Popularni biblijski stihovi od Mataio 10

Podijeli

“ ‘Ou te ‘auina atu nei ‘outou e pei o mamoe e lotolotoi i le vā o luko. O lea, ‘ia ‘outou atamamai e pei o gata, ma fifilemū e pei o lupe.

O le tagata e sā‘ilia mea mo lona lava ola, e maumau lona ola, a o le tagata na te fa‘amaumauina lona ola ‘ona o a‘u, e maua e ia.

‘Aua ne‘i ‘outou matata‘u i ē e fasiotia le tino ‘ae lē mafaia e i latou ‘ona fasioti le agaga; a ‘ia ‘outou matata‘u i lē na te mafaia ‘ona fa‘aumatia le agaga ‘atoa ma le tino i Kena.

O le tagata e lē amoina lona lava satauro ma fa‘aa‘oa‘o mai ‘iā te a‘u, e lē aogā lava o ia mo a‘u.

“O lea, so‘o se tagata na te ta‘utinoina atu a‘u i luma o tagata, ‘ou te ta‘utinoina fo‘i o ia i luma o lo‘u Tamā i le lagi. A o le tagata na te fa‘afitia a‘u i luma o tagata, ‘ou te fa‘afitia fo‘i o ia i luma o lo‘u Tamā i le lagi.

Fa‘amālōlō tagata mama‘i ma tagata lepela, ma fa‘aola tagata ‘ua oti, ma tuli ‘ese temoni ‘ua uluitino i tagata. O mea na ‘ua ‘outou maua fua, ‘ia ‘outou foa‘ifuaina atu.

‘Aua la tou te matata‘u; auā e sili atu le tāua o le tagata e to‘atasi i lo manu iti e tele.

“ ‘Aua ne‘i ‘outou manatu ‘ua ‘ou sau e aumai le filemū i le lalolagi; ‘ou te le‘i sau e aumai le filemū, a o le pelu.