Popularni biblijski stihovi od LIPOH 1

Podijeli

Hütsüpü Tsingrangba-nü yocho, “Ihsanü nyitsarü Ihsa tsah, Ihsa kyochola thrinung; ko arüh tsü nguh, uza ko kanglungrü apüm, kuh la kangba ko rangmü kanglungrü, azikyah ko amülah apüm michah abüdongrü kangsohnung.” Hütsüta Tsingrangba-nü Apu kyochola nyitsarü thricho. Abinü arüh khingkurü ko adhrerü thricho.

Ko Tsingrangba-nü arüh müwajü yocho, “Suchehng ko limih sohjeng ko hütsü rahsehng. Nguh, uza ko rangmü kanglungrü apüm michah Ihnü nührü abüdongrü kangsohre.

Adikehla Tsingrangba-nü ninglih thricho.

Alimih tsü müthriziepü adeng licho ko amarürah tsü hiba müthrizieba asoh-u michah licho; ko Tsingrangba Anbü kih michah mongchi licho.

Ko Tsingrangba-nü yocho, “Atsingse lieng” ko atsingse chürocho.

Ko Tsingrangba-nü Abinü thricho apüm dhingcho ko Abinü hütsü tsa ngucho. Macho ko tsingsecho, hütsü dhüroh-u nyümong licho.

Ko Tsingrangba-nü atsingse tsü tsa ngucho; ko Abinü atsingse tsü amarürah tenü changsahjücho.

Ihnü nührü khyang singtse ko singsih adhangpi atsunung jüre

Abinü atsingse te “Anyümong” ko amarürah te “Aromang” pü dsicho. Macho ko tsingsecho, hütsü akhudiba nyümong licho.

Hütsüpü Tsingrangba-nü yocho, “Kih la tsü ningkong khüdu chürosohng ko hütsü khu kih lanü kih tsü changsahsohng.”

ta rangmü kanglungrü ko uza apüm shulüm atsunung zanu ko singvarova jüre” ko hütsüta kangcho.

Hütsüpü Tsingrangba-nü yocho, “Ama tenü anyümong changsahnung nengdang ningkong chah atsingse chürosohng ko hütsü khu akyang, kang ko nyümong müdhesohng

Ko Tsingrangba-nü yocho, “Alihnü singdonglidong lüpcho chürosohng, atse zehba ko asih sihba, ko hütsüta chürocho.”

Ko Tsingrangba-nü ningkong tsü külüpcho ko hütsü khu amilang liba kih lanü apohki liba kih tsü changsahcho.

Hütsüta alihnü singdonglidong chürosohcho ko Tsingrangba-nü hütsü tsa ngucho.

Ko Tsingrangba-nü atsingse amülülah anyüh külüpcho, anyümong nengdang nyü ko aromang nengdang chonu; ko Abinü chenghitisü külüpcho.

Hütsüpü Tsingrangba-nü yocho, “Ning pohki kih tsü müdüm khüdula tingbülung ko alih akung chürung ko hütsüta kangcho.” Abinü akung te tsü “Alih” pü dsicho ko tingbülungba kih te “Kihdi” pü dsicho.

Abinü arüh apüm müwajücho ko kih la kanglungrü te kih jeng aza thsanung ko uzati te suchehnung mülacho.

Hütsüpü Tsingrangba-nü yocho, “Alimihnü kanglungrü lüpcho chürosohng: Kuh la kangba ko rangmü kanglungrü, azikyah ko amülah.” Ko hütsüta chürocho.

Hütsüpü Tsingrangba-nü yocho, “Kih tsü kangzahnü jeng kang ko ningwüm tsü uzatinü jengsohng.”

Hütsüta Tsingrangba-nü arüh apüm külüpcho ko Abinü hütsü tsa ngucho.