Popularni biblijski stihovi od MAREKO 5

Podijeli

Iesu ia gwau, “Lauegu natuna, oiemu abidadama dainai, mauri oi davaria vadaeni, oi lao mai maino danu, bona oiemu gorere do oi davaria lou lasi.”

Taunimanima edia huanai be hahine ta. Inai hahine ia gorere lagani 12, iena gorere be rara moru. Muramura taudia momo ese iena gorere idia hanamoa gwauraia, to idia be hegeregere lasi. Iena moni bona kohu ia negea ore, to iena gorere be ia bada noho.

Nega tamona rara gorere ia doko, hahine sibona ena lalona dekenai ia diba iena gorere ia ore.

Iesu ese kekeni ena imana ia abia, ia hereva henia, ia gwau, “Talita kumi,” (anina be, “Kekeni e, oi toreisi”).

Ia hereva noho neganai, dubu lohia tauna ena taudia haida be iena ruma dekena amo idia mai. Dubu lohia dekenai idia hamaoroa, idia gwau, “Oiemu natuna ia mase vadaeni. Badina dahaka hadibaia tauna dekenai oi noinoi noho?” To edia hereva Iesu ia kamonai neganai, ia hereva dubu lohia dekenai, ia gwau, “Oi gari lasi, oi abidadama henia sibona.”

Badina Iesu ia hereva guna, ia gwau, “Vadaeni, lauma dikana e, inai tau oi rakatania, oi lao!” Bona Iesu ia gwau, “Oiemu ladana be daika?” Ia haere henia, “Lauegu ladana be Hutuma, badina ai be momo herea.”