Popularni biblijski stihovi od LUK 7

Podijeli

Nam veve lawego, nge u tabeau liu. Mo vosangie ve a nona galegaleasi teri nau lei vohoginire denie beno. A tangaloi ngehi nam lai vohogi na nona galegaleasi biti, a nona tabeana vin biti vage.” Vunu i Jisas mo veve lawe na vavine hi vena, “Nau ladovohogi na nomu galegaleasi beno.”

Nge i Jisas mo veve lawe na vavine hi vena, “A nomu ladohogo u vagamwasoigo. Gon mule lo tamwata.”

Lune i Jisas mo toga sarosaro huri vena gagani, a vavine hi mo vomai mo labe lobei karune, mo ngara, siu a nona tinengi mo tiri sulo karui Jisas. Siu mo olo hivo, mo mangi vohoginie gena vulune, mo sunguni na karui Jisas, mo lingi na vurei bonbon hi lune.

Ko vage nam lado ve na he tatarise tea ve nain vomai lobemu. Nge gon hora na leomu hogosie ko a noku mwalakelo vin mwaso ginie. Huri ineu vage, nam toga lo vavara tangaloi ram hako huireana goroau, ko ineu nam hako huireana gorora noku soldia. Nam horae gatagale denire vena, ‘!Gon vano!’ ko mo vano. Ko nam warea tuegi vena, ‘!Gon vomai!’ ko mo vomai. Ko nam hora na noku tangaloi tabanagi vena, ‘!Gon vaie ngaha!’ ko mo vaie.” Lune i Jisas mo rongo ngerehi, nge mo garigi huri. Siu mo talele dori mo veve lawera sinobu ngerehi ram tu tagu, mo veve vena, “Nam veve lawe gimiu vena, nahe haqe ihine tea a Israel mena ladohogo lawua mwere ngaha.”

Lo tarogi ngehi, i Jisas mo bei vagamwasoi na tangaloi mo sao, hi rau sege, ngerehi a segeana asi u veire, ko ngerehi a vui esi lure, vage u veire matadodo rau sao ram leo taligu. Nge mo duvi lawe na gaihora noi Jon mo veve lawera vena, “Nero vano taligu nero veve lawe Jon a hava gineu neru leo ko neru rongo: ira matadodo ram leo, ira lukuluku ram dige, ira vohavono ram mwasara, ira qerovono ram rongo, ira mate ram mwaso, ko nam laqagi na Roro Garea lawera mahogi.