<div class="version vid4121 iso6393nuj" data-vid="4121" data-iso6393="nuj">
   <div class="book bkGEN">
      <div class="chapter chINTRO1" data-usfm="GEN.INTRO1">
         <div class="imt"><span class="content">Enyanjula</span></div><div class="ip"><span class="content">Ehitabo hino hiroma hu bi&#331;amba hutandiha ohwa hiisi hiitu. Hiroma hu ngeri eyi Hatonda gatondamo ebiitu byosibyosi hu hyalo, ohuhirira erala omuutu oyu gaata hu hyalo gamu&#331;ambya obuvunanyiziwa owohuhirabiriranga. Ehindi, ehitabo hino hiroma hu ngeri eyi ehibi n&#700;ohubonaabona ko n&#700;ohufa byatandihamo. Hiraga engeri eyi ndimi ejenjabulo n&#700;amawanga gatandihamo era hiroma nohu ngeri eyi Hatonda gatobola omuutu mulala, oyu baali ni balanga baati Yibbulayimu ko n&#700;abejuhulu babe Abayudaaya, ohuba abaatu babe abenjabulo abehwehulire, bahalomera abaatu abandi hu bi&#331;amba hu maani n&#700;amazima gage.</span></div><div class="ip"><span class="content">Ohu&#331;wa hu suula ey&#700;ehumi n&#700;ebiri ohwolera erala hu suula ey&#700;amahumi ataanu, baloma hu byafaayo eby&#700;amago ga Yibbulayimu n&#700;agomusaani wuwe Yisaka n&#700;aga Yakobbo ko n&#700;abasaani ba Yakobbo ehumi n&#700;ababiri aye ohuhirira erala omusaani oyu balanganga baati Yosefu.</span></div><div class="ip"><span class="content">Ehitabo hino hiraga engeri eyi Hatonda galabiriramo abaatu babe abo abenjabulo wayire nga baali badiidiri, abaatu abajumiryanga abahatonda abandi ni babeswanigirihise. Ehindi, ehitabo hino hiraga engeri eyi Hatonda asuubiramo abaatu babe ohumugondera n&#700;ohugendera mu magira agamu&#331;eesa e&#331;ono.</span></div><div class="ip"><span class="content">Ehitabo hino, &#331;alala n&#700;ehindi ehi balanga baati Ohu&#331;unuha, n&#700;Abaleevi n&#700;Ohubala ko n&#700;Amagambi Olwohubiri, Abayudaaya babiranganga baati &#8220;Amagambi&#8221; oba baati &#8220;Amagambi ga Musa.&#8221;</span></div>
      </div>
   </div>
</div>

Enyanjula
Ehitabo hino hiroma hu biŋamba hutandiha ohwa hiisi hiitu. Hiroma hu ngeri eyi Hatonda gatondamo ebiitu byosibyosi hu hyalo, ohuhirira erala omuutu oyu gaata hu hyalo gamuŋambya obuvunanyiziwa owohuhirabiriranga. Ehindi, ehitabo hino hiroma hu ngeri eyi ehibi nʼohubonaabona ko nʼohufa byatandihamo. Hiraga engeri eyi ndimi ejenjabulo nʼamawanga gatandihamo era hiroma nohu ngeri eyi Hatonda gatobola omuutu mulala, oyu baali ni balanga baati Yibbulayimu ko nʼabejuhulu babe Abayudaaya, ohuba abaatu babe abenjabulo abehwehulire, bahalomera abaatu abandi hu biŋamba hu maani nʼamazima gage.
Ohuŋwa hu suula eyʼehumi nʼebiri ohwolera erala hu suula eyʼamahumi ataanu, baloma hu byafaayo ebyʼamago ga Yibbulayimu nʼagomusaani wuwe Yisaka nʼaga Yakobbo ko nʼabasaani ba Yakobbo ehumi nʼababiri aye ohuhirira erala omusaani oyu balanganga baati Yosefu.
Ehitabo hino hiraga engeri eyi Hatonda galabiriramo abaatu babe abo abenjabulo wayire nga baali badiidiri, abaatu abajumiryanga abahatonda abandi ni babeswanigirihise. Ehindi, ehitabo hino hiraga engeri eyi Hatonda asuubiramo abaatu babe ohumugondera nʼohugendera mu magira agamuŋeesa eŋono.
Ehitabo hino, ŋalala nʼehindi ehi balanga baati Ohuŋunuha, nʼAbaleevi nʼOhubala ko nʼAmagambi Olwohubiri, Abayudaaya babiranganga baati “Amagambi” oba baati “Amagambi ga Musa.”

Slušajte Etandiha Enyanjula