea atu ia te i latou, Ia outou fanafanau, ma ia uluola, ma ia tumu le lalolagi ia te outou.

O mea ola uma e feoai, e a outou ia e fai ma mea e ‘ai; ua ou foaiina atu ma outou o mea uma, e pei o laau afu e tupu lauolaola.

O le mata‘u ia te outou ma le fefe ia te outou e oo i manu vaefa uma o le lalolagi, ma manu felelei uma, ma mea uma e feoai i le eleele, atoa ma i‘a uma o le sami; ua tuuina atu ia i o outou lima.

O outou foi, ia outou fanafanau, ma ia outou uluola; ia outou tuputupulaiina i le lalolagi, ma ia outou uluola ai.