Popularni biblijski stihovi od Mateo 21

Podijeli

Emun edsarig kew te Megbevayà, ke ed-ampù kew, egkezawat niw is ebuyuen niw.”

Ne midtavak si Jesus te, “Tipig̵i niw heini ziyà te isip niw he ke edsarig kew te Megbevayà te kenà duwazuwa, egkehimu niw heini is midhimu ku kayi te kayu he igira. Ne kenà kayi zà taman su minsan pa ke ekeg̵iyan niw heeyan is buntud te, ‘Med-awè ka keniyan ne agbur ka ziyà te zag̵at,’ ne ebpemineg̵en kew zin.

Ne mezakel he menge etew is midhuna ki Jesus, ne mezakel zaan is ebpemeninundug kandin, ne ke sikandan is ebpemengulahì te, “Edtehuzen tew is kevuwazan ni Hadì David. Delig̵a is nekeuma he midsug̵ù te Nengazen. Sikiyu is diyà te langit, tehuza niw zaan sikandin!”

Migkag̵i sikandin diyà te kandan te, “Duen insurat he Lalag te Megbevayà he edhenduen te, ‘Is baley ku, ne egngezanan he valey he elempuanan.’ Ne sikiyu,” ke si Jesus, “nasì niw veeli he ubpeey te ebpemenlimbung.”

“Tudtuli niw is menge meg̵inged diyà te Siyun te, ‘Ebpekeume en guntaan is hadì niw. Kenà meinit is kedhadì din keniyu ne ed-untud sikandin te nati te asnu;’ ” iyan heini lalag dutun te ebpeneuven.

Ne migkag̵i si Jesus te, “Siguradu nevasa niw en sikan is insurat he Lalag te Megbevayà he edhenduen te, ‘Sikan is batu he himan te valey, mid-engkezan te menge pandey su kunaan dan ke wazè din pulus. Ne heini, nehimu en guntaan he vatu he iyan dà ebpekepurung te valey. Ulaula heini te Nengazen, ne igkeinuinu tew utew.’

Umba,” ke si Jesus, “benar iyan he kenè kew en maan is menge Hudiyu edhedian te Megbevayà su iyan din edhedian is menge etew he edtuman te egkesuatan din.