Popularni biblijski stihovi od Sione 11

Podijeli

Pea folofola ‘a Si̇̄sū kiate ia: ‟Ko au pē ko e toetuʻu mo e mo‘ui. Ko ia ʻe tui kiate aú, neongo te ne mate, ka te ne toe moʻui. Pea ko ia kotoa pē ʻe moʻui mo tui kiate aú, ʻe ʻikai ʻaupito te ne mate ʻo taʻengata. ‘Okú ke tui ki he meʻa ni?”

Pea folofola ʻa Si̇̄sū kiate ia: ‟‘Ikai naʻá ku talaatu kiate koe, kapau te ke tui, te ke mamata ki he lāngilangi ‘o e ‘Otuá?”

Naʻe tutulu ‘a Si̇̄sū.

Pea ʻi he fanongo ki ai Sīsuú, naʻá ne folofola: ‟Ko e mahaki ko eni̇́, ‘e ‘ikai te ne mate ai. Ka koeʻuhi̇̄ ke fakalāngilangi‘i ai ʻa e ‘Otuá, peá ke fakalāngilangiʻi foki ʻa e ʻAlo ʻo e ʻOtuá, ʻiate ia.”

Pea ‘i heʻene folofola pehē: naʻá ne kalanga leʻolahi atu: ‟‘E Lāsalosi, hūmai kitu‘a.” Pea hū mai leva kitu‘a ʻa e tangata naʻe pekiá, ‘oku kei haʻiʻaki ʻa e kafa hono vaʻé mo hono nimá, pea kei haʻi mo hono matá foki ʻaki ha konga tupenu. Pea folofola ‘a Si̇̄sū kiate kinautolu: ‟Veteange ia, pea tuku ia ke ne ‘alu.”

Ko ia, naʻe toe tangi ʻa e loto ʻo Si̇̄suú, pea naʻe ‘alu leva ki he fonualotó. Ka ko e fonualotó, ko ha ‘ana na‘e tāpuni‘i ʻaki pē ha fu‘u maka.

Naʻá ne folofolaʻaki ʻa e ngaahi meʻa ko iā, pea hili iá pea naʻe toki pehēange kiate kinautolu: ‟Ko hotau kaume‘a ko Lāsalosi̇́, kuó ne mohe, ka ko ‘eku ‘alu atu ʻeni ke fafangu ia.”