Popularni biblijski stihovi od Маттэ 4

Podijeli

– Тхьэм игущыӀэ тхыгъэхэм арыт, – къыӀожьыгъ Исус, – «Хьалыгъу закъор арэп цӀыфыр зэрэпсэущтыр, сыдрэ гущыӀэу Тхьэм ыжэ къыдэкӀырэри ары нахь».

– Сауж икӀ, шэйтан! – риӀожьыгъ Исус. – Сыда пӀомэ, Тхьэм игущыӀэ тхыгъэхэм арыт: «Зиусхьанэу уи Тхьэ бгъэлъапӀэзэ, ащ изакъоу уфэлэжьэн фае».

– Моущтэуи Тхьэм игущыӀэ тхыгъэхэм арыт, – риӀожьыгъ Исус, – «Зиусхьанэу уи Тхьэ умыушэты».

Джащыгъум Тхьэм ы Псэ ЛъапӀэ Исус шъоф нэкӀым ыщагъ. Тхьэм ы Псэ ЛъапӀэ Исус ащ зыкӀищагъэр шэйтаныр Исус псэкӀод ригъэшӀэным ыуж итыныр ары. Исус мэфэ тӀокӀитӀурэ чэщ тӀокӀитӀурэ зенэкӀ ужым, лъэшэу къэмэлэкӀагъ.

Исус ахэмэ ариӀуагъ: – Сауж шъукъырыкӀу. Пцэжъые къэшъуубытыным ыуж шъузэритыгъэм фэдэу, цӀыфхэр сигъогу къытежъугъэхьанхэм шъузэрэхэтыщтыр шъозгъэшӀэщт. Ахэмэ а гущыӀэхэр зэрэзэхахэу, яхъытыухэр къагъанэхи, Исус ыуж ихьагъэх.

А лъэхъаным къыщегъэжьагъэу Исус Тхьэм игущыӀэхэр цӀыфхэм аригъэӀухэу къыублагъ: – ШъуипсэкӀодшӀагъэхэм шъуафыкӀэгъожь, сыда пӀомэ, Тхьэу уашъом щыӀэм и Тетыгъошхо къэблэгъагъ.