Popularni biblijski stihovi od MAREKO 14

Podijeli

Ia gwau, “Aba, Tamagu, gau ibounai oi karaia diba, inai kapusi lau dekena amo oi abia lao, to egu ura oi karaia lasi, oiemu ura sibona mo do oi karaia.”

Umui naria, umui guriguri, dika ese umui ia abia garina. Lauma ia ura goada, to tauanina ia manokamanoka.”

Momokani lau hamaoroa umui, tanobada ena kahana ibounai dekenai inai Sivarai Namona do idia haroro karaia, bona inai hahine ena kara danu do idia gwauraia, bona iena kara do idia laloatao.”

Ia hereva idia dekenai, “Lauegu lauma be ia hisihisi bada, mase bamona, umui noho iniseni, bona naria noho.”

Aniani idia ania neganai, Iesu ese paraoa ia abia, ia guriguri, Dirava dekenai ia tanikiu henia, ia makohia, idia dekenai ia henia, ia gwau, “Umui abia, lauegu tauanina be inai.”

Kapusi ia abia, ia tanikiu henia, ia henia idia dekenai, idia ibounai idia inua. Idia dekenai ia hamaoroa, ia gwau, “Lauegu rarana be inai, taravatu matamata ena rarana, ia bubua taunimanima momo dainai.

Iesu ese idia dekenai ia hereva henia, ia gwau, “Umui ibounai, emui abidadama lau dekenai do umui rakatania, badina inai bamona Buka Helaga ia torea vadaeni: ‘Mamoe naria tauna lau alaia neganai, mamoe do idia heau kava.’

Umui toreisi, ita lao, ia ese lau ia samania tauna be kahirakahira!”

Iesu ia haere henia, “Momokani lau hamaoroa oi, hari hanuaboi, kokoroku nega rua ia do boiboi lasi, nega toi do oi hereva, oi diba lasi lau.”